حبيبتي السونار كان باخر الشهر الثالث والدكتوره كانت توضع الجهااز في كذا اتجاه يمين ويسار وتحت السره وانا شفت الراس يمين الشاشه انتظر ردك حبيبتي
الله يعينج على بحثج والله يوفقج فيه وانا عندي صورة سوناري تبع الاسبوع السابع اقدر افيدج فيها والا خلاص ماينفع لازم بالعيادة اشوف وين حطت راس الجهاز لاني ناسية اي صوب حطته وانا الحين داخله الاسبوع التاسع وبعد اسبوع انشاء الله راح اسوي سونار لان نازل معاي دم وابطمن وراح اردلج خبر انشاء الله
جزاكم الله خير من خبرتي والله اعلم اللي حامل بولد في الشهر الأول تزيد عندها الإفرازات اكثر من البنت واعزكم الله تكون ريحة البول واضحة ومزعجة اما عن نفسي فوحامي بالولد مو نفس وحامي بالبنت في الولد من اول شهر أشتهي الليمون والدقوس الحار واكره الحلويات اما البنت العكس منو يأيدني؟
مو شرط حبيبتي حسب السونار شوفي انا بريحج اذا حطت الدكتوره الحهاز جهة اليمين وركزتي السونار وقلتي وين اراس قالتلج يمين اهو باذن الله ولد اذا حطت الجهاز باليسار وشفتي الراس متجه يسار بنت
اذا الراس يمين باذن الله ولد بس حبيبتي انتي دودهتيني تقولين حطت الدكتوره الجهاز يمين يسار وكل مكان اهي بالبدايه بتدور الجنين بس وين استقرت وشافت الجنين اي جهه؟
مووو شرط هذي كلها تكهنات انا عندي بنات وعندي ولد في بناتي ما كو حمله تشبه الثانيه فيهم من توحمت عالليمون واللبن والحامض وفيهم من توحمت عالحلويات وفي ولدي كنت اموووووووووت عالشكر مو مقياس انتي سالي الحريم اللي يايبين اولاد وبنات اتحدى اذا في وحده قالت في حمل الاولاد متشابهين وحمل البنات نفس الشي حمله عن حمله تفرق ونفس الجنس تفرق حملة عن الثانيه
ان شاء الله يكون كلامك صحيح ويصير معي ولد يااارب بس انا ناسيه وين حطت الجهاز لما لقت راس الجنين بس اعتقد يمين بس اللي متاكده منه اني شفت الراس يمين عندها بالشاشه كون ان الراس يمين بالشاشه هل برضو بيكون ولد ؟؟؟؟
هلا اختى ام التوائم شاكره ردك واهتمااامك جزاك ربي كل خير الي فهمته منك ان الراس بالسونار يمين ولد واذا يسار بنت يعنى وقت السونار اشوف وين الراس هل هو يمين او يسار عموما انا اذكر ان الدكتوره حطت الجهاز اسفل جهه اليمين في الاسبوع 11 وشفت في السونار ان الراس كان يساااااار
تيعطيج العافيه لا اختى موشرط صارت معاى انا تونى والده وطبقت كلامج وسالت الدكتوره عن راس الجنين وقالت يمين وكنت حامل باالثالث وجبت بنوتة
انا سمعت ان الكيس اذا كان هلالي ولد واذا كان بيضاوي بنت كيس الجنين وشفت سوناري سابقا وسونار خواتي طلع صح والله اعلم مدري يمكن صح العلم عند الله بس شفتهم بالشهر الثاني ادعولي ان الله يرزقني باخ لابني
يعطيك العافيه..... مو شرط أنا سويت سونار بنص الثالث وشفت رأس الجنين يمين بس لما دشيت الرابع سويت سونار وقالولي بنت إدعولي الله يرزقني بأخو لولدي
