السلام عليكم سالفتي بختصار ان أهل زوج عمتي من فترة تكلموا أنهم بيخطبوني لولدهم ووصلني الكلام منهم تحديدا ,,, لكن المشكلة تكمن أن في أحد موصلهم كلام أني مغرورة وشايفة نفسي واهمه ماقالوا منو تحديدا لكن قالوا من مصادر موثوفة فالناس غضة بصر .... المشكلة ان الكلام اللي يطلع على ((بنت)) يأثر عليها وهذا اللي حاز بخاطري ان هالكلام يأثر علي وعلى مستقبلي كلام حريم وأاااه من كلام الحريم يخرب بيوت ويقطع ارزاق وأنتم تدرون أن كل بنت تبي تستقر وتنستر في بيتها ويكون عندها يهال لكن شنو اسوي بهالحريم اللي ماترحم أنا مقهورة من الكلام ولا عارفة شنو اسوي لأن اكيد الغالبية بيسمع وهذا يقطع نصيبي وخصوصا أن عمري مو صغير26سنة. مااقول إلا حسبي الله ونعم الوكيل على كل ظالم .....
حبيبتي الله يمهل ولا يهمل وبتنكشف وكما تدين تدان اهي مو بكيفها توقف نصيبج حبيبتي الله كاتب هالشي والله يرزقج الزوج الصالح والذريه الصالحه عاجلا غير اجلا
حياتي انتي الله يرزقج بولد الحلال الي يسعدج والي تحجت عليج بكلام مو صج ماعليج ياقلبي تدور الدنيا ويبين الحق وانتي مظلومه والله مايضيع حق مظلوم بس لاتضايقين فديت قلبج....ضحكي
كل الشكر لج أختي هدوء المطر وأختي اصيلة ما أقول إلا حسبي الله ونعم الوكيل زوجة عمي شارت عليي أن عمتي تكلم معاهم وتعرف منو اللي تكلمت لأن هذا مايجوز وموزين عليي وأنها أهيه اللي تكلم ؟؟؟ ومادري بصراحة مضايقة ومن ساعتها وأنا أكثر من الصلاة والدعاء والشكوى لله عشان ربي يخفف الحزن بداخلي ويفرج همي .... والله كريم
ياسكره انتي لاتتضايقين ولا هم يحزنون يالغاليه لو لج نصيب عند هالرجل هذا والله محد يقدر يصده عنج والخيره فيما اختاره الله وتبين الصج عاد.......انتي تقولين اهل زوج عمتج يعني ناس منكم وفيكم والمفروض لما فكروا فيج يكونون عارفين اخلاقج مو على طول يصدقون اي كلمه تنقال عنج.......عدل؟؟ كثري من الاستغفار وربي بيرزقج افضل منه انشاءالله
السلام عليكم اختي لا تتضايقين ولا تزعلين النصيب ان ياج ايج فجاة وانا حابة اعرفج اكثر لان عندي اخو قاعدة ادورلة عمره 31 سنة مو متزوج موظف كويتي اذا اتوافقين بس راسليني على الخاص وانا راح اتفق معاج والله يكتب الي فيه الصالح وانا تري صج جاة حيل وشكرا
حبيبتي اذا جا نصيبك ماحد يوقف قدامه لو فيك اي شيء الله يرزقك ويوفقك ولايهمك كلام الحريم اكيد يجرح ويغث لكن الصمت ابرك لك والله تعالى يدافع عن الذين آمنوا اطمئني بذكر الله
[وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ عسى ربي يرزقج الزوج الصالح
هلا اختي . . . ربج كريم وماتدرين الخيرة وين ولاتضااايقين عمرج . . . ربي ان كاتبلج تتزوجين هالشخص بتتزوجينه غصبن عن اللي مو راضي . . . وان مالج نصيب فيه ماتدرين الخيرة وين . . . وحجي الحريم ما يخلص لكن تاكدي من كان الله وياااه بياااخذ له حقه فكوني مع الله . . .
كل الشكر لكم خواتي أنا مو متحسفة على الشخص وكل شي قسمة ونصيب ومحد ياخذ غير نصيبه لكن لماذ الكلام والنميمة؟؟ والمشكلة أن أختة صديقتي فـ ليش يصدقون هالكلام وجنهم مايعرفوني وأنا أقول خيره لي والله بياخذ حقي من كل ظالم أنا بنت والله بياخذ حقي وكل الشكر لكم على كلامكم الطيب ....
يا فديت قلبج لا تضايقين يا حياتي انا كنت نفسج اقرب الناس لي طول فترة الخطبه كان يحاول يفك خطبتي بس الحمدالله دعيت الله واستغفرت وعدت الخطبه على خير والحين ملجت وانطر يتحدد عرسي على خير ان شاء الله يا قلبي شوفي اهم شي صفي النيه ولا تنكسرين وكثري استغفار وقيام الليل وادعي وتذكري ان الله يمهل ولا يهمل سبحانه وكل شي مكتوب بوقته لا تقولين فلان قطع نصيبي لا قولي لو انه مكتوب لي باخذه
حبيبتي لا تزعلين كل واحد ياخذ نصيبه بالحياة يعني اذا الله كاتب بتتزوجين يعني بتتزوجين لوطلعو عنج حجي واشاعات لي الراس راح تتزوجين وهذا اللي كان متقدملج الله مو كاتبه لج حتى لو ماكانو سامعين عنج شي اشدراج يمكن هذا عذر قالوه عشان يهونون لا تتضايقين خيره وعسى ان تكرهو شيئا وهو خيرا لكم مصيرها اللي طلعة عنج حجي بتعرفينها وتادبينها والله بيردها لها لاتحاتين ياقلبي
صح انا مع هدوء الزواج كتبه من ربج وعساها خيرة لج واذا الله كاتب لج رزق محد يقدر ياخذه خليج متفائلة وتوج صغيرة :74_74:
أميرة حبيبتي الله يتمم لج على خير ويتمم فرحتج وتسلمين حبيبتي وأنا والله أقرا وأدعي وأصلي ...... أم محمد الكويت تسلمين حبيبتي وطالبه الدعاء أن الله يفرج همي ويبعد عني الهم ...... نور 55 وأنا بعد أقول خيره لي وماتقصرين حبيبتي ...... ريان حبيبتي مشكورة عالكلام الطيب بس للأمانة اهمه ماقالوا وبيهي العذر بس كان الحجي بينهم وانقل لي ....... تولي غاليتي مشكورة على الرد وكلا ياخذ نصيبه ........
