تجمع المراجعات عند ماجدة اليتامي شلوونكم بنات شخباركم؟ بصراحة حبيت اسوي تجمع حق الي يراجعون عند دكتورة ماجدة اليتامي بسبب تاخر الحمل سواء طفل انابيب او حقن مجهري اوتلقيح صناعي وياليت يفيدونا بكل التفاصيل المدة ؟ والسعر؟ ونسبة النجاح عندها ومن هل الامور ؟
انا عالجت عندها جم شهر وطلعت واسعارها زينه نفس الباقي بس الي يبط الجبد فيها تروحين لها تقولج السرتيره موموجوده عندها ولاده او زحمه وتحولج على غيرها
والله انا صارلي شهرين معاها وبسوي حقن مجهري انشالله وبلشت بالاشياء التحضيريه والله انا حبيتها واحس نفسها حلوه والله اليوم يتها وحده الظاهر انها مسوي اطفال انابيب وطلعت حامل اتلمها وتبوسها اتقولها شفتي شلون الله ما يخيب تعب احد والله استانست حسيتها مستانسه اكثر من امها وبعدين انا مره وحده دشيت على غيرها انتي اذا كلمتي السكرتيره قوليلها ابي ماجده مابي غيرها والله انا جذي وحتى باشعه الصبغه اهيا ماتسويها الي وياها يسونهاانا قلت اذا مو اهيا ماراح اسوي ويتلي اهيا بنفسها والله يرزقنا الذرية الصالحه
والله وايد زينين الحمدلله لا انا سولي وايد تحاليل وثاني شغله سويت اشعة الصبغه وقالولي راح يسوون عملية منظار لان عندي انبوب مصكر والله كريم
هلا حياتى والله انا مارجعيت هادكتور مراجعاتى كلها عند مستشفى الجهراء والله كريم واسال الله العظيم رب العرش العظيم ان يشفينا ياررررررررررررررب العالمين بس سمعت مستشفى الصباح يسوى اطفال انابيب وتلقيح صناعى بس حق الكوتيتة
مرحبا بنات انا سويت عند الدكتورة ماجدة عملية تلقيح صناعى وثانى مرة نجحت الحمدالله انا اوشكت اياس كل ما عمل تحليل مبروك حامل اسبوعين او ثلاثة اجهض وكنت اراجع قبلها عند ناهدة العلى بس سبحان الله ما نفعت معاى وعطتنى حبوب وابر وجل للتثبيت وبيبي اسبرين وما شاء الله واحمدالله انى ولدة وبخير خصوصا كانت نفسيتى تحت الصفر وخوف وتوتر ما يوصف
مشكوره حبيبتي ايشواريا على الرد والله يجعل البيبي من الذرية الصالحة ويرزقج اخو او اخت حق البيبي انشالله*
الصراحة انا رجعت عندها 3 اشهر وبعدين وقفت , لانه كل شي كان عندي وكانت تعطيني ادويه فوق طاقة مبايضي حتى عطتني ابر على اساس اخذها بالمستوصف بس الدكتور مارضى قال هذي ممنوعه !!!! الصراحة خفت ومارحت لها بعد خصوصا انه الدكتور سألت عنه انه اهوا خبره 30 سنه او اكثر شوي
قوه ، انا بصراحه كنت اراجع عندهم ، وانحشت منهم ، عيبهم انهم يستعيلون على الوحده عطوني حبوب وكل شوي تعالي مراجعه وبعدين قالوا ابر منشطه واخرتها قالوا نسويلج " كي مبايض" والكي يظل مفعوله ست شهور وترجع حالتج نفس قبل ، وبصراحه ماعندهم تفاهم سيده يحطون فيج السونار الداخلي عندهم هوايه هالسونار الداخلي ، فانا استخرت وطلعت منهم ورحت عند دكتوره ماادري ان كنتي سمعتي فيها اهيا " د.مهجه البدر" فقالت اهما اشسووووا فيج؟؟؟؟ المبايض عندج حيل متهيجه !!! عشان جذي يبون يسووولج " كي مبايض " عشان التهيج يروح والبويضات الوايد تطلع من النبيض !!! مالج بالطويله ،،، عطتني منظم دوره لمده ٣ شهور وقالت راجعيني بعد ثلاث اشهور لو دار البراء كلينك جان زرتهم الف مره خلال ال٣ شهور ، المهم خذيت الحبوب ومكتوب عليها انها ماتمنع الحمل ، والشهر الرابع عطتني حبوب ،،،، والشهر اللي بعده طلعت" حااااااااااااامل "بفضل الله ،،،،، وعلى فكره ترى كنت اروح لحريم ، رحت عند وحده ينقالها ام عبد الله ،،، والحمد الله ، الله يسر لي الحمل،،، وانصحج تكثرين استغفار وصدقات ودعاء ،،،، والله يوفقج يارب . . . .
