ساعدوني انا وبنوتي

السلام عيكم
شلونكم سيداتي
محتاجه مساعدتكم حييل خواتي
انا ام يديده وما اعرف شغلات اليهال ذلك اليوم شفت جارتنا
يايتنا مع بنتها الصغيره ملبستها طقم لفه وباند ووبدله الصراحه زووووغه
بس استحيت اسالها قلت يمكن شاريتها من النت بس دورت وما لقيت اطقم
بس لفات ولي يعافيكم وين القى هالشغلات لاني تعبت وانا ادور خصوصا باجي جم يوم واطلع
من النفاس وحدي متوهقه واسفه على الاطاله

هلا أختي . . .

تحصلين هالشغلات عند اللي يبعيون اطقم المواليد أنار وغيره . . .

والاخوات هم بعد بيفيدونج اكثر ومايقصرون . . .

مشكوره حياتي
واتمنى البنات يفيدوني اكثر

حبيتي تلقين عند h&m و مذكير و الصالحيه و مترو و ما ادراك ما مترو

وين صاير مترو ؟

تلاقين بسنتر بوينت اشياء ناعمه

انا امس شفت بنوتت خالتي تهبل ملابسها وعلى قولتج طقم غريب قالت طالبته من امريكا عن طريق بنت

وسنتر بوينت عندهم شغلات حلوووه وحوسي صوب المواليد تلقين شغلات عجيبه غريبه

وعلى قولتج انا احب الجاهل مرتب ولابس طقم

اي وشفت بعد في بروي هم شغلات تونس

يزاكم الله كل خير بنات
وانشالله بروح الاماكن الي قلتولي عنها
على الله القى الي ابيه

حبوبه كل محلات اليهال فيها أطقم
أنتي تختارين اللفه مه اللبس مع الكبوس والسدريه
وعطا المميه وكل شي روحي سنتربوين يهبل شغله
وتحصلينهم حتى بعلب مركبينهم مع بعض
أما إذا قصدج أطقم فخمه وشك وفناتق هذيل مْـْْـٌ?َ معارض

تسلمين يا قلبي لي جوله في المعارض انشالله

حبيبتي أحرار مالج إلى سرداب النصار اللي بالديره روعه بأطقم المواليد روحي و شوفي كل شيء عندهم

في شغلات بسنتر بوينت بس مو غريبه يعني انتي تاخذين اللفه مع البدله مع الكبوس هذا يعتبر طقم

وفي محل اسمه بيبي سنتر هم تلاقين عنده اطقم حلوه

بعدين عادي انا لما اشوف اشياء حلوه على بنت وامون عليها يعني اقدر اسالها ليش حلو الواحد يستفيد من غيره
يعني دام اهي جارتج طقي عليها الباب ههههههه لا يعني عزميها واذا كانت ملبسه المولود طقم ساليها من وين شاريته
يمكن تكون اهي تسويهم بالبيت

جنيه خرعتيني وين صاير سرداب النصار؟
انا اعرف سرداب الشايع بس
استغفر الله ساعات ما احس اني كويتيه
اماكن وايد ما اعرفها
حياتي ريمووو شكووو
الصراحه معاج حق بس شسوي
هذا طبعي استحي

حبوبه سنتر بوينت اطقم كامله من اللفه الى الدلاغات