اهلين اختي ام التوام يعطيج العافيه على النصايح الحلوه واهم شي بالنسبه للخياط لاني بولادتي الاخيره بولدي التهب عندي الخياط والله يابنات اني قعدت اصيح من الالم كان غير طبيعي لااقدر اقعد ولا انام حتى نفسيتي تعبت وعلى ما خذت مضادات وحالتي حاله والله اني للحين وبعد ثلاث سنوات اذكر الالم والحين انا حامل بالسابع شايله هم الخياط مثل هم الولاده الله يرحمنا برحمته ويقوم كل حامل بالسلامه
مشكوره يا قلبي على هالمدح وانتي حيل غاليه مثل ما الباجي غالين علي وانا على فكره ما ادخل الا على منتداي هذا افضل منتدى على الاطلاق احس حيل ارتاح لمن ادخله اما بالنسبه للموضوع انشالله قريبا بس خليه بعد فتره باذن الله لاني حيل مشغوله هالفتره اشكرج جدا عالرد الحلو والجميل وبعدين مو انتو اللي استفدتو حتى انا بعد استفدت منكم ومشكورين
انتي اتبعي الطريقة وامشي على هالادويه لا اخذين غيرها وراح تدعيلي وراح يمر النفاس بخير باذن الله بدون مشاكل
انا توكلت علي الله وشريتها بس ابي اسالج اذا ولدت وعطتني الدكتورة ادويه اخذها ولا لا وشنو اقول لها لا تكتب لي اي دواء ياليتج يالغاليه تفيديني
مشكورة حبيبتى صج الوحدة تستفيد من هالاشياء اللة يجزاج خير بس بغيت اسال عن حبوب الشعر ماتمتن لان فية بعض الحبوب اتمتن الجسم وانا معروفة بعد الاربعين يطيح شعرى
