قصة ولادتي

السلام عليكم ورحمة الله وبركاتة


شلونكم بنات شخباركم والله مشتاقتلكم انا الحمد الله ولدة بالسلامة والله رزقني بشير تبدي قصة ولادتي من يوم الاربعاء 8 12 كان عندي مراجعة بمستشفى الجهراء دشية على الدكتور وشاف ملفي وسوالى سونار المهم قالي لازم ندخلج المستشفى الماي زايد والنبض مو منتضم من السكر واوضاعي مو تمام كتبلي على دخول وقاي ضبطي امورج ويوم الجمعة بليل لازم تدخلين قلة اوكي ردية البيت وقعة اجمع اغراضي واغراض البيبي ويوم الجمعة بليل على الساعة 8 اخذة اغراضي ودعة بناتي وعيالي وانا ابجى وميتة من البجى وركبة السيارة مع زوجي ورحة سوالي اوراق الدخول ودخلني وراح حطولى تخطيط وتحاليل ومن هالسوالف المهم جاني الدكتور الصبح وفحصني وقالي طبعا الرحم مسكر وسميك ومرتفع فوق ومو وضع ولادة بس لازم نفتحلج الرحم لان موزين على البيبي المهم نزلوني الوضع وركبتلي الدكتورة جهاز غريب اول مرة اشوفة بحياتي نفس البالون وفتحتلى الرحم بهذي الالة الحديد والله تعور حيل المهم ركبة لي وقالتلي راح تقعدين بالملاحظة ساعتين لان بسرعة يفتح الرحم خلصة الساعتين والرحم ما فتح وصعدوني الجناح مرة ثانية والجهاز فيني وقالتلي الدكتورة راح ننطر 24 ساعة الهم الجهاز كان يورني حيل وينزل معاي الله يعزكم دم واجد وماقدر البس ملابس من الجهاز مرة الاربع وعشرين ساعة وماصار شي نزلوني الوضع الساعة 8 الصبح يشيلون الجهاز وجتني دكتورة بلغارية وقالة لازم نبطل كيس الماي وافتح الرحم بايدي بس تحملي راح يتعب شوي بس لازم تتحملين قلة ميخالف المهم شفة العذاب بهالمرحلة الم الله لا يوريكم الممرضات يضغطون على بطني حيل والدكتورة توسعني الله لا يحرمني الاجر تعذبة المهم قالتلي خلاص احنا وسعنا الرحم ونزل الماي الحينيزيد عليج العوار وتولدين انشالله بس مسالة وقت وصارة الساعة 12 جتني الدكتورة وفحصتني وما صار اي شي وقعوني على اوراق العملية اذا احتاج الامر المهم قالتلي انا سوية معاج كل المحاولاة بس باقي احطلج طلق صناعي بالدرب بعدها بساعة اشتغل على العوار وقام يزيد وعلى الساعة 4 وربع العصر ولدة والحمدالله ولما طلعة الممرضة المشيمة جان تنقطع بايدها وطشر الدم بكل مكان وتخرعة والله من لالي شفته والممرضة قامة تكلم نفسها من الخرعة ونادة رفيجتها وقامو ينظفون الدم ونادو الدكتور وقام يهاوشهم ويزفهم وعطاني ابرة بنج بسرعة ومادري شنو سوو فيني وهذي قصة وسلامتكم

الحمد لله انك قومتى بالسلامة لعيالج والله تزكرت اخر ولادة لى كانت بتشبهة ولادتك

قصتج تعور القلب بس ماقلتي لنا اي مستشفى ولدتي

الحمدلله على سلامتج ويتربى بعزكم

حبيبتي ألف الحمدلله عالسلامه ومأجوره ان شالله هذول الجهرا وسوالفهم اكيد بتسمعين سوينا كل المحاولات ووقعي على احتمال العمليه

حبيبة قلبي الله لا يحرمج الأجر ياااااااااااااااارب
والحمدالله على سلامتج

الحمدالله على سلاااامتج يا قلبي

الله ياجرج عورتي قلبي الله يواجرج

الحمد لله على سلامتك والله يخليلك بشير

والله كش جسمي علي

انا عمري ماحملتا لله يرزقني
بس انتي خرعتيني هههههههههههههههههههه << من الخرعه اضحك ههههههههههه

الله يواااجرج ياقلبي ويخليلج عياالج يااارب وتفرحين فيهم ياقلبي

حمد الله على سلامتج حبيبتي وكل هذا اجر ان شاء الله اهم شي طلعتي سالمة

الحمدالله على السلامه حبوبه ومبروك الافي ان شاءالله )

الله يسلمكم من الشر ويجزاكم كل خير والله يهون على الحوامل ويرزق كل من بغة الحمل يارب

الحمدالله على سلامتج انشالله تعبت الا تعبيتيه كله باجره محسوب عند الله

الله يجزاج خير حبيبتي والله لا يحرمنا الاجر

الحمد الله على سلامتج

واي اقرى موضوعج واحس بعوار صج اخترعت وفعلا الولاده تصير اشياء الوحده ماتحسب احسابها كلش

الله يكتبلك الجر انشاءالله وربي عورتي قلبي وربي لا يخسرك