1. ملصقات للواتس اب و آي مسج ، اكثر من ٥٠٠٠ ملصق سهل الاستخدام. لتحميل التطبيق

قبل عرسج بيوم شلون كانت الأوضاع بالبيت ؟؟ تعالي قوليلنا

الموضوع في 'قسم المحذوفات' بواسطة FIRST STEP, بتاريخ ‏29 يناير 2011.

حالة الموضوع:
مغلق
  1. FIRST STEP

    FIRST STEP سيدة جديدة

    -------------------------------

    ----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
    آخر تعديل: ‏23 مايو 2013
    FIRST STEP, ‏29 يناير 2011
    #1
  2. الاميره بشاير

    الاميره بشاير أمــيــرة الـمـنـتـدى

    ماتحدد عرسي للحين :)
    ؤلا تحدد بقؤلج ان شاء الله يا قلبي :)

    الاميره بشاير, ‏29 يناير 2011
    #2
  3. FIRST STEP

    FIRST STEP سيدة جديدة

    ان شاء الله الف مبروك
    مشكوووورة عالرد :)

    شدعوة وين باجي العرايس ؟؟؟ 9 مشاهدات و رد واحد بس
    ما هقيتها منكم !! يالله نبي تفاعل بنات :)
    FIRST STEP, ‏30 يناير 2011
    #3
  4. أم الحلوات 2

    أم الحلوات 2 سيدة جديدة

    الله يوفقج العرايس كلهم ويتحدد عرسهم ويبشرونا بس لا تنسون تعزمونا على عروسكم
    أم الحلوات 2, ‏30 يناير 2011
    #4
  5. أميـرة

    أميـرة سيدة جديدة

    انا بعد ماتحدد عرسي يوم بعرس بيي وبخبرج ان شاء الله
    أميـرة, ‏30 يناير 2011
    #5
  6. ريان التميمي

    ريان التميمي سيدة جديدة

    قبل عرسي الخوف ممتلكني كنت افكر اشلون باجر نفس هالوقت بكون عند ريلي وكنت خايفه افكر اكيد بيسوي ويسوي ويسوي لانه اعرفه جريء فكنت ميته خوف ومومستوعبه كل ما اتذكر ان باجر عرسي قلبي يطق حييييييييييييييل واحاتي وطبعا مخلصه شغلي كل قبل جم يوم بس بدلتي ما استلمتها الا يوم العرس هم كنت خايفه يكشتون فيني وماييبون بدلتي لانه اخذتها من اديبا المحبوب الخايسه الله يخسها صارلي 4 شهور حاجزتها ولمن رحت لها قبل العرس بيوم قالت لي ان للحين ما ضيجوها لي ولا ودوها المصبغه ولا شي صج حرتني وتهاوشت معاهم واشتكيت عليهم بعد فا كنت افكر ببدلتي بعد ...................
    طبعا بليل مانمت من التفكير افكر اشلون بيكون شكلي حلو ولا لا البدله بتضبط ولا بتوهق اشلون بدش القاعه والعيون تطالعني اخاف ابجي

    صج اني قرقه بس رجعتي لي الذكريات الحلوه والله وناسه انا بيوم عرسي من الصبح قاعده ورايحه الصالون اول عروسه انالوووووووووووووووول

    والحين الحمدلله صارلي 3 سنين متزوجه وعندي بنت عمرها سنتين وولد عمره 3 شهور الله يخليهم لي صرت قديمه ههههههههههههههههههه


    يسلمو حبي عالموضوع بس انتي قوليلنا عن حالتج قبل العرس؟؟
    ريان التميمي, ‏31 يناير 2011
    #6
  7. FIRST STEP

    FIRST STEP سيدة جديدة

    مشكوووورين كلكم على الردود حبايبي وان شاء الله تتحدد عروسكم ونفرح فيكم وتيون تقولولنا شصار معاكم

    ريان التميمي مشكورة يا قلبي على الرد و الموقف تسلميييين يا قلبي والله يخليلج عيالج ويوفقج يارب
    FIRST STEP, ‏31 يناير 2011
    #7
  8. اميرة في كل ديرة

    اميرة في كل ديرة سيدة جديدة

    واااااااااااااااو ذكرتيني فيما مضى ياحلو ذيك الايام .. قبل عرسي بيوم احترق وجهي من الاكسجين الله يآخذ بليسها كان الاكسجين قوي وللاسفت شوهتني حتى بالعرس بعد ماغسلت وجهي المعرس قالي انت اشفيج لايكون اعاقة دائمه ((( طالعي الاسلوب بس))) ههههههههههه
    قلت لا من الصالون قالي تستاهلين شحقه تسوين بالصالونات (((خلاني طنازة وما اسوى)))
    طبعا طول الليل بجي واخذت حبوب منوم وانا بالمطبخ جان انام على طاولة المطبخ زين قدرت اوصل لفراشي.. والبيت صاير حركة موطبيعية .. ومن صباح الله خير وانا قاعدة مع الدياجة..
    ادري قرقت بس هذا اللي صااااار ..
    يسلموووووووووووووووو خوش موضوع
    اميرة في كل ديرة, ‏31 يناير 2011
    #8
  9. FIRST STEP

    FIRST STEP سيدة جديدة

    تسلمين حبيبتي اميرة خوش موقف هههههههههه
    بالعكس انا ابي القرقة هاذي الموضوع يبي جذي
    FIRST STEP, ‏31 يناير 2011
    #9
  10. ريان التميمي

    ريان التميمي سيدة جديدة

    ياالله شيوخه مارديتي علي قوليلنا انتي شلون كان موقفج قبل العرس؟؟
    ريان التميمي, ‏1 فبراير 2011
    #10
  11. دراريع عليا

    دراريع عليا سيدة جديدة

    وية برجع 6 سنين ورى

    اذكر قبل رسي بيوم كنت بالشرقية ينفضوني مغربي وشيرة ووووووو من 9 الصبح خلصت 6 المغرب

    رديت البيت سويت خلطة لشعري مع رشوش وكانت عجيبة اسبوع ماراحت من شعري ريحتة تهبل

    وقعدت شوي وسبحت طبعا بيتنا تحت حوسة وامي الله يعينها تحنت الساعة 12 بالليل

    طبعا كنت حيل ريلاكس وعادي وكلا اكلم نفسي ليش تخافين عادي فرحت عمري خل استانس طبعا وقلبي يدق يدق

    والله حطيت راسي ونمت 12 قعدت 8 الصبح عمتي جتنا 9 عطتني 7 تمرات العجوة ورحت الصالون وانا ميتا من البكي بس ابكي لي وصلت عند كونتيننتال الهام

    طبعا لما وصلت جاني ضحك مو طبيعي هستريا ضحك والله الهام مو قادرة تمكيج طردتني برا قالتلي اخر وحدة امكييجج لان معاي 8 عرايس

    وكل مادخلت واعلق على العرايس يومها كلهم يضحكون الساعة 7 ونص بدت فيني الصراحة اجمل عروس فيهم ههاي

    جتني المتفرغة المصورة المرايم وتسويلي حركات وماتبيني ساكتة تبيني بس اضحك ومبتسمة وانا معطيتها ضحكات فري

    دخلت الصالة شاقة الضحكة لما طلعت ابية شكلي يضحك ميتا خوف


    بس نصيحة لكل عروس لاتوترين والله بالصور والفيديو شكلج يخرع ادخلي مبتسمة وعادي لاترتبكين وماراح تندمين راح تندمين لما تدخلين مكشرة شكلج واااع
    دراريع عليا, ‏1 فبراير 2011
    #11
  12. FIRST STEP

    FIRST STEP سيدة جديدة

    تسلمين حبيبتي وان شاء الله الضحكة ما تفارقج ابد
    وعسا حياتج كلها ضحك ووناسة مع ريلج وعيالج :)
    FIRST STEP, ‏1 فبراير 2011
    #12
  13. FIRST STEP

    FIRST STEP سيدة جديدة




    ان شاء الله بس خل يكثرون الردود واقولكم :)
    FIRST STEP, ‏1 فبراير 2011
    #13
  14. منارة الكويت

    منارة الكويت سيدة جديدة

    انا بعد برجع قري ثلاث سنين ورى


    ههههههههههه انا سالفتي سالفة سويت لاهلي مناااااحة تفخت خدودي قبلها بأسبوع قبل العرس بيوووم سويتلهم مناحه قعدت ابجي وقلت موبي اتزوووج
    امي وخواتي اخترعواااااااااا لييييش ؟
    قلت تفخي مومبين ابي زووود هههههه وشالوني وقلعوني لدكتوري ورد زاد التفخ
    وبسرعه بسرعه ودوني بعدها الصالون خذيت حمام ملكي ورديت البيت وعطرت شعري وجسمي بمسك واخذت حبة حساسية ونمت وقعدوني اهلي الساعه 8 وداني اخوي اهو واختي كونتينتال واهو مشغل اغاني وكل ماسمعت اغنية حزينه قعدت ابجي واخوي يقوولي يالهنديه اسكتي جنه هنديه بنسفرها وضاغطني طووول الطريق
    وعدت على خييير ليلتي جبح وجيه نجيهم متكشخات بارده امبرده وهم حدهم ياخذوون حمااام مغربي وبس وتحليقه
    منارة الكويت, ‏8 فبراير 2011
    #14
  15. FIRST STEP

    FIRST STEP سيدة جديدة

    ههههههههههههههههههههه
    الله يوفقج يارب خووووش موقف
    وان شاء الله كل ايامج سعادة ووناسة
    FIRST STEP, ‏10 فبراير 2011
    #15
حالة الموضوع:
مغلق

مشاركة هذه الصفحة