السلام عليكم بقولكم قصة اول ولادة لي ربي يسهل على الجميع طبعا أنا حملت بعد معاناة مع التكيسات وسويت عملية وشلتهم واخذت ابر منشطة والله سهل لي الحمل والحمدلله المهم حاشني ضغط حمل وكنت اراجع الطبيب واول يوم لي بالتاسع ارتفع ضغطي رحت مستشفى الهادي عند دكتورة هندية نسيت اسمها وسوت لي كذا تخطيط وقصت علي قالت نبض الجنين ضعيف ولازم ولادة ولقلة خبرتي وافقت ادخل مع ان الرحم مسكر وماكو طلق المهم دخلت الولادة وخلوني يوم كامل ما سوولي شي يبوني ازهق وثاني يوم كل شوي جايني دكتور غير يفحصني ويمشي وجتني دكتورة هندية غير الأولي وفتحت ماي الجنين الله يفتح راسها تعطوني طلق خفيف عشان ما أولد بسرعه ويقولون عملية وحصل اللي توقعته ودخل دكتر مصري قال لازم عملية الجنين تعب متوقع راح أوافق بسرعه طلبت تلفوني ودقيت على زوجي والدكتور يتشمت فيني يقول دي بتولد وتلعب بالموبايل وجاني زوجي طاير ودخل عندي وشاف الدم بكل مكان انصدم قال تبين عملية ولا تروحين مستشفى حكومي الله ثبتني وقلت حكومي قال زوجي للطبيب ابي إسعاف وممرضة زعل الدكتور وقال كل ده عشان الفلوس ما يدري ان زوجي دكتور قال زوجي لا صحة زوجتي وولدي اهم من الفلوس والغريبة ان تعامل الممرضات تغير ما ساعدوني عشان اقوم ورحت بالإسعاف مستشفى العدان ولما دخلت فحصتني دكتورة نهى الله يجزاه خير وبعد السونار قالت نبض الجنين طبيعي ليه نزلو ما الجنين المهم دخلت الساعه 8 بليل واخذت إبرة ظهر من التعب وولدت بحمدالله الله الفجر والله رزقني ولد قمر الله يحفظه سميته عبدالعزيز وهالكلام اكتبه باغيه فيه الأجر من الله حتى تستفيد البكريه ولا يقصون عليها المستشفيات الخاصة وما تروح المستشفى الا اذا حست بعوار الطلق والله يسهل على الجميع ودعواتكم
هلا اختي . . . حمد الله ع سلامتج وسلامة عزوز وربي يجعله من مواليد الصلاح والفلاح يااارب . . . ويبلغج فيه واهو دكتور نساء ولادة علشااان يرحم هالحريم من القيصريات فعلا اغلب المستششفيات جذي يبيلنا نعرف بالتخطيط لقلب الجنين علشان ما ينقص علينا . . . أنا عكس تماما كنت اراقب التخطيط واشوف النبض خفيف +اني تورمت في ولادتي الاولى +ارتفاع ضغط واصبروا على 4ايااام رايحين رادين من غرفتي بالمستشفى الى غرفة الولادة كل ما ادخلها اسكر على هالحريم بيبانهم وادعيلهم واهمه يولدون >>لاني كنت اقعد بالساعات ع جهاز التخطيط وشاء ت مشيئة رب العالمين اولد قيصرية لكن لاسباب كانت واضحة جدا ارتفاع ضغط وجنين تعب . . . وكاهي جنينتي يمي ربي يحفظها الجزيرة للاطفال
الحمدلله على سلامتج حبيبتي شاكرة مرورج ونبي بنتج تصير دكتورة ولدي ملا ودي الله يصلحه ويطلع نفس ابوه امام مسجد ودكتور شريعه وجزاج الله خير
الحمد لله علي سلامتج ويتربا عبد لعزيز بعزج وبعز ابوة والله انج صاجه العبو فينا هالدكاتره كل واحد له تقرير شكل بس مشا الله عليج سويتي عين العقل يوم طلعتي عنهم كاني متغربله بين الخاص والحكومه تعبت من الابر ناس تقول بثامت وناس تقول بتاسع وانا تدودهت بينه بس علي الله الاتكال
جزاك الله خير والله يسهل ولادتج بس نطري آلام الطلق ويبين بالتخطيط ولا تعتمدين على كلام الخاص ربي ييسر
الحمدلله ىعلى سلامتج ومبروك ماياج شفتي سالفتج هذي ذكرتني في بنت عمتي كانت بالسابع وياها عوار طلق راحت الهادي جان يدخلونها الولاده ويقولون لها ان الياهل راسه فوق والدكتور حسبي الله عليه حاول يولدها وقام يلف الياهل والياهل مو راضي يلف بدال مايسويلها قيصريه قام يطق بطنها مع السسترات عشان ينزلون الياهل ولم ولدت مات على طول وحبيبي طلع راسه ازرق من الطق وبطنها كله كدمات وقالت بتشتكي عليه ياها بليل وقعدت يترجها انه ماتسويله شي والله مستشفى الهادي صار مادي واللي فيه جزارين الله يسامحهم
حمد الله على السلامة ومبروووووووووك مااااياااااااااااااج صح بعضهم ماعندهم ضمير بس شفي اهم يمدحون الولادة بالعدان بس انا ماابي اولد فية ولدت في الاحمدي وكل الي ولد بالعان شوفي شلون يمدحة ويصبرووووووون حيييييييييييل علشان تولدين طبيعي بس خوفي منهم والحمد الله على سلااامتج والله يخلية لج ولبوة يفرحج فيه ان شاء الله
الله يسلمج حبيبتي ويبارك فيج والله يعوض بنت عمتج خير بعض الدكاترة ما عندهم ضمير حسبي الله عليهم همهم الفلوس عشان جذي الحكومي ارحم صج الأجنحة قذرة بس عاد شنو تسوين أمرج لله وتحملي نفسية الممرضات والله المستعان
مشكورة لولي صحيح العدان يصبرون بس يطلعون روحج يعني ما يساعدون بسرعه بطلق صناعي والأبر المخدرة حق معارف الدكاترة والممرضات بس توبة اروح لهم دام عرفت الطلق بروح خاص ان شاء الله
