والله يا قلبي كلامه وايد كبير وله معنى اقوى لازم تقوليله اشقصدق انت ماتبيني شنو تقصد عيشي حياتج تر والله كلامه وايد كبير والريال الصاحي يعي شنو يقول هذا شكله حبيبتي لازعلين مني بايعج ياريت تفهمينه اكثر عشان تعرفين شنو قصده
يمكن من ظغط السفر والعلاج وبروحه هناك والله مالومه ابوه تعبان والغربه والحاله وانتى خليه شوى يمكن يردلج
ارتاحي ولا تحاتين بس يمكن يكون زوجج متوتر لان ابوه تعبان الله يشافيه لا تشيلين هم بيتحسف على كلامه وبيرد يتاسفلج و يعتذر
الله يسخره لج وحاولي ماتقدين عليه هالفتره هذي يمكن يكون منزعج من شي معين وحط الحره فيج عادي ان شاء الله يدق عليج ويريح قلبج
هههههههههه ذكرت اول ايام الزواج كل هوشه اقوله طلقني واهوا يقول ذلفي بيت اهلج وانا مابيج كارهج وانا نفس الشي حبيبتي الريال لا عصب يقط كلام ما يستوعبه الا اذا ثقلتي عليه وعلقولتج رايح علاج يعني من امه مظغوط لا تلومينه صدقيني اذا رجع بتشوفينه شي ثاني واذا توا رايح مسافر عطيه فجه يشتاقلج ولا ادقين كلش ملش خليه اذا تقدرين مو بس 3 ايام خليه اسبوع ادري صعبه بس والله انتي راح تستانسين من النتيجه واذا ما دق بعد اسبوع ولا سئل حتى بمسج هذا اشكره شايفله شوفه بس انشاءالله لأ انا احس انه بس مظغوط ويحاتي ابوه ادعيله بصلاتج وسجودج الله يهديه ويسخره لج انشاءالله وموفقه حبيبتي
دايما ادعي انه الله يصلح ما بينج وبينه وكثري من الاستغفار بنية الهدايه لزوجج والله يخليكم لبعض ان شاءالله
شوفي لاتهدمين بيتج بيدج خل يرد سلام ببرود وعطي طاف وسوي نفسج انج مشغولة خلي جهازج بيدج ومسجات على طول 00000 بس لو انا منج بمكانج مااصبر والله يمكن افجر اقل شي اصد لا سلام ولاغيرة ولا كاانة موجود نفس الطوفة وفي خير يتكلم لاتكلم وقالي شفيج هني عاد اخلي يكرة نفسة
شوفي ياحياتي طنشي وشغلي نفسج بأي شي يفيدج الرّجال يمل من اللي تناشبه وتلاحقه..إدعيلهم.. "اللهم يامسهّل الشّديد ويامليّن الحديد ويامنجز الوعيد ويامن هو كل يوم في أمر جديد أخرجني من حلق الضّيق إلى أوسع الطّريق بك أدفع مالا أطيق ولا حول ولا قوّة إلا بالله العلي العظيم" قال رسول الله "ص"؛"من قالهن وعلمهن الناس أذهب الله كربه وأطال فرحه" الله يهديه لج ويردّون بالسّلامه..
شي غريب بس ماعليج من بعض البنات يقولون شايف شووفه الريال لو شايف شوفه يصير معاج طيب مويعصب انا اقولج كل يومين دزي له مسج شوق وحب بساعه معينه فقط وخليه موعد بينج وبينه هالمسج راح يشتاق لمسجج ويتنطر وصووله لو كان الريال شاريج ولا تدقين ولا تكثرين رساايل وكثري من سورة المجادله بالقرأن وادعي من الله يسخره لج ويهديه ويلجم فاهه بكلمة لا اله اللا الله واللهم اني اعوذ بك من شرورهم واجعلك في نحورهم ..فلان ولد فلانه اللهم كفني شره واعطني من خيرهه ووفقني واياه الي طريق الخير كل يووم كرري وعسالله يهدي سركم تقبلو تحيااتي
الموضوع في شي موطبيعي الريال اللعوب أو حتى العادي قبل أو لما يسافر يحاول أنه يقنع زوجته و بشكل غير مباشر أنه سافر مغصوب و هو في مهمه إنسانيه لإنقاذ البشريه و إذا ما سافر نص ربعه بتطلقون و النص الثاني يتيتمون و من هالسوالف بس ريلج الله يهديه كلامه مافي تحفظ او لف و دوران يعني كأنه السفره يتله من السمه علشان يبتعد عنج إشلون كانت علاقتكم قبل السفره؟ ما اعتقد سمن على عسل ! بالمناسبه هو وين مسافر؟ و جم يوم الرحله؟ في مجال تروحين له؟ بس الحين أعتقد فات الأوان على هالسالفه يعني مثلا كنتي تروحين له بعد إسبوعين بالكثير شهر لكن أتوقع إنه صار بينكم إنقطاع أكثر من شهر بس لا تحاتين لكل ريال نزوه و وين بيروح مرده بيرد إدعي إن الله يشفي عمج علشان يرجع ريلج بسرعه
أختي انتي صبري عليه شوي لانه اكيد متضايق من شيء وما يبي يتكلم فيه وانتظريه يدق عليج ولكن ادعيله الله يهديه ويسخره لج
