مرحبا حبيباتي تكفون ياحلوات اللي عندها حل لمشكلتي لاتبخل علي وتذكروا من فرج عن مسلم كربه فرج الله عنه كربه من كرب يوم القيامه زوجي حبيب وطيب قلب وظليمته شينه ماعمره قصر معاي بشي ( مشاء الله ) بس المشكلهفي امه دايم تتدخل في حياتنا وهي جذي متسلطه حتى على عيالها الباقين لازم كل يوم يكلمونها ويعطونها برنت عن اليوم كله قلت لزوجي عادي لاتقطع في امك كلمها كل يوم بس محد له شغل في حياتنا وش يصير فيها قال اوكي وصار يكلم بدون مايعلمها شي بس شلونكم تمام وبس وحتى اذا رحنا انتمشى مايقولها عشان ماتهاوش حنا ساكنين بديره غير ديرتها عشان دوامه وان متضايقه مره من تصرفاتها ونغزاتها واذا قلت لزوجي ابروح لاهلي زياره احس وده يوافق بس خايف يقول لا ماله داعي وانا ميته قهر يقول خلي ف الرمضان ولا في عرس فلان يعني مااروح زياره وارد لازم مناسبه وانا ابي نصايحكم وشلون اتعامل معى زوجي عشان يوافق ومايخاف يسوي الشي اللي مقتنع فيه بدون مايتردد حرااام والله انه تعب حتى لدرجه اني مره جاء اخذني من بيت اهلي قال بنروح ناخذ عن اهلي اسبوعين بعدين انروح للدوام وهوفي الطريق كلم امه قال اباخذ فندق وبنام وبعده اجيكم وتقعد تهاوشلامايصير تعالوا قال انا من زمان عن زوجتي وتهاوش وهو سكر التلفون حده متضايق وشوي ويبجي ونزل من السياره وكلمها بعيد عني وجاء قال خلاص انا راضيت امي عاد انا مابينت انه يخاف منها قلت معليش ماتبينا ناخذ فندق عادي نروح قال بنروح وبنستانس وباجر نروح لهم عاد انا مطنشه امه ماارد عليها ف النغزات احترمها واجيب لها هدايا بس ماينفع الله يسخرها لي وابي حل لزوجي هي مالي شغل فيها اهم شي زوجي اللي عندي ف البيت ولاهي اسكت واتحملها
حبيبتي مالج الا الصبر دام هو زين أهم شي انه طيب وحبوب وامه مصيرها تطخ وتتركم بحاالكم وهذا اختبار من الله ولازم تصبرين والله يوفقج
السلام عليكم أولا:الصبر لأن الصبر مفتاح الفرج و (وصبر جمييل و الله المستعان) ثانيا:الله يخليلج ريلج و انتي عليج بالرسائل اليومية الغير مباشرة حق ريلج ، لأن الدق يفج اللحام، عطيه القوه والاحترام بحيث انه يبر أمه ويوقفها عند حدها بالاحترام يعني في حدود بين أمه و حياتكم الشخصية ويا معين الصابرين....
مبارك عليكم الشهر أنتى سنعه وخايفه ربج ماشاء الله عليج وبنهايه هذى امه عليج بالاستغفار ومثل ماقالولج خواتى الصبر ماكو شى يتم على حاله والله المستعان
ماشالللللللللللللللله اهم شي ان زوجج يحبج واللللللللللله هذا نادر بهل زمن حافظي علييه ووفهميه انج متفهمه طريقت امه وانج مستحملته بس عشانه بس اهم شي فهمييه مو كل شي ينقال
الله يعينج و يفرج عليج و صدقيني ما عليج منها اهم شي زوجج ترى ما كو شي يظل على حاله بس ديري بالج ترى هذي ام بعد
الأهم انه طيب وحبوب وهذه امه شوبدوايسوي فيها ساعديه يبرها ومافي شي يظل على حاله ربي يسعدك و يه*** مع زوجك
الأهم انه طيب وحبوب وهذه امه شوبدوايسوي فيها ساعديه يبرها ومافي شي يظل على حاله ربي يسعدك و يه*** مع زوجك
حبيبتي حمدي ربج انه مقدرج بس هم هذي امه مايقدر يسويلها شي ودام عارف حق امه عليه وموقادر يغضبها حتى وهي غلطانه تطمني على حياتج معاه بيشيلج بعيونه لانه يعرف الحقوق الي عليه وهذا موضعف شخصيه بس في رجال عندهم اسلوب وفي بعضهم يتوهقون باصغر مشكله مايعرفون يتعاملون معاها وساعات يظلمون انفسهم ومنهم زوجي الله يحفظه لي ويهديه
حب السلطه والسيطره على الاولاد صفه عاديه عن الامهات هي حاسه انه خذيتيه منها....وتبي تبين انه للحين لها قرار بحياته والاهم من هذا كله انتي ربي مكملج بعقلج ماشاءالله عليج حاولي انج ماتذكرينه بمواقف امه معاكم وربي يحفظج دايما دوري العذر لامه باجر بتكبرين وبتصيرين ام زوج حالج حالها ومثل ماتسوين الحين باجر بيسوون لج عسى ربي يسعدج ويسخر لج ابو عيالج يالغاليه
