كثرت الشكوى وعظمت البلوى .. كيف أرضيهم ؟؟؟ ودي أكسبهم ؟؟؟ عطيتهم و ما يبين بعينهم ...!!! ومن هذا المنبر اقولج: قضبي أرضج وكبري راسج والله لو تشقين نفسج شقتّين عشان خاطرهم مارضوا عليج ... اذا واصلتيهم دايما قالوا نشبه .. ! و إن قللتي الروحات قالوا قاطعه و إن دخلتي و إيدج فاضيه قالوا ماتستحي.. و إن يبتي معاج شي قالوا البيت متروس..! وعسى ماكلفتي نفسج بشي سنع قالوا هذا شي يسوى تدخل فيه ؟؟ إن تكلمتي في يمعاتهم قالوا قرقه و تتحيلق و إن سكتي قالوا شايفه نفسها وإلا ثقيلة طينه..! و إن كشختي قالوا مهايطيه وخسرت ولدنا .. و إن صرتي بسيطه قالو فشلتنا ماتعرف تلبس..! إن فزعتي لهم بالعزايم و وقفتي في عروسهم و عزاهم قالوا تتميلح و تسوي روحها سنعه جدام الناس و إن تركتيهم بدون فزعه قالوا ماتستحي جنها غريبه تاكل و تمسح إيدها بالطوفه و تمشي..! و إن وديتي لهم إعيالج قالوا تبي الفكه منهم وتبيهم يلجونا و يعفسون البيت و إن ماوديتيهم قالو تعلمهم على القطاعه من ألحين..! و إن علمتيهم بأخبارج وأخبار أهلج قالوا إنج (بخور السوق) و إن سكتي قالوا مو هينه تاخذ علومنا و تطلعها برّه *عزيزتي الهبله الجاريه خلف وهم إرضاء الحموله [[ هذا غيض من فيض ]] إن إزعلوا على مرت حماج إرفعوج فوووق وطيروج بالسما عشان يقهرونها..! و إن رضوا عليها إسحبوا عليج سيفون هذا إذا ما إقلبوا عليج إن صار لسانج زين معاهم قالوا تتمصلح اكيد تبي شي..! و إن صرتي رسميه قالوا لاقيه بعمرج وإلا ماعندج اسلوب و طبعا غلطة وحده منج لو من غير قصد تنسف تاريخج الطيب كله كل كلمه تقولينها ببراءه تتفسر تفسير ثاااااني طبعا تفسير شين ..! تدخلين وتلاقين الويوه معفوسه وإنتي ياغافلين لكم الله عندهم فوبيا منج حتى لو انتي بنت نعمه وشايفه خير حاطين في بالهم إن كل مصايبهم من وراج (عينج حاره و إلا قبسه) ولو تنخطب حماتج الكل يدري إلا انتي ..! وطبعا إنتي عارفه إن بين الصراحه والوقاحه شعره والمشكله إنهم ناتفينها و بالنهاية صدقيني ما يحشمونج و لا يحطون لج قيمه إلا لي حسوا إن ولدهم حاشمج وموقفهم عند حدهم. رساله في موبايلي مع اضافات مني من واقع تجربه بس صج يابوها عالجرح :wink_smile:
و طبعا إنتي عارفه إن بين الصراحه والوقاحه شعره والمشكله إنهم ناتفينها هههههههههههههههههههههههه ههههههههههههههههههههه هههههههههههههههههههه يسلمو انتي صح
يسلم لسانج وتسلم اصابعك على هذي الكلمات والله صدقتي وصج غلطة تنسف تاريخج الطيب مااقول الاحسبي الله ونعم الوكيل الاجر على الله
مشكورة وما قصرتي . . . من راقب الناس مات هما ومن طلب رضا الناااس بيموت ناقص عمر . . . الحياة ما تسوى هالحروب الطاحنة . . . تزعجني كثير مواضيع الحمولة والخالة . . .!!!!!!!!!!!!
ههههههههههههههههههههههههههههههههههه ياحليلج ترا الحمولة موكلهم سواء في البعض انا عن نفسي مااتدخل لو شي يصير
جبتيها علي الجرح وكلامج ميه ميه ولا تقولون اصابعج مو سوا كثير حمولات تتشابه اذا ماكانو كلهم بس كلن يسوي بصله اعمل خير وقطه بحر هذا شعاري
هههههههههه انا لما اوصلتني قعدت اضحك و على طووول قريتها حق زوجي جان يضحك و يقول يوزي من النقزات لووووووووووووووووووووول
