حالنا في الزواج او المناسبه

الجـ حزن ـوري · ‏23 يناير 2011

لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعودفتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائيةالتي تقول : ان الاجسام تتقلص بفعل البرودة

************ *******

ثم يهبون الى غرفة العمليات فتحصلهم مايخلون مراية في حالها ..

**

فتلقى منيرة عند مراية التسريحة تتمكيج

** وخلود عند مراية الدولاب تلبس عدساتها

** ورقية عند مراية المدخل حق البيت تستشور شعرها

** وفاطمة محتارة أي فستان تلبس

وكلما اختاروا لها فستان .. قالت : لا .. شافوه عليّ<<

** ورغد تترجى اخوها : تكفى ود فستاني للمصبغة وقول لهم يخلونه مستعجل

** وابتسام متوهقة مالقت التراجي اللي تناسب لون فستانها

** وشوق تقول لاخوها : تكفى مر على جارتنا وخذ من عندها الاكسسوار التفاحي

** وأحلام.. انفرط سحاب فستانها .. وتبي الخياط يصلحه

<<< والله من السمنة الزايدة

************ *****

وصجة .. ولجة .. وحوسة ...

وكلهم في سباق مع الزمن ..

(

طبعا ياعيني عالرجال .. ثوب وشماغ .. وانتهت السالفة )

************ ********* ********* ******

بعد ذلك .. يركبون السيارة بعد ما بح صوت ابوهم وهو يناديهم ..

**

والمصيبة اذا اخذوا مسافة بالسيارة وجتك فاطمةتشهق شهقة قوية . . ويقولون : اشفيييييك
وترد عليهم : نسيت شنطتي تكفى يبه رجعنا للبيت

************ ********

وبعد عناء طويل يصلون الى الصاله ويدخلون

************ ******

ومن يوم تبدأ الطقاقة بقرع الطبول تلقى الوحدة تهزّ .. وتهتز وهي توها على الكرسي

************ ********* *
ثم يتوافدون إلى المسرح وشف الرقص كيف

** اللي تحط رجلها من شرق البست الى غربه ولا احد يدري وش بلاها

**********

**

واللي تهز وهي واقفة مكانها بركادة .. وعلى بالها أنوثة ..

************ ******

وتعال شفهم اذا غنت الطقاقة .. ( يالتا***

) وقالت : وخذ يمين وبعد يمين ..

تلقا الحريم فعلا ماخذين اللفة يمين في يمين

<<< طبعا من غشامتهم .. يتصاقعون في بعض

************

والوحدة فيهم بتتشقق من الفرحه اذا جت الطقاقة بجنبها
وقالت : ( يا احمر يا احمر .. عاشو .. على قلبي )

<< طبعا الافندية فستانها احمر ..

************ *****

والوناسة اذا قالت الطقاقة : ( رقصة خاصة لاهل العروس )تلقاهم يستلجون اذا قالت : ( كل آل ' فلان ' خيّالة )

<<< وهم في الحقيقة .. لم يركبوا حصانا قط ..