بنات ابي استشارتكم كنت حامل لكن توقف نبض الجنين في الاسبوع السابع والحين صارلي اسبوعين ماراضي ينزل جربت زنجبيل مع القرفه، وجربت الحلبه، وجربت الاناناس، وجربت الخيله، وجربت بقدونس، وجربت عشبه عند العطار نصحني فيها ، وخذت ابره وصار لي اسبوعين اخذ حبوب كتبتلي عنه الدكتوره بس ما راضي ينزل .......... نزل علي نقط دم وبعدها وقف وخايفه اسوي تنظيف لاني سامعه ان له مساوئ بنات الي جربت تنظيف او ايحد من معارفها ارجو انكم تفيدوني وبعد كم من التنظيف صار الحمل .......... (ادعولي الله يفك كربي ويرزقني توأم كاملين من غير زياده او نقصان)
لا حول ولا قوة الا بلله الله يعوضج يا رب عن قريب اختي روحي علدكتورة وقوليلها تسويلك قرطاج يعني سحب للجنين واهم شي انتي تاكدتي انو النبض واقف
الله يكتبلج الحمل ويعوضج ان شالله يمكن خيره ماتدرين روحي سوي سونار يمكن في نبض؟؟ واذا مافي سوي تنضيفات احسن
لا شكوو انا مجهضه ومسوين لي تنظيفات وعادي لا تاخرت ولاشي ولله الحمد انتي رووحي للمستشفى قوولي انج حامل وهو يسوون اللي يشووفوونه منااسب
حبيبتي تأكدي اول انا عيالي في بطني مالهم حركه كلش ونبضهم ضعيف وحجمهم صغير وكل مره يسون لي تخطيط ماكو حركه كلش يقلبوني يمين يسار كلش ولا حركه واذا حطو تخطيط القلب ضعيف جدا ويوقف النبض سبحان الله ويرجع مره ثانيا الى وقت الولاده قالو الجنين مات ماكو نبض فجأه صار في نبض والحمد الله ولدت كيلو 900 بس عقب سبوع استقرت الحاله تأكدي ولا تعتمدين على كلام البنات حوبي هذي صحتج انتي والجنين
هلا اختي . . . ربي يعوضج يااارب . . . سوي سونار وتخطيط بالاول ان ماكان في نبض سوي تنظيفات . . . قعدته جذي برحمج بتسويلج التهابات ان ما نظفتي عدل . . .
هلا حبيبتي الله يعوضج ان شالله بس اذا تأكدتي مثل ماقالوا الخوات انه ماكو نبض !سوي مثلي انا اول حمل على شهرين تقريبا سويت سونار وماكو نبض ورحت المستسفى مارضوا يدخلوني لين ينزل علي دم ورحت البيت قعدت اسبوع ولا قطرة دم وهم مثلج ماكو شي ماشربته لين وحده الله يجزاها خير قالت لاميفي بالعطار عشبه اسمها شجرة العوار اذا الجنين ميت تنزله واذا سليم تثبته وما ني متأكده من هالحجي بس الي متأكده منه اني شربتها مع شوربه ونمت ساعتين وقعدت ألم نفس الطلق ونزل معي دم وطلع الجنين ورحت المستشفى ومادري ليش امي مارضت يسوون تنظيفات مع اني سامعه انه في حريم اهم يطلبونها والله يسهل عليج واتمنى اكون افدتج
