شلون أتخلص منهم؟؟

السلام عليكم ورحمة الله وبركاته
شلونكم حبايبي بنات منتداي الغالي
عندي استفسار وأبيكم تساعدوني؟
الجرايد اللي قريتوها وين تودونها؟
عندي جبل جرايد ما أدري وين أوديها
أخاف أقطهم بال**اله (وانتو بكرامه) فيهم اسم الله
وما أدري يحرقونها والا لأ
تكفووووووووووووووووووووووووووووووووون ساعدوني

والله حبيبتي مادري بس انا استخدم الجرايد ساعات بالمطبخ وجذي فشوفي لج شغله تستخدمين فيها

انشالله البنات يفيدونج لحل مشكلة الجرايد الموجوده عندج

حبيبتي هذا اقتباس من موقع ثاني عشان تستفيدين
*
*
*
أختي أنا أنظف فيهم الزجاج والمرايا
يخليهن يبرقن

شفت الطريقة من قناة أجنبية

الطريقة كسفي الجريدة خليها مدورها وبليها بالماي ومسحي المراية

عقب ييبي جريدة هب مبلولة ومسحي المراية مرة ثانية

تستوي المرايا نظيفة ولميعة
*
*
*
الغالية نحن نعطسهم العمال هم يحتاجونهم

وكان عندي فوووووق 7 كراتين وخلصوو

*
*
*
انا مره شفت خادمة يارتنا تقلي بطاطا وحاطه الجريده في الصحن على شان يشفط الزيت
*
*
*
هلا حبيبتي......... انا لي عندك اقتراح..... اذا كانت كمية الجرايد كبيرة ..... اسألي عن مصانع الورق تراهم يشتروها منك ويعطوك فلوس
*
*
*اي درج عندي سواء الكبت او التسريحه او المطبخ افرش جريده عليها اول بعدين احط فيها تتم نظيفه

حبيبتي مشكورة على ردج ما قصرتي
بس ما أقدر استخدمهم فيهم اسم الله

شدعوه بس وحده ردت علي

انا استخدمهم حق تنظيف الدرايش والمرايات
واسوي منهم سفرة حق الأكل
ومرات افرشهم بالمطبخ واقعد اقصص الخضرة حق الغدا ولا العشا

هلا اختي . . .

استخدام الورق كورق يسحب الزيت من الاكل اللي يتم قليه خطر . . .

استخدام الجريدة في المسح والتنظيف وفيها اسم الله هم بعد ما يجوز . . .

طيب شنو الحل مثل ما ذكر في الرد فوق :

اتصلي على الشركات اللي تعيد تصنيع الورق

تحصلينهم على كراتين منتجاتهم الورقية يكتبون ارقامهم . . .

وان ما حصلتي شي بتلاقين حاويات قرب الجمعيات التعاونية فيها كراتين حطيها فيها

وع فكرة هالحاويات التجار داخلين مناقصات فيها علشان ياخذونها وياخذون الكراتين والورق من مخلفات الجمعية . . .

العفووو حبيبت قلبي وانا متواجده لخدمتكم

تسلمون على مروركم حبايبي
واللي تعرف رقم اي مصنع لا تبخل علي

هلا حياتي 000

انا كنت مثلج مادري وين اودي الجرايد ودقيت على لجنه خيريه كنت بودي ملابس صدقات وقلت له عندي جرايد قال جيبيهم حنا نحرقهم 000

اتصلى على اقرب لجنه من منطقتكم000

ان شاء الله اكون افدتج
بالتوفيق000

مشكووره ام نوافي على الافاده

حبيبتي الحين انحلت مشكلتج

ماقصرؤا البنات

أنا بجمهعم آخر الأسبوع في كيس كبير و أطلعهم بره باب الشقة أكيد الهندي بياخدهم بيرميهم أو بيستفيد منهم المهم إني مش برميهم في الباسكيت عشان مليانة نعي لفلان و فلانة و فيها آيات قرآنية كتير بحطها في كيس و هما يتصرفوا...