السلام عليكم يابنات حبيت اسالكم عن الدكتوره ماجدة اليتامى منو سوا حقن مجهري عندها وانجحت العملية من اول مره والله يرزقنا كلنا الذرية الصالحه يارب
والله اختي ما انصحج بماجده اليتامى راح تتعبين وايد روحي عند معصومه بخصيت وايد ممتازه وتوكلي على الله انا رحت حق ماجده سوو فيني بلاوي
هلا اختي . . . روحي لمعصومة ع الاقل بتعطيج الصج شنو بالضبط . . . والاهم حطي احتمال ان مو من اول مرة تنجح العملية . . . ونصيحة اذا تعرفين احد بالحكومة (مستشفى الصباح ) روحي لهم لان بتدفعين فلوووس مالها حد ع هالعمليات . . .
مشكوره حبيبتي على النصيحه والله يرزقنا انشالله الذرية الصالحه بس انا كنت عند معصومه بس مانصحتني بولا شي قالتلي خلي ريلج يروح حق دكتور يعالجه لين يصير حمل وكل ما اروح لها تحولني حق المصريات الي وياها ولا شفتها و رحت حق ماجده قعدت معاي وفهمتني شي شي وشنو المفروض اسوي ونفسها حلوه جنها امج تنصحج وسوتلي كل الفحوصات الي لازم تتسوى والله كل
هلا اختي . . . طيب قبل كل شي روحي لدكتور مو دكتورة دكتور شوفي قناوي بمستشفى السيف قبل ما تسوين اي شي برحمج اوكي تطمني ان كلام ماجدة صحيح من قناوي . . . وبعدها ان طلع كلامها صحيح شيليه ولا تسوين حقن مجهري انتظري خلي زوجج يتعالج وسوي تلقيح اصطناعي ارخص من الحقن المجهري لان الحقن بياخذون منج بويضات ومن زوجج وبيلقحونها بره الرحم وبيردونها وبالاخير نسبة 20 % تنجح !! لكن التلقيح الاصطناعي بياخذون من زوجج وينشطون السائل ويردونه لج وما تتأذين فيها كلش . . . والتكلفة مو وايد بحدود ال 150دينار مع العلاج ويمكن بس 80 اما اللي عند ماجدة بتكلفج 2000دينار مع علاجها . . .
والله انا عندي واسطه بالصباح والدكتوره الي تسوي العملية قالتلي اذا بتنطرين الصباح بس اجراتها ٣شهور تقريبا واجهزه مو متطوره حيل وكل بين فتره وفتره تخترب *
والله عندي واسطه بالصباح بس قالتلي بتنطري ٣ شهور تقريبا واجهزه مو متطوره حيل وكل بين فتره وفتره تخترب *
الله كريم ربج يفرجها شوفي انا رحت حق واحد ووايد ممتاز اسمه باتريك بمستشفى لندن بالفنطاس والله يقولج كل شي من اول مرا وما يحب التأخير إذا شاف عندج شي يبيله عمليه على طول يقولج باجر ولي يعجبني فيه شغله حار بحار ما يأجل بس الصراحه يبيله فلوس
انا مادري ليش قلبي مرتاح لها ومابي اراجع عند ريال استحي وباجر موعدي عند ماجدة عشان اتشوف تحاليلي وتحدد موعد العملية والله حدي خايفة ماقمت انام ولااكل عدل مثل اول بس احاتي والله كريم
الله يسهل عليج بعدين باتريك اجنبي وقاعده يمه دكتوره كويتيه تترجملج كلامه وهو اسمر حيل بس طيب ولا يهمج ريال يا بنت الناس شوفي نفسج والله يرزقج لا تصيرين نفسي استحي واستحي وأخر شي اراجع عند دكتور ودايم الدكتور احسن من الدكتوره انا جربت دكاتره حريم ولعبوا فيني لعب وان شاء الله مافيج الا الخير بس قوليلنا شنو يصير معاج
مشكورة حبيبتي على النصيحة وانشالله اقولكم شنو صار معاي بعد ساعه موعدي والله يفرجها ويرزقنا بالذرية الصالحه يارب
بنات ادعولي باجر عمليتي اسئصال التليف وحدي خايفه منو جربها عند الدكتوره ماجده اول مره اسوي عملية بحياة وماني قادره اسكت من البجي والخوف
ان شاء الله مافيج الا العافيه يارب سهل عليها وطمن قلبها وان شاء الله يرزقج بالذريه الصالحه وبشرينا شصار عليج بالتفصيل
السلام عليكم بنات الحمدالله اليوم صارلي ٩ ايام من سويت العملية سهالات ومافي الم الحمدالله وكل شي صار بتيسير من الله والعملية سهالات وماحسيت بشي والدكتوره كانت معاي وتذكر الله وتهدين قبل لاتسويلي العملية وعقب ما قعدت من البنج يتلي مره ثانية ومعاملتهم وايد حلوووه ويعتنون بالوحده والحمدالله على الصحه والعافيه والف حمد وشكر
