تبين طريقه طبيعيه لبياض ناصع ومنطقه حساسه ورديه ولون موحد دائم ما ترجعين بعدها

اولا صباح الخير



بالبداية احنا سمعنا عن خلطات تبييض وخلطات كريمات وخلطات صابونيه وكلها بياضها مؤقت وترجعين بعدها سوداء بشرتج كلها مسامات غير الامراض الجلدية والكورتيزونات والسرطانات الله يكافينا الشر


انا في موضوع سابق تطرقت لخلطات التبيض اللي مكوناتها كريمات وعطيتكم تقرير المختبر وشدة ضررها.

لكن بالنسبه للخلطات اللي تتكون من الصابون هذي هم فيها بلاوي بس اكيد اخف من الكريمات هذي ضررها انها تبيضج فجاءه بس بعد ساعتين ترجعين لونج تدريجيا وغير جذي تنشف البشره وتحرقها حتى لو رطبتيها وهذا يسبب سمارها والمسامات المفتوحه


انا ابي اعطيكم نصيحه من اخت محبه



عشان تصيرين بيضاء و**ده ولونج موحد

انا اقولج الحل : اول شي وخري عن الصابونه قطيها بال**اله ( تكرمين) لانها هي سبب السمار وقتل الخلايا لانها تنشفها فتفقد الاكسجين بالتالي تتجعد البشره.


- اشتري مقشر احماض الفواكه من الصيدليه وحطيه على ركبج واكواعتج واماكنج الحساسه ( اختاري اقووى ر قم عشان بسرعه يتقشر خلال اقل من اسبوع ) لان بعض المقشرات تقعد شهر ياللله يالله تقشر المنطقه.

- الحين قشرتي المنطقه

- استخدمي غسول وايتينج من الصيدليه ماركة swiss للجسم والوجه دائما خليه صابونج ( فيه نسبة سنفره تنعمج وتبيضج) وبتلاحظين الفرق خلال يومين ( يوميا تسبحي فيه)


- اخلطي هذه الخلطة ودهني جسمج منها يوميا قبل النوم
او اذا انتي وحده ما تحبين تنامين بالخلطات خلاص اذا زوجج طلع وقت العصر حطي الخلطة و لبسي لبس السونا للمشي تشترينه من النصر الرياضي ب2,700 خليه على الاقل 5 ساعات بالتمام والكمال :
1- فازلين حجم كبير
2- فكس صغير ( الاسد)
3- كالونيا
واخلطي الفازلين مع الفكس بالخلاطه
ثم صبي الكالونيا شوي شوي لما تشوفين الخليط تماسك وصار طري


كل يوم ادهني جسمج بس لبسي فوطه يوميه على المنطقة الحساسه عشان ما يصيرلج التهابات



وادعيلي

انا استخدمتها من سنه ما تغير لوني ولا رجعت سمرت او طلعتلي مسامات واكواعتي وركبي والمنطقه الحساسه ورديه تلق اللي قبل افتشل من زوجي وما اتفصخ جدامه وما نام معاه الا بالظلمه ( سوري) الحين فصخت الحياء وصار عندي ثقه .

بس يبيلج استمراريه اذا بديتي فيها عجيببه تشيل الجلد الميت وترطب الجسم بشكل فظيع وتبيضج وتخليج ثلجه واهم شي لون جسمج واحد
ووخري عن الشمس اذا تبين لونج يظل جذيه حلو طول العمر , ووخري عن الخلطات الثانيه لاني خبله من الطفاقه والطمع كم مره اقراء خلطات واجرب بس انصدم بالنتيجه وارجع لهالخلطة مره ثانيه .

يشرفني اني اول وحدة ارد عليج... تسلمين ياحياتي الله يتمم عليج ..

بس مادري أحس المقشر ممكن يصلخ جلدي وخاصة المنطقة الحساسه

ومشكوره قلبي

الفازلين مايسمر الجسم

ثانكس يا عمري ام التوائم

مشكوره ام التوائم على طرح تجرتج الشخصيه

يعطيج العافية ياقلبي

الله يعطيج العافيه يا قلبي

مشكوووووووورة حبيبتي ماتقصرين

يعطيج الف عافية
ماقصرتي وانشالله بجربها
احسن شي جذي شغلات وخلطات مجربينها

يعطيك العافيه يالغلا


حبيت اسالك عن نوع الكولونيا ..

الكلونيا الاصليه عند الحواي
اذا تعرفين عطار ثقه روحي طلب نوع كلونيا اصلي
لان في كثير تقليد والمشكله يتشابهون

تسلمين يا الغاليه

جزاج الله خير

اختي الكلونيا ماتسمر العطور معروفة انها تسمر
وبعدين كم استمر عليها علشان تبان النتيجة ؟
يعطيك العافية

حبيبتي قصدك فآزلين لوشششن والا ذآك الثقييييل

الله يسلمج يا بعد عمري

يسلموووووووووووو رفروفه

لا حبيبتي اذا اضفنا معاها الفازلين خففنا تركيز الكحول

لان العطور او اي شي فيه كحول اذا وضع على بشره ناشفه يحمرها بعدين تسمر

اما اذا وضعت بفازلين لا اصلا اهو اقوى مرطب والبشره بتكون محميه بطبقه من الفازلين باالاضافه ان الفكس يفتح المسامات حتى تتغلغل لها الرطوبه وكذلك حتى يقوم الفكس بفتح الجلد الميت لوصول الكالونيا اللي تعتبر بمفعول المقشر الخفيف اللي ما يقشر المنطقه بس يزيل الجلد الميت بطريقه ما تشعرين انج قشرتيها وما راح تتشوه المنطقه وتطلع لها قشور مثل باقي المقشرات الطبيه


ترى هالطريقه يبيلها استمراريه ومحافظة لانها جدا طبيعيه ما فيها كورتيزون وزئبق فتبان النتيجه شوي شوي تقريبا باسبوعين تبدا البشره بالتوحد ولازم كل شي اصلي ديري بالج

الثقيل( الجل)
مو اللوشن

ادري تحاتين الخلط

اول شي حطي كالونيا شوي بخلاط وبعدها الفازلين بعدين الفكس شوي وشغلي الخلاط

خلاط العجين مو خلاط العصير لان خلاط العصير ما راح يخلط