السلام عليكم ورحمة الله وبركاته لا اطيل عليكم بصراحة انا وزوجي نحب بعض ولكن امس بالصدفة مسكت هاتفه وفتحت الرسائل وهو متعود بان يكون صندق الوارد فارغ والصدمة بانني حصلت على مسج من اسم صحاري وتدل الرسالة انها من عند بنت لانها مكتوب حياتي شو مسوي وملابس وخياط مخلصن ووووو سكت ولم اقول شي زوجي عصبي بس كيف اوصل له الرسالة وما اجدر اخبي مشاعري لانني احبه كثير ابي طريقة تحسسه بانني حسيت بشي او انني اخبره بالي شفته واستريح بس اخاف يزعل عليه ويعصب وانا مالي خلج للعصبية والزعل وخاصة انني حامل ويحاتي عليه كثير . حتى معرف شو اكتب بس اتمنى اللي يقراء يفهم مقصدي .
حبيبتي أكيد اللي متزوجات بينصحونج أحسن مني لكن أنا أقوول لاتسكتين عن الغلط أحسن تواجهينه انج شفتي المسج هذا رايي
صباح الورد شوفي صح المواجهه افضل حل لكن ماانصحج فيه لانه زوجج عصبي وممكن يقولج ليش تشوفين تلفوني ويحط الغلط عليج في حل ثاني قولي له كنت برسل مسج حق اختي مثلا او ابوي او اخوي اي كان بس صديقتج لا يعني احد من اهلج ودزيت الرساله وبالصدفه شفت هالرساله وخلج هاديه واذا عصب ماعليه خليه يعصب ولاتردين سكتي لما يسكت لانه لو تركتيه وسكتي اخاف يتمادى بالموضوع وكل شي بالهدوء اوكي ناقشيه بهدوء والله يعينج
والله يا اخواتي امس ما نمت طوال الليل واحلم احلام اول مرة حلمت انه جايب بنات 2 على اساس خدامات بالبيت اللي اذكره وحدة اسمها نصره وهذه من دخلت البيت كانها تعرف البيت وهو كان يشوف عليها بكل احاسيسه ومشاعرة وامي كانت تقول لي يابنت اشوف البنات مو خدامات بصراحة كرهت البنات 2 لما قمت من النوم كنت متضايقة بس ما حبيت ابين له ولا حتى هو سالني مع انه اذا حس اني متضايجة دايم يسالني حياتي وش فيك .
تعؤذي من الشيطان يا قلبي ؤانا مع اختي الغاليه اصيله ؤعسى الله يفرجها عليج ؤيريح بالج اللهم امين يارب العالمين ..
شو رايكنارسل له مسج ولا اتصل به واقول له ابيك تعدى عليه انا حاليا بالدوام ولا انطر لين اوصل البيت ولا ولا ولا
شو رايكن بها المسج ماني من اللي لا مشى الدهر ينساك ولاني من اللي عاشروك لمصالح ولاني من اللي لا بغى شي حياك أنا من اللي يعزونك لذاتك ولا خانتك دنياك والكل خلاك تلقاني صديق صادق عند " بابك "
مشكلة ريايل وهم ريلي من قبل صدة علية مسج وتلفون 2 لاحياة لمن تنادني .. كلامي قولي لها كما تدين تدان ودنيا دواره خلي يحس بغلطة شوي... لا تكلمينة واذا سألج شفيج اليوم قولي لها انت تعرف وراح يتغير وجهة ويفهم، والله معاج...
الحمد لله ما استرحت الا من بعد ما ناقشت الامر وتصافينا وهناك هو وربه اذا صادج ولا كاذب الحمد لله بالهداوة مع دموع والم انتهى الموضوع وقال لي تلفوني من حقج تشوفيه اذا شفتي شي خطا عليه ناقشيني مثل ما انا لي حقوقو وواجبات انتي بعد وهذا من حقج
والله كنت بقولج واجههي لانج مو قادره تسكتين وله الحمد كلمتيه وماصار الا الخير كل الرياييل يرتكبون الاخطاء حتى الزين فيهم بس انشاءالله تكون نزوه وتعدي ربي يخليكم لبعض ويحفظكم يارب
الرياجيل يبيلهم وحده صدرها وسيع ومناظله ومجاهده الله يعين بلاويهم واجد بس لاتسكتين علي شي يضايقج عادي ناقشي ولا تسكتين يتمادا
