مساء الخير يابنات لو ما اعتبركم خواتي جان ماقلت لكم الي بقلبي انا خلاص كرهت زوجي شالحل بدا الكره يعمي عيوني منه كرته لي اخر درجه لا تقولون لي الصبر لاني صبرت 11 سنه خلاص كل شي وله حد عمري وشبابي راح كله على الفاضي لو ادري حياتي كلها جذي جان من اول ماتزوجت ياحسرتي علي عمري والله يسامح امي وابوي الي استعجلوا علي وزوجوني وانا صغيره . بنات انا وحده طيبه لي اخر درجه وحده مبيضه وجهه زوجي بكل شي مع اهله مع كل الناس تصورا دايم اسامح زلاته واسامح واقول مايعيدها يابنات سود وجهي جدام الناس يفشلني كل ما بغيت اتكلم وياه يعطيني ابو لباس انا انقهرت ماعمره تغزل فيني او مدحني جدام اهله ماعمره حسسني اني وراي ظهر استند عليه انا وحده اكلتني الغيره من حريم حمواي اشوف اسلوبهم مع رجاجيلهم جدامي كأنهم البلابل وكل ما اطبخ لهم الغدا ماعمري سمعت منه كله شكر اشووف حمواني يمدحون ويشكرون حريمهم جدامي وجدام امهم انا انقهرت والله واكتم قهري رجلي كله مطنشني وكل ماتصير زوارات وجمعات اهله مايعلمني يروح من وراي وجماعتهم يشرهون علي ليش ماتجين انقهرت اقول والله محد قالي يقول زوجج كان حاضر زعلت وطنشت واشوف الحال كل ماله يتردي عطوني الحل مع العلم كذا مره اقوله طلقني ما اتحمل اكثر من جذي وازعل بالاسابيع ولا يعبرني ومرات اقول بقلبي لو انه مايحبني ليش مخليني على ذمته وساعات اقول لو انه ناوي يتزوج علي ليش مايتزوج ويفكني من العذاب معاه صدقوني يابنات 11 سنه ماعمره تغزل فيني لا بيني وبينه ولا جدام عياله ولا جدام احد يا يتطنز ياساكت . ابي الحل السريع والله اني اكتب انا ميته من القهر ابي انفجر .
حبيبتي اكثر الرااجيل جذيه شنو تسويين تطلقين..؟ وبعدين عياللج وين يروحوون بتقولين عند ابوهم ولا عندج حرااام لجل عين تكرم الف عين انتي تعبتي وبيضتي وجهج احتسبي الاجر والله راح يعووووضج بيني وبينج ولاتزعلين مني يمكن فيه تقصير منج لرب العالمين يمكن صلاتج زينه وطااعتج زينه جربي تدفعين صدقه لله محد يدري فيها الا انتي وانوي ان تكوون اجرها وثوااب هالصدقه ان ربي يحن قلب زووجج عليج ويحبج ويتغزل فيج صدقيني اذا كاانت خالصه لوجه الله والله لتصير اسئليني انا انا مجررربه لاتحرين نفسج جرربي هالتجرربه وانا وااثقه انج راااح تلقين مردوووود مو طبيعي واذا مالقيتي فيها حل طلبي الطلاق شقلتي...؟
مادري وش اقولج بس بصراحة الرجال فية منهم جذية ليش تحرين جبدج وتبطينة طنشييييييييييية لا تهتمين فية يمكن يحس بس شوقي اقعدي معاة اسالي هو ليش جذية يمكن فية شي مضايقة بسالج عمرة ماقالج كلمة حلوة طول11سنة ولا كلمة شكر من يوم اخذج بس شوفي حببيتي الطلاق ماينفع بعد 11سنة وين بتروحين انتي وعيالج بتروحين عند اهلج اهلج بيتحملون شهر شهرين بالكثير سنة وبعدين مين بيصرف على عيالج اهلج لاتقوين ترا الحين مو احد متحمل احد كل نفسة الدنيا مومثل قبل خليج مع رجلج احسن لج ولعيالج مالج الاالصبر والدعاء في جوف الليل وتصدقي ماتدرين ربي يفتحها عليج هذي نصيحة انصحة لج من اخت لاختها ادري قرقرت عليج بس اسمحيلي
الله يهديه لج ياااارب .. صدقيني اذا قارنتي نفسج باللي حووولج بتتعبييييييييييين والله انتي خليج بنفسج وبس لهامي بنفسج اولاا عشاان نفسج وبعيااالج ثاانيااا عشاان ترفعين رااسج فيه وفي زوجج ثالثااا لان حق عليج الاهتمام فيه ولج اجر على ذلك .. والرجاااال اغلبهم جذي والله لاتحرين نفسج وزوجج على ماتعوديه انتي اللي عوديته انج راضيه مايتغزل فيج 11 سنه تحملي << سوري حبيبتي بس هذا الصج مايصير بيووم وليله تبينه يتغيييير وعقب ماشفتي الحموااات وتعاامل ازواجهم وياااهم قلتي تبين تصيرين نفسهم والله والله والله اعرف لي حريم يقولوون بيني وبينك لو شو تبي تسوي فيني سوو بس جداام النااس ابيك تتغزل فيني وتطيرني عشااان مااحتر الحريم يحروني ومن هالسووااالف .. صدقيني يااقلبي اللي واثقه من نفسهاا ومن حب زوجهاا لهاا ماتنطر منه اي كلمه او اي شكر جدام الناس نظرااته تكفي والله احياانا النظراات تكفي وترى في بعض الرجااال عيب عندهم ان يمدحوون حريهم جدام الناااس عندهم جذي تقلل من هيبته بس مايسوي جذي من الرجال الا اللي فيه نقص .. يعني لاتحكمين على الظااهر وتحرين نفسج ياااقلبي هدي بااالج وريحي نفسج وشيلي فكره الطلاااق من رااااسج ولاتنقهرين ولا شي وحااولي تغيرين من اسلووب زوجج بالتدريج وبالهدااوه كل شي ينحل .. وربي يخليكم لبعض ويهدي زوجج لج ..
اختي الغالييه هذا سبب تافهه جدا علشان تطلبين الطلاق شوفي مشاكل غييرج تهون عليج مشكلتج انا متزوجه صار لي5 شهور وزوجي عاملني بخشونه اول ايام الزواج ولا كلام حلو ولا دلع مع اني جميله وجسمي حلو وتعاملي مع اهله زين لكنه رجال خربوطي شبعان من الحريم لدرجه البس اكشخ مايحس فيني وسالته فيني شيء غلط موعاجبك قالي لا بس انا عمري32 وشايف قمصان وشبعاان انا الحين بطلب الطلاق لاني ملييت موحاسه بالراحه وياه من اول ليله حمدي ربج على زووجج اذا هو موخربوطي ولا راعي بنات ولا راعي عادات سيئه اغلب الرجال مايبينون مشاعرهم في منهم الي يسولف وفي منهم ينحرج حاولي تدعين له وغيري اسلوبج وياه كثرة النجره تطفش الرجال وانتبطريقتج حاولي ترفعين فيه وتمدحيينه وكل شيء يقولج قولي ابشر ياقلبي صدقيني راح يتغير
اقوللك اختى من طلع من دارة اتفل مقدارة وانتى بدار جوزك ملكة مهما كان جاادلكن والله ما حترتاحى عند اهللك وهذا سبب بسيط ليش تبين الطلاق ومن شاف بلاوى الناس هانت بلوتة احمدى الله وادعيلة انة يرق ويحن فى رجالة ماتعرف تعبر عن حبها وتقديرها لحريمهاوبالذات قدام اهلهلا تزعلى ولا حاجة اتشغللا باى شىء غير الموضوع دة عاااااااااااادى كل الرجالة تقريبا كدة
حييبتي أنتي مثل حالتي صارلي 8 سنين على هل الحال بس أنا الفرق ان كل واحد بدار بروحه ولا له دخل بالثاني والصراحه ما فرق عنده بالمره ولا شال غني ولا ذرا ان في مره معاه بالبيت ولا عبرني ولا فقدني حبيبتي الريال جذي ما يهمه سي ولا يفرق معاه سي أنا قمت أدلع نفسي واطلع وأستانس وأخذ دورات مكياج وكل شي وأهو إلي صار يدورني وايلي ب يبي يسولف معاي بس شعقبه بعد ما صار الجفا والكره بينا بذل الحب بس صدقيني هذا أحسن مْـْْـٌ?َ الطلاق دوري سي تحبينه دشي دورات ونسي نفسج وخليه طاف آهو ما ذرا عنج احترقتي ولا تصايقتي ما همه الريال فليش أتعبين نفسج عالفاضي بالعكس ونسي نفسج
ما اقدر اقول الا الصبر يا خواتي الصبر واذا التغيير ما كان من الرجال مستحيل يتغير واذا عن المديح او الكلام الزين الرجال ماتطلع منة الا كل 1000 سنة كلمة حلوة والله يعينكم
الحال من بعضه حياتي.... بس مثل ماقالوا الخوات من طلع من داره قل مقداره وشوفي بلاوي غيرج تهون عليج بلوتج... إلهي نفسج بشي غيره وخليه أهوا آخر إهتماماتج... الله يوفق الجميع إنشاء الله...
شيلي فكرة الطلاق هذا الشيطان قاعد يلعب براسك ولا الومك والله الانثى فيض من المشاعر ولاعرف يحتويك ودام ابو عيالك ماضربك ، ما اهانك ، ولا قصر ماديا ، ولا ..... اشياء انتي عارفتها تاكدي ان الي بقى بخله في احاسيسة ومشاعرة وطريقة التعبير الي يجهلها اغلب الرجال الشرقيين عليك بدعاء واحد (يااااااااااااارب سخرة لي ....) واكملي الي تتمنيننه فيه اسال الله ان يفرج كربة قلبك الحنوووووون
