شخباركم ياسيدات الكويت تكفون ردوا علي بسرعه الله يخليكم باقي علي دورتي أسبوع وحاسه بتعب حيل رحت حللت منزلي طلعلي خط أحمر واضح والخط الثاني أخف بشوي بس واضح رحت المختبر حللت دم طلع مافيه حمل قالي الطبيب بعد أسبوع ردي عيدي الم علما بأني أجهضت مرتين وعمر ولدي 4سنوات وصارلي سنتين أتشفق الحمل وقالي الطبيب لازم كل شوي تحللين لأني مجرد ماأعرف أني حامل لازم أخذ علاج مشكلتي الثانيه أني قاعده أستعمل الكرتيزون حق صدري أبر ونوعين بخاخ شرايكم التحليل المنزلي صح وإلا خطأ وشكرااا ...
لا اختي ما يبن اذا باقي على دورتج اسبوع بس تطوف موعد الدوره روحي سوي تحليل هرموني وان شااااااااااااااااااء الله حامل
مشكورة حبيبتي علي الرد انا خايفه من الأدويه اللي اخذها إذا فيه حمل تضر والمشكله ماأقدر أوقفها حتي دكتوري خاف يقول وقفيها ...
انا ارفيجتي كانت تاخذ كوارتزون وهي حامل وماكانت تدري ولمه تأكدت انها حامل وقفت العلاج بس للأسف تمت ثلاث شهور وطيحت بعيد عنج ان شاء الله ربي يثبته لج روحي حق دتورج واستشيريه عدل وسوي تحليل هرموني تبين النسبه اذا في حمل ضعيف
كورتيزون+حمل=اجهاض هذا اللي حصل معاي ربي يحفظ لج الياهل اذا كان في حمل حبيبتي تأكدي اذا كنتي حامل او لا وايد احسن
دانة الدنيا144 , المزاين مشكورين علي الرد بس انا سويت تحليل هرموني طلع مافيه بس المنزلي طلعلي خطين حمر ...
ما عليج من كلامهم دامج سويتي تحليل بول وبان معاج انشالله حامل واذا ما بان بدم انتي نفسي جدار الرحم سميك وما يبان بالدم توكلي علي ربج وقفي ادويتج واذا ما تستغنين عنها راجعي طبيبج وخذي نوع اخف انا فيني ربو واخذا بودرت كرتزون وبخاخ فنتولين وحبوب زرتك وكاني في التاسع ياااااااااااااااااااربي لك الحمد توكلي علي ربج وديري بالج علي نفسج وانشالله حامل والعلم عند ربج
خطين حمر حتى لو الثاني خفيف يعني حامل ياقلبي مبرووك انا مثلج بحمالي كان يطلعلي خط فاتح وواحد غامج واكون حامل الحمدلله بس نطري موعد الدوره وسوي التحليل مره ثانيه عشان تتاكدين وبشرينا
شكرا لكل اللي ردوا علي أعذروني تأخرت بالرد لأن وصلتي مفصوله أبشركم حللت وطلع حمل بالدم وعزكم الله بالبول وراجعت الطبيب عطاني بيبي أسبرين لأني أجهضت مرتين من قبل ورحت لعيادة الربو وقفوا كل العلاج والحمدلله لحد الحين صدري أحسن من قبل مع أني أتعب بس على الخفيف مشكوووورين ...........
