:sad_smile:اطلعت من لكليه بس علشان ولدي وزوجي طلعت لان زوجي شغله متعب وهو يتعب كل شيء يبيه، راعي اوامر و ولدي نفس شيء كنت اوديه حضانه وكانت الحضانه مافيها اي اهتمام كبير ، المهم ماقدرت اكمل في دراستي وكان ماودي اطلع لاني احب ادرس حيل بس الله ماكتب الحين جالسه في البيت اشغل نفسي في شيء بعدين اترك، وكل كذا مافلحت في شيء معين احس ضايعه، وحياتي شبه ممله اوقات بسبب الفراغ اتهاوش مع زوجي اسبوع حلو، واسبوع العكس ! فكرت ولدي كبر ليش مااجيب لي طفل اصغير . قلت حق زوجي . . . رفض يقول مو الحين بعدين كله بعدين! صبرت 6شهور وانا انتظر يقول ابي طفل دائما المح وقوله واصارحه بطريقه مباشرة وغير مباشره بس مو معطي كلامي أي أهمية مهم عنده وابوي يلمح علي . . . وخالتي وامه وخواته الكل يبون نجيب ولد وطفل ثاني وبعضهم يفكرون ليش ما عندنا طفل ثاني ؟ واقولهم نبي بس الله ماكتب! فاهمين الموضوع غلط يوم مع الحنه مع اني ماودي جذي ودي من زوجي يقولي من نفسه . . . بس شسوي الامومه عندي قويه وفي يوم صرت تعبانه حيل بطني يألمني صبرت اسبوع ع العوار تقريبا بعدها قلت بس ما اقدار اتحمل اكثر لازم اروح المستشفى قمت اقول في نفسي يمكن انا حامل في نفس الوقت اتوجع وفرحانه اني بجيب نونو قلت لزوجي يوديني المستشفى رفض يعني ماحسيت مهتم فيني . . . انا تعبانه بموت من العوار وداني وهو ماله خلق . . . دخلت عند الدكتوره قالت شنو فيج؟ قالت لها بطني و فيني نوم . . . قامت تقول عادي كل ناس فيهم النوم انا سكت خلاص حليلي وزوجي ماله خلق! وانا اقول في بالي لو يصير راح اتفشل عند زوجي الي مو راضي يوديني في اللحظات هذي كنت ا خايفه من الاحراج يالله بعدين دخلت الدكتوره قالت مافي حمل احسيت بالاحراج لان بين على عيوني اني ودي بالحامل رجعت البيت ،زوجي مو عاجبه الي سويته فيه حسيت اني اسعجلت على نفسي وانا للحين بطني عوار ! ابي اروح الستشفى بس حق باطنيه يمكن فيني شيء ثانيه يمكن مرض او شيء المشكله زوجي يفكر اكذب عليه او اتدلع قلت له اه بطني ولا مهتم مو معبرني اكمل اشوي لااحد يرد
ااكمل انا زوجي مايحب اتغير كله نفس الروتين يجي من اشغل يفتح التلفزيون ياكل وينام . . . كل يوم كذا مادري شنو الحل مايتكلم معاي مايسولف معي الا اذا شيء يتعلق بلكوره فقط ! مع كذا ساكنه بعيدها عن اهلي واهله و مانعرف الا 3 عوائل في المنطقه . وهو كل شيء يتحكم فيه حتى المحل الي احب اتسوق عندها اهله واهلي يشترون نفس المحل مافي اي مشكله كل يومين اكلم امي بس مو كل مره اقولها قصتي لان ماتكون فاضيه مابي اضايقها واختي ماتفهم عليّ تفكيرها يختلف عن تفكيري ونظام زوج اختي يختلف عن زوجي اوقات أحس تفكر اني احسن منها، بس اهي احسن مني بالف مره على الاقل مرتاحه مع زوجها مافي اي مشاكل الله يتمم عليها اعتقد سبب راحة أختي لانها قريبه من بيت اهلي وتروح حق امي كل بعد يومين وتفضفض وتقول كل الي في قلبها وكل سوالفها ياليت انا كذا غير جذي ولدي وحيد وده يكون اخوه يلعب معاه وكل مجنني هذا الي اقدر اقوله تقريبا يمكن البعض يشوف شيء مايستاهل بس لاني ابي اسولف مع احد كان عندي صديقات بس ماشوفهم الا في مصلحتهم او اللي مشغوله انا ابي اعرف سبب فشلي في الحياه زوجيه ،حاولت في كل شيء بس ماشوف اي مساعده من اطرف الثانيه، زوجي شخص ممل مايحس بمشاعر الطرف الثاني إللي إهي أنا . او شنو يحب الطرف الثاني ايسويه لي البحر قريب من البيت اقوله متضايقة ابي اطلع من البيت مايرضى اطلع كلا لا ! يبي كل على مزاجه اهو ! واختى ماشاء الله على زوجها كل مكان يوديها يطلع من شغله مبكر علشان يوديها. هل لان زوجها من نفس عمرها؟ متوفقة في زواجها . انا زوجي اكبر مني 11 سنه في العمر بس في الشكل مناسبين لبعض اكيد هذا جزء من اختلافنا وأهو العمر اول ماكنت واعية لهذا الأمر لاني ماصدقت اطلع من بيت ابوي لان ابوي عصبي وكل يصرخ علي ماحسسني بحنان الاب بشكل كامل بس لو قعدت بيت ابوي اريحلي جسديا ونفسيا كنت توني اصغيره تزوجت عمري 19سنه ، زوجي يصيري لي من بعيد . ابي الي تدخل موضوعي من الاخوات : تقول شنو لازم اسويه علشان تكون لي كلمه عنده. او اهمية عنده. وكيف اعرف اني حامل من اول يوم اتوقع في احد يعرف مشكورين والله يعطيكم العافيه
هلا أختي . . . طيب شكثر صارلكم متزوجين أكيد فترة بسيطة . . . والروتين عادي في الحياة الزوجية وكل وحدة فينا أول ما تزوجت كل شي ممنوع عند زوجها وسبحان الله مع الايااام تنفرج الامور والزوج يصير لين شوي في تعامله مع زوجته يبيلج صبر اولا وثانيا قعدي وياااه وفهميه باللي تبينه منه وسالفة الحمل أي أنثى تقدر تحمل بمشيئة الرحمن وزوجي مايدري يعني إذا تاكلين حبوب وقفي يبيلج جم شهر وتحملين ان شاء الله والبعد عن الاهل متعب لكن اعتبرينا في هالمنتدى خوااات لج شوفي مواضيعنا واقسااامنا في خوات لنا عسل وينحطون ع الجرح يبرى
مشكوره حبيبتي ( اصيله على حماسك في رد على موضوعي وماانساك ياام عبد الله كلامك صح تقريبا صار لي متزوجه 4سنوات
ياااقلبي ربي يفرجها عليج خلاااص احملي اذا بخاااااااااطرج هالشي واذا قال قوولي من الله ربي رزقني ولا كملي دراااااستج ولدج كبر وريحي نفسج ولا تتعبيييييين عمرج معاه هو طبعه جذي واكسري الروتين سوي حركاااات وغيري بستايلج يمكن ترتاحييييييين شووي وربي يسعدج ويهديه لج ياارب وموووووفقه ياحبي
حاولي تكملين دراستج وانتي شكلج هاديه والله اعلم غير انتي من طبعج قعدي وسوي شاي وكيك وقروضات وسوالف انتي كسري الروتين سولفي وياه بأي سالفه تخطر بالج لبسي وكشخي وتعطري وقعدي واذا ماشفتي نتيجه كرسي كل وقت حق ولدج وحق نفسج اهتمي بنفسج وبولدج مع الايم بلين الله يسخره لج ويهديه ويرزقج بالذريه الصالحه وتبشرينه بالحمال
اي انتو اكيد متزوجين جديد لا حبيبتي ما دخل العمر وانا زوجي اكبر مني 11 سنة هاد مالو علاقة بس اكيد كمان عندو ظروف وانشالله مع الزمن يتغير وشكلو بغار عليكي مو
واضح اثنينكم كتوميييين 1شي لاااازم تحولين زوجج الى شخص رومانسي وهالشي يبيله مجهووود مسجات ثناء ع شكله طبعة ناقشيه بمواضيعج حتى ابسطها حسسيييه انه يهمج رايه واقتراحاته الحياااااء له حدوود ومتأكككككدة انج حياوية بزوود تجرأي بطلي مواضيع تفنتكي سوي حركة بالبيت احفظي تواريخ تهمة حتى لو بسييطة مثال 1مرة طلعنا المكان الفلاني هالتاريخ الفلاني غالي علي بيستغرب ليش؟ بتقولين له سهرتنا كانت غير شكل هنننني بينصدم معقولة مرتي حسااسة رومانسية للهدرجة تفرق بين سهرة ليلة وليلة ويني عن هالشي؟ ولمايغيب 4 ساعت مسج شوق حلو وغييره وغيرة وبتفتحيين عينه ع هالشي وبيصير رومانسي اكثر منج خلج ع هالمنوال 3 اسابيع وبتبشريني بتغير كبييير ولاااتحرميني دعاااائج وبيركضلج ركض يدور الحمل ولي رجعة معااج
مشكوره دموع الاماس فرحت يوم قلتي انك انتي بعد نفسي صج العمر ماياثر كثير في العلاقه زوجيه اي يغار ليش تسالين شكليك انتي كذا بعد والله يعطيك العافيه سهاد العجمي صج الرساله تحسن العلاقه ازوجيه بس والله تميت ارساله كل يوم المده 3شهور متوصل ولا عمره رسالي رساله حلوه الوحده تزهق مافي تفاعل وسالته شريك بنكته شريك عادي
هلا يأختي يأم عبدالله وسعي الصدر انا صج مومتزوجه لكن عندي خبره من اللي حواليني انتي تقولين انه يحب الكره . حاولي تسولفين معاه عن الكره وتبينيله انج تحبين الكره وشجعي الفريق اللي يشجعه سوي الشاي وجلسي معاه عشان تكسبين بصفج يعني حبي اللي يحبه كبدايه اشوي اشوي اللين تندمجون مع بعض وخلي ولدج يقول يبه انا زهقان ابي العب مع اعيال الجيران وشوي شوي الين الله يفرجها عليج بعدين قطي حبوب منع الحمل وقولي الله كاتبلي اني احمل وحولي تلبسين كل كشختج وتعطري من العطور القوييييييييييه
الله يعينج والله الزوج الممل مشكله بالبيت وجوده وعدمه واحد انا اقول كثري من الاستغفار وادعي له ربي يهديه ويتغير واذا على الحمد هذا بيدج وتقدرين تحملين وتحطينه جدام الامر الواقع وما اظن بيسوي شي ربي يسعدج ويسخر لج ريلج ويهديه لج يارب
اختي الغاليه خواتي ما قصروا يعطيهم العافيه كملي دراستج واشغلي نفسج بشيء تحبينه وقربي من زوجج بالي يحبه وحاولي تفهمين طريقة تفكيره وفي وقت حلو بينكم كلميه مو بطريقه تخليه يعصب او يقول هذا قراري وخلاص لا خليه من نفسه يغير طريقته معاج ويريحج عسى الله يسخره لج ويجمعكم على الخير
والله يا ام عبدالله تقريبا نفس حالتي بس ان شالله الوحده فينا بيوم من الايام بتلقى الطريقه الي تكسر فيها الملل من حياتها ونحقق اهدافنا
