السلام عليكم ورحمة الله انا والله متظااااااااايقه وبطلع كل الي في قلبي انا كويتية بدون بس والله ما احب كلمة بدون اكرهه الاني كويتيه وكويتيه وكويتيه غصبن عن الي ما يرضه و الله احب اترابج يا كويت امي كويتيه وابوي هم امه كويتيه شنو ذنبنا احنا والله انقهر لمن اشوف وحده ما تستحق الجنسيه وتقعد عندج تفلسف وهي بالاساس ما فيها عرج كويتي ماخذه الجنسيه ظلم وللأسف الناس الي تستحقها مو شايفتها الله المستعان انا الحين متخرجه مو لاقيه وظيفه كل ماروح مكان قالوا لي انتي مو كويتيه انزين امي كويتيه شنو يعني مو كويتيه من فتحت عيوني وانا بالكويت وحتى تراب الكويت اكلته قهر والله لمن اشوف بنات عمي بنات خوالي مستانسين ولابسين احسن شي وينقبلون بكل مكان حتى لو موجايبه نسبه وانا حظي الي قطني بالدنيا :frown: والبيت إيجار الدنيا مسكره بوجهنا وين ما نروح يارب لا تنسى عبيدك انا ادري ندري الدنيا كلها امتحان من رب العالمين والي الله يحبه يختبره يارب تصبرنا ياللي صبر ت ايوب على بلواه وصبرت يوسف على فراق ابوه يعقوب وصبرت يونس في ظلمات بطن الحوت تصبرنا وتعينا والله والله اني كويتيه من بطنها والحين بعد بيعطونهم مكرمه اميريه 1000 دينار انزين عليهم بأاااااااااالف عافيه بس هم البدون المظلومين الي انا اسميهم الكويتين المنسيين مالهم نصيب حتى لو بالشي البسيط اتوقع اهم احوج من غيرهم من الناس والله البدون الي مو لاقين ياكلونا ولا يتعلمون ولاحتى يتوظفوا هم احق من غيرهم من المزدوجين ما يعطونهم شي ولا حتى بالشي البسيط بس اقول الله لا يغضب علينا والله العظيم ان في بدون كويتيين من قلب من بطنها بس الشكوه لله صبرو على الظلم والمهانه والذل واهم في بيتهم وبين اهلهم يالرب انت اعلم بعبادك الضعفاء الي مالهم غيرك انت الغني ونحن الفقراء وانت اكرم الاكرمين ترزقنا وتغنينا عن عبادك رجاء : الي عندها كلمه طيبه تقولها والي تبي تجرح تحتفظ برايها لنفسها الان الي ايدا بالماي مونفس الي ايدا بالنار .............................. فاصبر لكل مصيبة وتجلد واعلم بأن المرء غير مخلدِ واصبر كما صبر الكرام فإنها نوب تنوب اليوم تكشف في غدِ أوما ترى أن المصائب جمة وترى المنية للعباد بمرصدِ من لم يصب ممن ترى بمصيبة هذا سبيل لست عنه بأوحدِ فإذا ذكرت مصيبة ومصابها فاذكر مصابك بالنبي محمدِ ***(صلى الله عليه وسلم)***
يااااااااااااااااقلبي الله يكوون ولاتخاافين ان شالله حقج ماااا يضيع ياارب ومداام في ناس طيبين تبي تااخذين حقج ككويتيه وكثري الاستغفار ووالله يحقق لج امنيااانج ياارب
حبيبتي انا قريبه لحالتج انا ابوي خليجي وامي كويتيه واحنا متربين بالكويت وما عرفنا الدوله الي احنا متجنسين عليها الا لما كبرنا واذا رحنا يومين نقعد ونرد فحاسه بمعاناتج الله يصبرج حبيبتي وفي قرار بيطلعونه حق الكويتيهء المتزوجه من غير كويتي وان شاءالله خير بتفرج ربج يحلها حبيبتي اهم شي لا تتضايقين
حبيبتي انتي الله يوفقج وتتحقق كل احلامج في قرار انشالله بيطبقونه وقريب خاص مثل حالتج ام كويتيه واب غير كويتي بس ابي منج طلب لاتكثرين من كلمة ليش وليش احنا قولي الحمدلله على كل شي وصفي النيه وقولي انشالله خير وباذن الله بيصير خير
يا حياتي عسى الله يعينج وينفرج همج بالقريب العاجل ويرزقج بالجنسية والوظيفه والبيت والزوج الصالح والذرية الصالحه وكل اللي تتمنينه والبدون قضية لازم تنحل باقرب وقت لان كل مالها تكبر وتصير اخطر بس ربج كريم ما ينسى عباده وان شاء الله يعوضج باللي احسن وهالحياه قصيره وكلها على بعضها ماتسوى همها بس ادعي ربج واستغفري وان شاء الله تتيسر الامور لج ولغيرج ولاتيأسين من رحمة ربج
الله يسمع منج حبيبتي لان والله وصلت حدي احس اني مخنوقه والحاله الماديه صفر والمعنويه هم صفر يارب يارب انت اكرم الاكرمين انت الملك القدوس رب العالمين ارزقنا من حيث لا نحتسب ياذا الجلال والاكرام
اهم شي حبيبتي خلي نيتج صافيه مو تقولين ليش هذي احسن مني تمنيلها الخير وقولي الله يرزقج وتصدقيني قريب بتفرج ان شاءلله يارب لنج اذا قلتي هاذي عندها وانا ما عندي تصدقيني ماراح تستفيدين شي ياقلبي وفي ناس اغنياء بس والله فلوسهم حرام فادعي ربج يرزقج بالحلال يالغلا فديتج وترى انا ما اقصد انج حسوده او شي بس اوضحلج حياتي
حبيبتي انا مو قصدي يعني احسد احد والله الشاهد اني اتمنى لهم الصحه والعافيه والرزق وتاكدي حبيبتي اني الي احبه لنفسي احبه لغيري ولله الحمد بس ان ابي اخذ احقوقي كوني كويتيه لان والله ان في ناس وانا اعرفهم الله يستر عليهم ما يجون الديره غير يا خذون رواتبهم اخر الشهر و ايجاراتهم وعندهم جنسيه سعوديه و كويتيه وانا ما قلت جذي غير من الحره الي فيني ابي احقوقي والله العظيم انظلمنا ومشكوره حبيبتي اللهم اغننا بحلالك عن حرامك
المشكلة البعض قاعد يخرب على الكل ويخرب على الديرة عشان نظلمتوا ... ماراح يجنسون بسبب لي خربوا ديرة.. الله يحل مشكلتج يارب... ادعي بس انتي ليش ماتروحين بيت زكاة؟؟....
الله يوفقج ويحقق اما*** وتنالين الخير كله ولكن لا تحزني بإذن الله ربج بيفرجها وتفرحين قريبا بإذن الله تقبلي مروري
حبيبتي هذي ارزاق من الله والظلم محد بينظلم ان شالله واحتسبي الاجر والله اني كويتيه واهلي كلهم كويتين وماكو احد من معارفي بدون ولا موكويتي ومع هذي حالتي الماديه الله لايوريها لاحد يعني الطق على اللقمه مومحصلينها والحمدلله الارزاق بيد الله ماله شغل كويتي اوغيره شنو الله قاسم لبن آدم بالدنيا بيحصله سواء شين ولازين والله لايضيع حق انسان قولوا آمين
