بنات بسألكم انا عندي صديقتي باقيلها على الدوره خمس ايام ونزل منها دم وردي الفجر الساعه 3 واختفي والحين باقي على الدوره ثلاث ايام تهقون من شنو (هل هذا حمل) ؟؟ واذا حللت بالوقت هذا يبين معاها ولا لآ
مبروك انشالله حامل انا نفسها جذي صار معاي طلعت حامل الحين انا توني داخل الخامس الله يرزقها يارب وينور حياتها
هلا اختي . . . ربي يرزق رفيجتج عاجلا غير آجل يااارب عااادي ينزل الدم البني الفاااتح يسمونها إشارة حمل . . . اذا مستعيلة رفيجتج خل تسوي تحليل دم هرموني وبيعطها نسبة الحمل كل ما ارتفعت عن ال 10 معناته في حمل وبشرينا عنها . . .
مشكوره ام عبدالرزاق ام عبد الله وانتي بكرامه الدم مو بني الدم الي نزل عليها وردي فاتح يميل للأحمرار شويه بس حيل
بنات ارفيجتي تأخرت عليها اربع ايام وسوت تحليل (بول )منزلي وانتوا بكرام بالبيت وطلعت مو حامل شلون تنطر بعد ولا تروح تحلل دم
هلابج انا بكلمج عن نفسي ما يبان عندي الحمل الا بعد 10 ايام من تاخرها لان بطانت الرحم سميكه والبويضه المتلقحه ما تلتصق بجدار الرحم فما يبان انها حامل بس خليها تسوي تحليل هرمون الحمل المكثف انا كنت في المختبر وسويت تحليل حمل وقال مو حامل قلت ماللي شغل انا حاسه اني حامل جان يقولي مال المختبر بسويلج تحليل نسبة هرمون الحمل تخيلي وانا واقفه جان يقول مبروك حامل مع انه قبل 15 دقيقه يقول ما فيج شي خويتج خليها تسوي تحليل نسبة هرمون الحمل والله يرزقها ويرزق كل محرومه يا رب
مشككوره أختي أقوى الصبر اليوم بعد سوت تحليل بول وطلعت مو حامل والفتره الي طافت حاشها امساك واليوم صار فيها وانتي بكرامه اسهال وقلت لها روحي حللي دم مارضت تقول دام صار فيني اسهال معناته راح تجي الدوره (( صج هالكلام ))
حبّوبه أوقات الله يكرمكم مايبين بالبول تحليل الدّم أقوى والنّتيجه بإذن الله أكيده,, بس خل تصبر ..وعقب تروح تحلّل بالمختبر,, الله يرزقها بالذّريه الصّالحه..
