أهل الكويت أبيكم شوية ، خاصة أهل الفروانية !

السلام عليكم

حبيت أسأل عن منطقة الفروانية في الكويت ...

بماذا تشتهر ؟

أشهر الأماكن السياحية فيها ؟

أشهر المناطق السكنية فيها ؟

أشهر القبائل أو العوائل التي تسكن هذه المنطقة ؟

الطابع اللي يميز أهلها ؟

لا تبخلوا علي يا أهل الكويت الطيبين بالمعلومات ... ولكم أجزل الشكر ​

انشاء الله ترد عليج وحده من سكان الفروانيه
البنات ماراح يقصرون معاج

هلا قلبي...

محافظة الفروانية من محافظات الكويت ...اللي تقريبا تتوسط جميع المحافظات لقربها من الكل


بماذا تشتهر ؟

تشتهر بكثرة الزحمة والاسواق داخل منطقة الفروانية وخيطان اما باقي المناطق التابعة لها فهي سكنية هادئة


أشهر الأماكن السياحية فيها ؟

حديقة الحيوان ....العمرية
قرية الطفل الترويحية ..في نادي التضامن بالفروانية
المقهى الشعبي في العارضية
هذا غير العديد من الحدائق السياحية اللي موجودة في كل منطقة
مطار الكويت الدولي
الافنيوز
استاذ جابر الاحمد
غير المطاعم للوجبات السريعة المنتشرة في كل المناطق

أشهر المناطق السكنية فيها ؟
أبرق خيطان
الاندلس
اشبيلية
خيطان
الفروانية
الفردوس
ضاحية صباح الناصر
العمرية
العارضية
العارضية الصناعية
الرقعي
الرابية
الرحاب
الري الصناعية
جليب الشيوخ
الضجيج
الشدادية
ضاحية عبد الله المبارك


أشهر القبائل أو العوائل التي تسكن هذه المنطقة ؟


تقريبا تضم جميع القبائل ..لكن تشتهر بتجمع الرشايدة فيها

الطابع اللي يميز أهلها ؟

الطيبة والكرم والبداوة نوعا ما...والالتزام بالعادات والتقاليد...حب الجوار..وكل شي حلو موجود باذن الله


ملاحظة : ايضا يكثر في منطقة الجليب والفروانية وخيطان ..سكن للعزاب الوافدين ..اي العمالة الوافدة تقريبا



اتمنى اكون افدتج
واذا المعلومات مو كافية
دخلي قوقل وماراح يقصر



ينقل الموضوع للقسم المناسب

ماقصرت ام عهوود كفت ووفت

ياحلوا الفروانية وياحلو اهلها اهل فزعة
بس اشعندج اختي تسالين بتزورينا او بتسكنين



​

​

في الفراونيه مجمع المغاتير

مناطق الكويت كلــها حلــوة
ما أقــدر أميز بعضها عن الآخر

ؤالمدينه الترفيهيه فيها

يزاج الله خير أختي أم عهود خاصة وجميع الأخوات عامة

إذا فيه عندكم صور حق منطقة الفروانية يا ريت والله تحطونها ومشكووووورين ^^

حابة أعرف أكثر منطقة يغلب عليها الطابع الديني في محافظة الفروانية ، وأكثر منطقة يتردد عليها المشايخ عادة في الفروانية لو تكرمتم تفيدونا ويزاكم الله الجنة ...

اختي جميع مناطق الكويت ولله الحمد يكثر فيها الالتزام
ولكن اخص منطقة العارضية بكثرة المشايخ فيها والدروس ..والفردوس ايضا ...واغلب المناطق

والنعم والله مناطق كويت كلها
ياليتج سالتي عن الجهراء
كان ماخليت مجااااااااااااااااااااااال احد يشاااااارك!!!

حبيبتي .. البنات ما قصروا فديتهم كفووا ووفواا جزاهم الله خير ( :*

محافظه الفروانيه من احلى المحافظاات
واكثر القبايل فيها المطران والرشايده
وفيها حركه وناااس تحسين ماينامووون عالطول شغالين خخخخ