أنا عندي طفل عمره سنة و6 شهور وماياكل الا بالغصب وقليل أكله مافيه شهية ماادري شنو السبب وحاله ضعفانه ماأدري شنو اسوي ساعدوني تكفون
هلاااا حبيبتي الله يخليه لج ان شااءالله وديه لدكتور يعطيه مشهيات او مقويات وسويله تحاليل .. طيب قوليلي هو يشرب الحليب ولا لأ ؟؟؟؟؟؟
انا ولدي شذي قمت ما اسويله اكل خاص لانه ما ياكله سويت الاكل الخاص بالاطفال البطاط مع جزر وقفشه عيش مره احط كوسه مره قرع مره بروكلي كنت اهتم جدر خاص ولوح تقطيق خاص وشريت مكينه خلاط للاطفال غاليه طلع مو كفو ما ياكل ولا يذوقه قمنا ما نسوي عيشته عالحليب الحين كبر صار ماياكل الاكل معانا وجبه الغدا العيش عيشته صارت عالخرابيط الحين صار سنتين ونص قام ياكل علا شوي شوي شوفي اذا جبتي طبق فواكه وعطيتيه يمكن ما ياكل يبيه واكليه انتي اغراء وانشالله يجي ياكل معاج واذا صحن معكرونه انتي اكليه وخليه يمج وكليه علا شوي شوي ومره شسويت فيه اعطيه لقمه بيدي مع انه مو طريقتي بش شسوي واقول بوكلك مو تاكل ايدي واذا اكل حاشك اسنانه قولي اي اكلت ايدي وهكذا نلعب شنسوي بس خل ياكلون
في شي معرووووف عند الحريم الكبار يعرفونة ع طول اذا صار بعيالهم اسمه "العظيم" من كلمة عظم اذا مافاد بالولد مقويات وفاتح شهية معناته هذا السبب وهو نفس االعظمة الصغيييرة تكون بالبلعوم ويردها الطبيب الشعبي او الحريم الشعبيات بالإصبع وماتاخذ السالفة دقايق خواتي كانو نفس حالته مع عيالهم وتحسنو ع طووول الحمدلله شفت موضوعج وحبيت افيدج وماشووف شر.
حبيبتي مالج الا الطبيب واذا مافاد معاج الطبيب اياني واياج يا اختي العزيزه احذري واحذري انج تودين ولدج عند حريم شعبيات انا شسووا في ولدي تلوثت اللوز مالته لين تعب زياده وسويت له عمليه وشالوا اللوز لا تعبثين فيه ولدج توه صغيره تبينه ياكل اشتري اطباق حلوه مسليه واكواب ألي عليها عود على رسومات كرتونيه وروحي سنتر بيونت عندهم اطباق تجنن للاطفال وحطي له كميات قليله مثلا سوي كور من العيش (الارز ) مع شويه لبن او روب وحطي له اربع كور صغيره كوريها بايدج واذا خلصهم صفقي لها قولي له هي هي هي هي وتلاقينا يستانس وحطي له كورتين انا سويت هالطريقه مع ولدي الصغير عمره ألأحين سنتين . الله يخلي لج ولدج
لاعادي انا عندي بنت بالعمر هم ماتاكل واسويلها كل شي عيش مع بطاط وروب ولا جزر وبس اركض وراها بس عشان تاكل وماكو فايده اهما جذي بس يبون يلعبون
اي بس الولد لسا صغير يعني موضروري ياكل كثير اهم شي الحليب وفي اكل للاطفال جاهز تخلطيه بلمي وبس وهاد ينصح سيرلك اسمو
الله يخليه لش الاطفال شذيه اكلهم غصب شرات عيالى اكلهم غصب ومره سالت الدكتور قالى الطفل معدته صغيرة 3 -4 قفشات يشبع اهم شى ياخذ حليب اذا ما ياكل ويكون الاكل منوع كل يوم غير عشان ما يكره الاكل واذا شفتيه ما يتقبل اكله لا تغصبيه
شوفي حبيبتي دام يشرب حليب لاتقولين ما ياكل لانه الحليب يشبعه نصيحتي لج وانا ومجربه هالنوع البايخ من العيال اولا خففي عدد مرات الحليب ثانيا لاتحطين له اكل خاص فيه لانه كبر ويقدر ياكل من اكلكم العادي ثالثا لاتحطين له الاكل الا اذا هو طلب رابعا والاهم وحطيها حلق بأذونج..........مافي ياهل يموت من اليوع
ـ اكبر مشكلة احنا نسويها نركض ورى عيالنا باللقمة والاكل والياهل هني تلوع جبدة ماياكل ـ الحل خليه بس اكلوا جدامة فترة الوجبة خليه يشوفكم وتنفتح شهيتة بس انتي لاتحنين عليه بالاكل ـ وبعدين طالما هو يشرب حليب لاتحاتين ـ انا بنتي بهالعمر خليت الحليب فترتين الظهر مرة وبالليل مرة بس ومااركض وراها بالاكل احط الوجبة ونبلش ناكل تلقينها اسطرت ويانا فديتها
صح كلام البنات ويمكن بعد ولدج ياكل حلويات وبفك وعصير ترا هالاشياء تخليه مايواطن اكل البيت بس يبي حلاو
شوفي مافيها شي دامه يشرب حليب تدرين انى يوم كنت عند خمولتى اجمع جهال البيت كلهم واسوى اكل وعيالي يااكلون الحمدالله بس يوم طلعت ماقاموياكلون مثل الاول وانا اشترى مرات صحون مثل عيالي وااكل وياهم والحين مانديهم انتجمع ع الاكل او الوجبه واهو بروحه يجي يأكل ولاتغصبينه ع الاكل عشان مايكره
والله حبيبتى بنتى كانت مرة ضعيفة بالرضاعة واهى تحت السنة بس الحين الحمدلله بس نصيحتى ليج اذا ما تحب نوعية الحليب غيرينة ولا تقولين الدكتور اهو اللى كتب لى هالحليب لان الدكاترة كلهم يسون دعاية مقابل فلوس بياخدونها من شركات الحليب واذا اهو ما يحب ال**ادى مثلاا اعطية تفاح مسلوق غيرى نوعية الاكل الخفيف حتى يحب الاكل والله يباركلك فية ان شاء الله
