واخزياه سعودي تغطوا يابنات )**

مـدخـل


شاب سعودي يعمل في شركه تنظيف خاصه بالقصور والمجمعات



يقول ان جميع العاملين معي اجانب
انا السعودي الوحيد بينهم

خرجنا ذات مره الى احدى الفلل لتلميعها
عندما دخلنا كانت صالة

الفيلا تعج بالنساء صغارا وكبارا




سوالف وضحك
طبعا لباسنا موحد لما دخلنا محد تحرك من مكانه

ولاكأن الي داخلين رجال كالعاده
جمعنا العده وبدأنا العمل قدر

الله وطاح سطل ماء من احد العمال

رفعت صوتي للعامل قلت له
جب السطل




بعدها صرخن الحريم بصوت واحد

سعووووووودي

وفي رمشة عين ماعاد شفنا احد

قلت ايه سعووودي
يعني السعودي حرام والاجنبي حلال



وبكل وقاحه جالي صاحب الفيلا وملامحه يطير منها الشرار


كيف تدخل على حريمنا بهالطريقه


المفروض تعطينا خبر عشان يتغطون




سبحان الله وش معنى انا

وهالشباب الي معاى مو رجال

انتهت




هذه صوره من بين الكثير من الصور التي نراها في

مجتمعنا وان اختلف السيناريو بعض الشيئ

الحديث عن ثقافة العيب وتاصيل الحلال والحرام

نشأنا وكلمة العيب تردد على مسامعنا بشكل يومي كردة

فعل لأي تصرف مشين



حتى بتنا نسمعها اكثر من كلمة حراام

حتى في تبرير المنكر المحرم

استتري ليش عيب!!

لاتكلمين الرجال ليش عيب!!

لاتروحين لحالك ليش عيب!!

لاطول ثوبك ليش عيب انت حرمه!!

لاتطول على الاغاني بالشارع ليش عيب!



استبدلنا


حرام ومنكر ومكروه

بعيب وفضيحه وخزي

حتى ان بعض الناس باتت تردعه كلمة العيب

اكثر من كلمة الحرام

عجبي





مخرج

يجب ان نراجع انفسنا

وننفض عنها هذه الرجعيه

وهذا الخلل في المفاهيم


ونربي ابنائنا على شرع الله

ونعظم في انفسهم

مبدأ الحلال والحرام

ونقضي على هذه الجاهليه المقيته..



لــــــــــــــــ ودي ـــــــــــــــــكم



​

اي والله صاااجه 100% الحين استغفرالله هاابين بهالشي بذات عند الهنادوه اللي برا بالشوااارع اختي يوم كانت بالثاانويه في مصاافط داخل المدرسه للمدرسات والاداره عامه والباصات تقول المدرسات الاغلب مو الكل طبعا" يطلعون ابدلهم لاوصلت سياارتها البست العبااايه والنقاااب .
الله لايجييب اليوم اللي ننسه الحراام ونحطه حلااااااال

شكرا حبووووبه

مشكورة وماقصرتي على هالموضوع . . .

فعلا هالشي موجود تلاقينها تطلع للهندي بنص جم والا نحرها وشعرها طالع وعااادي هندي !!

يعني الهندي مو اجنبي عنها مو رجل مو من وراه بتسجل عليها سيئااات !!

ماني عارفه شلون تفكر بعض الحريم
تصدقين مره قالوا تغطوا بيدخل رجال..المهم
لما دخل وشافوه هندي اكشفوا يقولون
حسبالي رجال << صج والله انا على بالي مخلوق فضائي
فهالزمن لادين ولا عادات ولا تقاليد
الا من رحم ربي
نوور ... يعطيج العافيه على الطرح المميز

صدقتي نور...

وهالشي موجود بالفعل..


ما ادري شلون يفكرون بهالبشر...يعني اجنبي يمكن مورجال...؟؟؟؟!!!!



الحمد لله والشكر على نعمة الاسلام
بس لو نلتزم فيه ونطبقه بحذافيره ..جان صرنا فوق القمم والله


مشكورة نور ويعطيج الف عافية

يعطيج العافية على الموضوع
وصاجة الحين الحريم :sad_smile: للاسف عندهم الهندي مو رجال
يطري علي ايام ما كنا نروح المدينه الترفيهية كانوا بعض _ واكد-
على كلمة البعض تفصخ النقاب على بو ان الهندي والمصري
مو رياجيييل؟؟؟؟؟؟

ايه الله يخلف علينا الشر يعم والخير يخص

والله اني اعرف لي ناس مايتغطون من الهندي اعنبوكم ليه مب عادينه رجال

عشانه مب عربي ومايعرف حكينا

لا واذا دخل عيونه تدخل قبله من الشفاح

الله يهدي هالناس والله لايبلانا

تسلمين حبيبتي عالموضوع

يسلموووووووووووووو

حبيبتي شاكره لج ع الطرح النايس
بس في مثل يقول اللي استحوا ماتوا
لو بتكلم في هالقضيه بتتعب صفحات المنتدى
عجزت السنتنا عن الحديث
الله يعطيج يالغلا

الله يعطيج العافية ياالغالية​

نور الله يعطيك الف عافيه ع هالموضوع

وبصراااحه وللاسف الشديد فيه ناااس كذا الهنود ماشاءالله محللين الكشف عندهم>>الحين ذولي مو اجانب عنك


لا وازيدك من الشعر بيت الحين صاروا الريجيل هم اللي يتغطون من الحريم>>يعني مثلا قالوا فلان بيدخل

قالت خل يدخل عادي انا مو غريبه

لعنبوا بليسك الرجال صار يستحي وانتي لا

زمــــــــن غـريب والله يكفينا الشر

هذا نفسه نفس اللي بالكويت متغطين واذا سافروو

لدول الاوربيه والا الاجنبيه قطوو النقاااب جنه ربهم بالكويت غيره بره الديره

نااس تفكيرهااا مدري شلووون صاااااااير

نسأل الله لهم واناا الهدااااااااااااايه ..

صصصـــدقتــــــي واللـه هالشششــي كثــرآن حــــــيل هالايـــآم ..

اللـه يهــــــديهــــــــــــــم بسسس يعنـــــــي الخـليجي ررجـــــــآل والهنـــــــــــووود والاجــآنب
<< مـــــوريــآجيل يعنــــــــــــي ..

ومــآيقهرنـــــي الا اللـــي تفصصصخ لا سســـــآفرت هني رجـــــــآل وهنــــــآكـ لا ..؟؟؟؟

اللـه يخلف بسسسسسسسسسسس ..

يعــطيــــج العــــــــآفيــه ع المــــوووضوع الرووعـــــــه ..​

يقول الاخ السعودي رجال والباقين مو رجاجيل ههههههه


اي شيء يطرح في النت لا يبت بصله لمجتمع بحد ذاته وانما يعود ذلك لكل من له صله بوازعة الديني فقط
لك حق النقل ولكن لايضيف للقارئ شيء لوحدد مجتمع بهيبته مثل السعودية .


موضوع جميل في تنسيقة وزخرفته هنيئا لك وموفقة يارب