بنات بليز ساعدوني ودي فيه امساك يقطع قلبي لما يعصر وديته خاص و عيادات مافي حل المشكلة ما ياكل عدل و هالشي مخليه يحوشه امساك اعطي مشهيات مافي فايده بليز ابي حل عمره سنتين و نص
حبيبتي خوذيله تحاميل الامساك من الصيدليه وأسالي الصيدلي عن طريقة الاستخدام وقوليله عمر طفلك وان شاء الله مايشوف شر
لا تعودين الجاهل على التحاميل ترا بعدين ماراح يخرج الا فيها حاولي تخففين من التحاميل وتستخدمين انواع معينه من الاكل مثل البرتقال التمر العنب وفيه بالجمعيه تركيبه حق الامساك اسالي الطبيب عنها قبل الاستخدام ومنعيه من اللبن الروب العيش المصري الموز البينت بتر وكثري السوائل وماعليه شر انشالله
شوفي انا اختى تسوى في ابوى ولدها جذيه امسكي رجل ولدج من تحت ماطاها يعنى واقعدي ادهنيها شوى بزيت وحركيها مثل المساج يعنى ودهنى فيهيها وبأذن مافيه الا العافيه
اولا راح اقوولك العلاج الفعال بس قبل هذاااا ابغاكي تدعي لي والله والله على ما اقوول شهيد جربتها مع بنتي بعد اسبووع بحكم انها كانت بالحضاانه اول ماطلعت اديتها ملعقة سمن بري شووي جامد حتى تبلعه على طووول بس بشرط اهم شي ماتكون مزكمه وصرت كل ما اشووف بنتي معاها مسااك اديتها ملعقة سمن متمااسك وربي ماهي الا ثواني ويجي برازها وانتي بكراامه لين وحتى انا استخدمته في نفاسي لاني اعاني من الامساك بعد الولاده فا اكل ملعقه سمن يمشي لي بطني وحسابي على اكللك لانك اذا ترضعيه وانتي فيكي امسااك ينتقل للبيبي على كلام الدكتوور وكمان الكيووووي ممتااز جدا يعتبر ملين رهيب اديه ولدك
الله يسامحكم شنو هالوصفات الغريبه؟؟؟؟؟؟؟؟؟؟؟؟ مافي على الماي الدافئ.......وبس شنو سمن على ياهل صغير او تمر ورشاد ربي يحفظكم؟ ماي يمشي بطنه شرط يكون دافي وبنفس الوقت يفتح نفسه على الاكل ربي يخلي لج ولدج
والله نصيحه من عندي وديها حق ام مشعل شفت حالات اطفال فيهم امساك مزمن وتعالجوا عندها مشاءالله علاجعا عجييييب
انا ولدي كان فيه امساك ووااااايد يتعب لما يبي يخرج بس وديته عند دكتور نسيت اسمه قالي خليه ياكل كل شي لونه اخضر انتي تقولين ولدج عمره سنتين ونص يعني زين ياكل انا ولدي من صغره فيه وطلع من نوع الحليب يسويله امساك نرجع لموضوعنا سوي حق ولدج مرق باميه او سويله ملوخيه وعطيه خيار وعطيه عصير منجا والعنب رووووعه حق الامساك بسررررعه يلين بطنه واذا يشرب خليب حطي فيه شويه زيت زيتون هم ينفعه ووخري عنه الحلويات بانواعه بالاخص البطاطيات والبفك الدكتور وصاني واااايد على ترك هالاشياء اتمنى فدج وما اكون وااايد متاخره عليج .... عسى رب يشفيلج وليدج
حبيبتي تأكدي من حليبه يمكن مومناسبه والمكيال لازم تظبطينه والماي الفاتر زين بأمر الله لا تجربين عليه شغلات يمكن فيه حساسيه من شي معين بعدين لاسمح الله تدشين في معاناة انتي في غنا عنها واللــه يحفظــه لج ويشافيه يارب..
وربي صادقه الاخت المزاين شنوووووووو سمن ورشاد كلها ماتنبلع للطفل انا عندي 3 توائم وربي تعبت وياهم امساكهم جنني اذا خرجوا ماغير صياح وازعاااج وماغير يبكي والحمدلله اعطيهم عصير برتقال وكثر من الاشياء الي فيهم الياف ترى حيل مفيده ومالهم شر ان شاءالله
