لحقوا علي حدي متوهقه

السلام عليكم
شلونكم ؟
بدخل في الموضوع دايركت
انا شعري حيييييييييل ناعم
ياريت لحد يصدق
انا شعري ناشف ونافش
بس حلو مع السشوار
لكن احسه حيل تعب من كثر السشوار
فكرت استخدم جل او فوم بس توهقت لاني ما اعرف شلون استخدمهم
يعني يكون الشعر مبلول ولاناشف؟
وشنو أحسن نوع استخدمتوه وناسبكم وما يطيح الشعر؟
وياريت يكون عن تجربه
واذا ما فيه احراج شنو نوع الشعر الي استخدمتوا عليه المنتج؟
ابي تفاعلكم بنات وسوري اذا طولت عليكم

بنات انا ما طلبت شي غريب
يعني الي جربت تفيدنا
مو معقوله ؟ 7 مشاهدات ولا رد

والله ياعمري انا غشيمه بهالسوال ب س اعتقد انه واهو مبلول بعدين تنشفينه بهوا السشوار
وجربي الكيراتين يخليه ناعم بدون استشوار وعباله
اتمنى اكون افدتج ماحبيت اطلع بدون لا ارد

انا للي طريقه غير بعد ما تغسلين شعرج حطي زيت جنسون علي اسابعج وحطيه علي الاطراف وبصابعج فككي شعرج واحسن لو قبلها مسويه حمام زيت هذي طريقه عجيبه الثانيه غسلي شعرج ومشطيه وعقبها حطي الفوم عليه وحركيه بصابعج ونفشيه هم يطلع شكله حلو

او جروح شكرا على مرورج
اقوي الصبر انشالله اجرب هالطريقتين
ومشكوره على مرورج

هلا اختي . . .

للاسف ما عندي فكرة عن الفوم !

أختنا اقوى الصبر ما قصرت . . .

ان شاء الله الاخوات يساعدونج ومايقصرون


ملحوظة: القراءات للزوار يقرون ومايقدرون يردون . . .

حبيبتي استخدمي حمام زيت للشعر ماركة براشوت بالثوم ايهببببببببببببببببببببببل
ينعم الشعر حييييييييل وريحته اتينن منعشه وتطول حتى لو تسبحتي ثاني يوم وماحطيتيه هم تظل ريحته اتينن

حطيه بعد ماتغسلين شعرج بالشامبو وخليه مده مو اقل من خمس دقايق بس لا تحطين وايد لانه راح ينعم شعرج حيل ويصير جنه شعرج امدهن حطي كميه معقوله على حسب نعومة شعرج

جربيه وادعيلي والله روعه ومافي مثله بس انا قلت لج لا تحطين وايد تغرقين شعرج لا حطي شوي كميه متوسطه يعني والله ان ريحته حتى اللي يقعد بعيد عنج يشمه ريحته منعشه حيل وتهبل ويصير ملمس شعرج ناعم وتكون تموجاته ناااااااااااااعمه انا عندي هذا احسن حمام زيت عموما

اتمنى اكون فدتج (( حمام زيت باراشوت بالثوم))

لا تنسيني بالدعاء لي ولعيالي وريلي

والله انا ام الشعر الميت ههههههه قصدي الناعم يعني كلش مالي شغل بالفومات

شوفي حبيبتي آنا مثلج بس عرفت لشعري خليج من الفومات والجل يحت شعرج مالج الا بانتين بديل الزيت موطبيعي يخلي شعرج حيويه ولمعه والله تدعين لي اختاري النوع اللي يناسبج آنا صار لي سبع سنين استخدمه والله واستشور ماضر شعري كلش وخليت حمامات الزيت والخرابيط الباجيه

عندي طريقه سويتها ححيل نعمت بشعري حمام زيت فاتيكاا << حيل حلوو وبعد السبوح وشعرج مببل حطي سيروم ليفل وبس هذي طريقتي تنعم الشعر
او سوي كيراتين هابين فيه

عندي طريقه سويتها ححيل نعمت بشعري حمام زيت فاتيكاا << حيل حلوو وبعد السبوح وشعرج مببل حطي سيروم ليفل وبس هذي طريقتي تنعم الشعر
او سوي كيراتين هابين فيه:wink_smile:

خواتي ما قصروا ولكن اي شيء فيه ثوم مثل باراشوت او غيره روعه ماشاء الله
موفقه خير بإذن الله

حبيبتي انا شعري ناعم مجعد فيه موجات

اول زواجي كان مطلع عيني كل شوية اعمله سشوار علشان يصير ناعم وفى الهوا يطير


لكن بعد يومين من الزواج قلت والله ما عملاه تاني بالسشوار لانك كتر السشوار غلط وكمان هيوقعه


بعدها بقيت اعمله حمام كريم او زيت وانشفه كويس بالفوطه واحط عليه كريم وعلى اطرافه زيت واول الشعر ( القصه ) عارفاها؟؟؟ انا مش عارفة اسمها ايه بالكويتي بس هي اول منابت الشعر ال بنزلها على عينا دي ..... بلفها بالبكر لمدة نص ساعة علشان تنشف وهي مفرودة

وبس على كدا الشعر من ورا بيبقي مجعد بشكل حلو ومن قدام مفرود ( قصه )


اعمليه بقا تسريحات


وانصحك فترة البريود افرديه بالبيبي ليس كتغيررررر وبلاش الفوم لانه بينشف الشعر

هلا حبيبتى ان شاء الله البنات يكون فادوج وانا بعد استفدت من البنات ويعطيهم العافية

عن تجربه شخصيه لا تاخذين حمام الزيت الي مكتوب عليه (( حمام زيت ))

لا اخذي الي مكتوب عليه (( كريم حمام الزيت )) واستعملي براشوت بالثوم فعلن مو طبيعي صايره لي فتره أفر أدوره ما أحصله الظاهر عليه طق عصيي

خوش معلومات

اعملي سدر لشعرك

سدر - ماء


خليها ساعات

وبعد الغسل حطي بارشوت حلووووووووووووووو مر