اخواتي الغاليات بعداستخاره وبحث شاق قرارت اولد بمستشفي العرف بنات عمي والدين هناك عند دكتورة بالغاريه زينه ويمدحونها رحت لها وفحصتني وقالت تعالي تاريخ 30 \1 يمكن تسويلي دخول وقالت لا تحركين ولا تسوين جهد لان راس البيبي نازل حيل فاللي تعرف احد ولد هناك تفيدي والله يجزاها الجنه
هلا حبيبتي . . . استخيري رب العالمين والتوااافيق من الله . . . وإن شاء الله تبشرينا بولادتج بالسلامة . . . بالنسبة للمستشفى ما اعرف شي عن هالدكتورة كان وإلا افدتج . . .
الله يقومج بسلامه يارب وانا سامعه عن المستشفى زين يوم كنت ادرس الكورس الي فات يقولون البنات ان ولادتهم زينه والله يسهل عليج يارب )
هلا بالغاليه رفيجتي والده عندها بالعرف وعند الدكتوره البلغاريه وجابت توم ماشالله لاتخافين ولاتحاتين روحي وانتي متطمنه وامنتج بالله دوم طمنيني عليج واي شي يصير لو بمسج وانا خبرج مشغوله مع بناتي والله
الله يسهل لج ولادتج وتقومين بالسلامه ويقر عينج بما رزقج امين توكلي على الله وعسى الله ييسر لج امورج كلها
والله التساهيل من الله وكل وحده تفرق عن الثانيه بس اذا البلغاريه تسفتانا ردي لقصة ولادتي وشوفي شسوت معاي والله يسهل عليج ويسر ولادتج
الله يسهل عليج والله التساهيل من ربج بس أنتى أدعى ربج والله ما يقصر معاج الله يقومج بالسلامه وبالله طمنينا عليج يالغلا
