تجربتي مع ابر التبييض خطوه خطوه

اول شي باعرفكم بشخصيتي اول ما اسمع بشي الا وركضه اجربه تخيلوااا كل شي جربته بنفسي

والحمدالله للحين الله راحمني وسترها علي وماصار فيني شي :smile:

دايم امي تقول يابنتي خافي من الامراض والبلاوي وانا اقول بس انا كل البنات يسوون :wink_smile: نفسي


المهم طولت عليكم :teeth_smile: سلمكم الله رحت للدكتور ودار هالنقاش بينا

أنا: دكتور انا تعبت من لوني مرقع تقول احمار وحشي ابي لون واحد وابي تفتيح شوي ماني طماعه:teeth_smile:

الدكتور : حديكي ابرتين ابرة جلوتاثيوم وابرة فيتامين سي ودي بتاخديها بالوريد مره بالاسبوع

على سة كورسات ومعاهم حديكي حبوب جلوتا وايت عشان تبان النتيقه اسرع

أنا: دكتور مافيها ضرر هالابر علي ؟

الدكتور: لايبتي دي اصلا بتساعد الغسم على طرد الاكسده وبتنضف الكلى وانتي براحتك

أنا: امممممممممم توكل على الله دكتور

طلعت مع السستر جان توديني غرفة الابر وحطة ابره فيها واير صغير بالوريد نفس المغذي الصغير

وحطت اول شي غرشة الجلوتاثيوم وعقب ماخلصت حطت الفيتامين سي امبيه دخت من حرارته

لما دخل جسمي المهم ربع ساعه بالكثير وخلصت

واخذت حبوب مص الجلوتا وايت وللامانه مابين علي اي شي بس توني صار لي اسبوع وباجر

موعد الابره الثانيه واي استفسار انا حاضر حبايبي

انشاء الله توصلين لنتيجه اللي تبينها

بسألج انتى سمعتى عن احد راح للعياده وجبربها او شفتى النتيجه علي احد

واى عياده وبجم الابره

والسموحه ع الازعاج

هلا حبيبتي والله ماشفت بعيني

بس اختي تقول رفيجنها جربتها وصااارت قطنه ونفس العياده اللي اراجع فيها وكلفتني مع فتح الملف والحبوب 100 بس الابر بخمسين والحبوب اربعين وشي وفتح الملف عشره

الله يوفقج حبيبتي ويعطيج من خيرها ويكفيج شرها وكمليلنا التجربة

اول اأسأل الله بهذه الساعة المباركة
أن يعطيكى خيرها ويكفيكى شرها
وان يجنبكى الشر ماظهر منه وما بطن

وتكون تجربة خير عليك
ويكفيك شرها ان كان فيها شر لك

وابى انصحك خيتى لوجه الله
لما تجين تاخذين الابرة قولى

(( يارب ارحمنى برحمتك واكفينيها بما شئت وكيف شئت انك على كل شىء قدير .))
وهذا الدعاء دائم اردده عندما اخاف من شي او تجربة جديدة او شخص ما

.
.
وونتظر تجربتك على خير

صج وبعدين شنووو صار كمليييييي والله اندمجتتتتت

هلا اختي . . .

ترى سعرهم غالي عن بقية العيادات !

موفقه إن شاء الله وبشرينا بالنتيجه

ياللة ننطر النتيجة

حبيبتي ,,,,,,,


الله يوفقج !!!!!

بس ترى الحرص واجب لاتركضين ورا كل هبة وهذي السوالف ماتبين سلبياتها الحين

صح سعرهم غالي انا اخذذتهم ب 30 ؤعباره عن ابرتين غلؤتاثيؤن ؤفيتامين سي
ؤالحمدالله النتيجه رررررررررؤعه ؤلله الحمد

مووفقه والله يكتب لج اللي فيه الخير

كملللللي شصااااااااار بعدين

هلا حبايبي اسفه تاخرت عليكم كان عندنا عرس ولهيت شوي

اخذت ثاني ابره يوم الخميس اللي فات وهي ابرتين الجلوتاثيوم والفيتامين سي وسعرهم غالي

لانهم يعطوني الابره كامله مو نصه الغرشه لان نصها جنه سعره اقل اتوقع جذيوبصراحه للحين ماتغير اي

شي فيني وسئلت السستر قلت لها مابين علي شي قالت تو الناس مدام يمكن بعد سته ابره يبين وايتنغ

وشورانا ننطر كل اسبوع قاطه خمسين دينار على هالابر والله كريم وطبعا الحبوب كل يوم امص حبه وانشالله

بكمل معاكم المشوار

الاميره بشاير متى بينت معاج النتيجه وفتحتي وايد والاشوي؟

موفقه إن شاء الله

قو لينا النتيجه

انشالله ابشروا بقول لكم النتايج اول باول

وبكره انشالله موعد الابره الثالثه ويارب تبين النتيجه

كمـــــــلي

يالله متابعينج وبنتظار النتايج

موفقة يارب والله يحفظج