الحمد لله يااخواتي انا الان في بدايه الشهر الخامس والدكتوره قالت بنت والحمد لله انا فرحانه بس المشكله زوجي يبغي الولد وانا الى الان اقول له مابين اتمنى ان الدكتوره تكون غلطانه ويطلع ولد سليم وصحيح معافى هل ممكن السونار يخطى ومين لها تجربه مع السونار تقول لي
حبيبتي انتي عليج بالدعاء والسونار يخطئ في كثير من الحالات وانتي اصلا توج اعرف وحدة والله قالوا لها بنت وتخيلي حتى بالتاسع قالوا بنت وجهزت اغراض بنت يوم ولدت طلع ولد يعني فية نسبة خطا انتي ادعي بالذرية الصالحة الله اعلم وين الخير لكم في البنت او في الولد والله ان من المعروف البنت ارحم واحن من الولد والعلم عند الله وادعي وان ربج يرضيكم بقضائة ... اسال الله ان يرزقج الولد الصالح
اي انا قالولي بنت وانا كان بدي بنت وجهزت اغراضها وسفرت عسورية اولد وكنت بلشهر التاسع فتفجاة انو صبي واختي كمان راحت لعند الدكتورة وقالتلا بنت وبعد شهر رجعت لعندها فقالتلها صبي والحمدلله عكل شي المهم الخلقة الطبيعية بس الدكتورة وقت قالتلك بنت ارجتك الاعضاء التناسلية للبنت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يحياتي البنت والولد نعمه قوليه غيرك معندها يتمنى ,, انا بصراحه قولي بطني ولد جهزت ولد بأول تاسع رحت رويال حياة فتحت ملف عندهم سويت سونار قالتلي بنوته انصدمت لاني كنت اراجع بالهادي قالولي ولد اكثر من مره ,, الحمد الله ااهم شي الخلقه التامه ,,
شوفي حبيبتي ادعي اللي فيه اصلاح فهمي زوجج انه كل هذا رزق من الرزاق صحيح انه السونار يخطي خاصة البنات يطلعون اولاد بس حطي احتمال كبير انها بنت عشااااااااان رجلج يكون داري قبل لا تولدين
اشكركم يااخواتي الغاليات الله لايحرمني منكم اختي دموع الالماس الدكتوره لم اشاهد الاعضاء التناسليه بس قالت بنوته والعلم عند الله وعندما اشاهد الجهاز ثلاثي الابعاد اخبركم ياخوات الغاليات الله يفرج كربه كل من رد على
اي لانو انا بعرف انو الدكتورة اذا كانت متاكدة من النتيجة بتحط الصورة على العضو التناسلي وبتاكدلك 100 بل100 انشالله والله يتمم حملك يارب
عادي انا بحمالي الثاني قالولي بالشهر الرابع بدايته قالولي بنت وبالشهر السادس لمن رحت قالولي ولد وعلى فكره خليني اقولج معلومه لا انتي ولا زوجج تعرفونها .... ترا البنت احلا واحن من الولد لان البنات يهبلووووووووووووووووون وباجر بتعرفون لمن تولدين بالسلامه ان شالله
انا بالشهر التاسع اكدت لي الدكتوره 100%مرتين ان الي ببطني ولد وانا كنت اتمنى بنت لان عندي اولاد الحمدلله وورتني العضو مرتين وكنت جدآمحبطه لاني ما عاد ابغى اخلف وفي غرفة الولاده اتفاجأ تقول الدكتوره بنت والله حقدت على اللي سوت لي سوووونار واولا واخيرآ العلم بيدالله
انا عندي 3بنات فديتهم وصج الزوج يبي ولد بس بالاخير اللي الله كاتبه بيصير انا اقول لاتخشين على زوجج عشان لايحط امل قوليله بنت اذا الدكتوره اكدتلج هالشي والله يرزقج ويرزقني بالولد الصالح ان شالله
استغفر الله البنات شفيهم يماا يجننوووووووووووون والحمدلله عالعافيه00 انا اعرف وحده عندها 4بنات وزوجهاا يحن يبي ولد ويوم جابت الولد طلع مريض بالقلب والضغط والحين تعالج فيه بامريكاا الله يشفيه 00 الحمدلله عالصحه والعافيه قولي لزوجج وماعليج والبنت والولد كله منه مو انتي اللي تختارينهم00 والله يرزقج باللي تتمنينه يارب000
البنت والولد بيد الله سبحانه وتعالى يقدر يغير باللحظه الاخيره وانا مع كلام اخت اهات الليل لاتخشين لان مرت اخوي امس طلعت من المستشفى وطول التسع اشهر معشمه اخوي ان ولد وكله يقول احمداني واحمداني واهي تدري ان بنت وماقالت له ومجهزه كل شي وردي وحتى شغلها مال المستشفى والحلو من ورا اخوي مجهزه وردي ولين ولدت اخوي انصدم وانا ماكنت موجوده بس خواتي يقولون ان ماله خلق زوجته صج هالشي بيد الله بس لازم ماتعشمين الزووج بأن فيج ولد واهي بنت والله يسهل عليج يارب ويكون غلط السونار ويرزقج بالولد الصالح
الحين اللي عنده عيال بيبي بنات واللي عنده بنات يبي يعايل والله ماعرفنالكم كل شخص يبي اللي بطن زوجته علي كيفه اهم شي الصحه والعافيه للصغار والبنات والعيال
خواتي انا بقولكم قصه اختي كل ماتسوي سونار يقولولها بنت راحت جهزة كله لبس بنات لم ولدة قلولها ولد فبصراح كل من انصدم يعني بنت بعدين ولد المهم ولده قعد عنده بس عشرين يوم في البيت بعدين وده اسعاف لمشف قعده في المشفى شهرين توفى بس والله انه جاته عين محمد الله يرحمه كان احلى من كل اخوانه بس سبحان الله صار من طيور الجنه
الله يرزقج بالولد يااااااااااااااااااارب انا عندي ولد الحين واتمنى البنت اتصدقين مع اني لما كنت حامل استانست انه ولد بس الحين كله اتمنى انه يكون عندي بنت
ربي يسهل لج ولادتج ويالغاليه بنت او ولد المهم السلامه الزوج يتشرط ومايدري عن التعب وقت الولاده اشلون بيكون
ألف ألف ألف مبروووووووووووووووك والله يقومج بالسلامه وتتربى بعزكم والله ما في أحلى من البنات يهبلووووون
