تبين تنزلين كيلو دهون يوميا

قوه بنات....؟
هذا ريجيم آنا مجربته شخصيا والصراحه مانزلت 7 كيلو بالاسبوع عشان أكون صريحه معاكم نزلت 5 كيلو لأني ماطبقته عدل
اللي حابه وزنها ينزل وبدون أضرار بس يبيلها إرداه تمشي على هالريجيم واللي تبي تبلش من يوم السبت ونهاية الأسبوع يوم
الجمعه قيسي وزنج وفي شغله مهمه خلي وجبة العشاء قبل النوم بساعتين واذا قستي وزنج نهاية الأسبوع وادعيلي

السبت الريوق جبنه قليلة دسم+توست+شاي أو قهوه
وجبه خفيفه حبة بسكويت +حليب خالي الدسم
الغداء صدر دجاجه مشوي+سلطه خضره+خضره مسلوقه (جزر,,كوسا,,فاصوليا)
وجبه خفيفه حبة برتقاله أو موز أو حبة كيوي
العشاء روب خالي الدسم+3 حبات تمر


الأحد الريوق 2 بيضه مسلوقه مع شاي ((بدون سكر أوسكر ريجيم))
وجبه خفيفه نوع واحد من الفاكهه
الغداء سمكه مشويه +صحن سلطه خضراء
وجبه خفيفه حبتين تمر+ كوب صغير حليب او لبن خالي الدسم
العشاء شابوره سمره + شاي بدون سكر

الأثنين الريوق بيضه مسلوقه+حبة توست اسمر +شاي أو حليب بدون سكر
وجبه خفيفه صحن سلطه خضره بدون ملح
الغداء لحم مشوي غير محدد الكميه مع حبة طماط أو خيار بدون ملح
وجبه خفيفه نوع من الفاكهه حبه وحده بس
العشاء كوب كبير حليب قليل الدسم+حبتين شابوره سمره


الثلاثاء الريوق شريحة جبن قليلة الدسم+حبتين توست قليل الدسم+شاي أوحليب
الغداء نوع واحد الفاكهه وكثري منها (برتقال +تفاح+كيوي+موز)
العشاء كوب كبير لبن قليل الدسم +3 حبات تمر


الاربعاء الريوق 7 حبات تمر+ كوب حليب خالي الدسم
الغداء نص دجاجه مشويه ((بدون جلد)) +نص خبزه سمره
العشاء كوب كبير عصير برتقال


الخميس مفتووووووووووووووح



الجمعه الريوق جبن قليل الدسم+نص خبزه سمره+عصير برتقال
الغداء مفتووووووووووووووح
العشاء اي نوع من الفاكهه


حبايبي لازم يكون العصير طبيعي وتبتعدون عن المشروبات الغازيه خلال هالنظام عشان تحسون بالفرق ويمكن تلاحظون بس أول 3 أيام من الريجيم يكون في وجبات خفيفه لأنج بعد 3 أيام راح تلاحظين نفسج تعودتي على هالنظام وماراح تحسين بالجوع وأتمنى اكون افدتكم واسمحولي عالأطاله​

يعطيج ألف عافية وما قصرتي​

حبايبي ردودكم تهمني ودعواتكم أكثر​

نسلمين يالغاليه

والله بوقته هذا
لانى بسوى رجيم لعرس اخوىى

ألف مبرووووك والله يتمم على أخوج وأنشاءالله توصلين للوزن اللي تبينه وقبل العرس بأذن الله شاكره مرورج أختي​

جزاج الله خير ع الافادة

جزاااااااااااااج الله خيير بحاول اطبقه....

للـــــرفــــــع​

​

حياتي بغيت اسالج انتي شنو فصيلت دمج ؟؟
ويسلموووووووووووو

شكـــــــــــــرا"

يعطيج اللعااافيه وماقصرتي ..

يعطيج العافيه
يعني اذا مشيت على نفس الجدول اسبوع ان شالله راح اضعف 5 كيلوات؟
بدون رياضه؟
والايام المفتوحه اكل الي ابيه يعني عيوش وجذي عادي؟

والله كلنا ودنا ناكل عيوش ونسوي ريجيم بدون رياضه..
بالأيام والوجبات المفتوحه أكلي عيش ومكعرونه وكل الأشياء اللي بنفسج بس مو تكثرين وامشي عالأقل نص ساعه باليوم وتبين الصراحه آنا كنت آكل فترة هالريجيم حبوب وكنت داشه نادي فأقول أن هذا مفعول الحبوب والرياضه والريجيم مع بعض وأنا ألحين مستمره على هالريجيم والحبوب بستركت النادي وقاعده أفكر اردله وشاكره مرورج حبيبتي​

شنو اسم حبوبج انا استخدم الفات اواي وخايفه منهم

لان اول مره بحيااتي اجرب حبووب رجيم وخاايفه بصرااحه وهذيلا الحبوب صارفهم دكتور

الربيعه لاختي بس هي ماكلتهم ..

وانا اسوي رجيم مقارب لرجيمج بدال الخبز يكون خس ومافي لاعيوش ولامعكرونيا ولا شبس

ولا خرابيط ولا مشروبات غازيه .. وان شاء الله يجيب نتيجه ..

وعن الرياضه سمعت ان الرجيم الصحيح بعد خسارة خمسه الى عشره كيلو بعدها تبلشين بالرياضه

وماادري مدى صحت هذا الكلاام بس الاغلب يقولون جذي ..

والله الصراحه ماسمعت عن الحبوب اللي تستعملينهم
بس انا حبوبي سيبوتيرم 15مجم وصراحه بدون وصفة طبيب وكل اللي يشوفني يقول رايح نصج
وبخصوص الرياضه ماعندي فكره ان الرياضه بعد ماننزل 5 كيلو بس آنا كنت امشي قبل لا أسوي ريجيم
وأول مابلشت ريجيم دشيت النادي 4 أشهر وألحين برد مره ثانيه وانشاءالله هالمره فلكس أو نادي جمعية
المهندسين وأنشاءالله تنزلين للوزن اللي تبينه بصحه وعافيه ياااااااارب​

اللهم اميييييييييين فديتج

وانا تركت الحبوب خفت منهم صرااحه ورجيمي رجيم حسين دشتي اللي تاكلين كل اللي تبينه

بدوون نشوياات او خبز وبلشت ريااضه من امس بالمشايا وبشتري السوونا

بس خااايفه من الترهل والله هذا اللي مخوفني

يعطيج العافيه حبيبتي

ماشاء الله عليك اللي قدرتي تسوينه

تشكراااااااااااااااتي ياعسل

وموفقة يارب

بالتوفيق حبايبي

بس نصيحة ابتعدوا عن حبوب التخسيس

وعن تجربة اثرت عليي وايد

واولها فقر دم حاد