بسم الله الرحمن الرحيم السلام عليكم ورحمه الله وبركاته انا جديده في المنتدى وهده اول مشاركه لي واتمنى ما تبخلو علي بالردوووود :71_71:ساعدوني ياامهات الي عندها خبرات انا عندي بنتي الوحيده ربي يخليها لي ويحفظها عمرها 3 سنوات ما تححب الاكل ونحيييييييفه اول كان ما تاكل ابد اجبرها انا عليه بس امي قالت لي ماينفع تغصبيها على الاكل خليه تاكل بروحها سويت مثل ما قالت بس بدون فايده وما تبي تشوفه احط لها اكلها تشوفه تقول ما ابي اب الرضاعه الحين في ها اليوم ين تاكل بس على خفيف جدا يعني وجبه وحده في اليوم ابي شي يسمنها ومضمون او ابي اعرف ايش ااكلها طوووووول اليوم تخيلو عمرها 3سنوات ووزنها 12كيلو ممممممره نحيفه ايش الاكل الي يسمن او حليب جربت انواع من الحليب بس بدون فاااايده بطلت ما اعطيها حليب الاطفال اعطيها نيدو العادي والله طفشت الي تعرف حليب حلو تقلي عليه او اي وحده جربته حق بنتها النحيفه وسمنت عليه توقلي لا تبخلو علي انتظر ردودكم ؟؟؟ :cry_smile::cry_smile:
صدقيني الياهل يحس بامه وهي حاسه فيج متابعتها ومهتمه فيها زياده عن اللزوم انا اقولج خليها على راحتها وصدقيني مافي ياهل يموت من اليوع يالغاليه ولاتدورين السمنه بس للعيون الحاره هههه ربي يحفظها عمرها هذا كله عناد واثبات الراي ربي يعينج
الله يسلمك يا المزاين والله انها عنيده ربي يحفظها لي ويحرسها وينكم 9 مشاهدات ورد واحد اااااااااااففففففففففف
الله يخليها لج حبيبتي دايما بعمرها يكون عنيد الطفل وبعدين سوي لها فحوصات اذا كل شي اوكي ومافي فقر دم خلاص خليها لاتحاولين تسمنيها السمنه ام الامراض حاولي تعطينها اكلات تعطيها عافيه وتفيد صحتها مو تسمنها اللوز ممتاز للطفل التمر مع السمسم حليب مع عسل الفراوله الخضار بكل انواعها سوي لها الاكل بطريقه تجذبها يعني سوي فيه حركات زيننيه لها في ادوات بالسوق خاصه لتزيين الخبز والاكل يتقطع باشاكل تجذب الطفل الفواكه مهمه اهم شي لها الحليب مع العسل وربي يحفظها
ماعليج يا بنت الحلال خليها باجر بتسمن ودورين الضعف لهاا ماعليج لا ادورين شي يسمنها تعالي شوفي بنتى الله يخليج بدش الابيتدائي ووزنها بالمره ضعيف والحمدالله مافيها شي بس انتى لاتحاتين شي خليج وانتو اقعدو ونادوها ع الوجبه وحايليها
عادي نفس وزن ولدي وعمرا خليها بكيفها لو تجوع بتاكل ونتي حاولي انج تسوين عشا او غدا لها بس كان لج انتي سوي نفسج بتكلينا قدامها لاتنادينها ولاشي وشوفي شلون بتركض علية وكلميها واهيا تاكل اا ولدي اقولة هذي شيوخة ام هذي عنود ام اسماء بنات حمواتي واقول اسم خالتي وجدة وابوة وانا والله لين يخلص الصحن ومرا جنني بالاكل جبت لعبتة عندي وسويت نفسي اوكلا كان منكي قرد تصدقين غار واكل كل الصحن اقولة منو اقوى المنكي ولا علاوي هم يالمنكي يستخف وياكل اللقمة الله يحفضها
هلا اختي . . . حليبها خليه نصف دسم المراعي او اي نوع ثاني صحي . . . اقطعي عنها بودرة الحليب . . . وخليها ع راحتها بتجوووع وبدور الاكل . . . وسوي لها اكلها بأشكال حلوة يعني البيض في عندج شغلات حلوة في دايسو له اشتريها وتفنني بشكله . . . واكلي جدامها الشي الصحي وبتلاقينها بتقبل ع اكل الشغلات اللي انتي تاكلين منها . . . واشتري لها حلويات فيتامينات تومي جلي بتلاقينهم في اي صيدلية طعمها حلووو ومفيدة لكن بحسب وصفة تناول الحبوب حبة وحدة اعتقد لعمرها جيكي مع الصيدلي . . .
ايش لك بالسمن خليها لاتغصبينها لانها ماراح تستفيد منه خليها اذا جاعت كلت من تجربيتي مع اولادي لانهم ماياكلون مثل اللي في سنهم لاكن بيسمنون مع الوقت لكن مو دبدوب لاوزن عادي وبياكلون كل ما جاعوا لاتبينين لها لانها تعرف هذا وتعاند وصدقيني لما تجوع بتاكل اقولها من تجاربي مع اولادي والله يحفظ لنا ما اعطانا ويهديهم ويرزقنا برهم والسبب الرئيسي هو الحليب اذا كانت ترضع غيري نوع الحليب لها وراح يتغير الطعم عليها ولاتتقبله ابدا وراح تبكي عادي تبكي وبعدين ما تلقى عندها غير الاكل انا سويت كذا مع بنتي الكبيرة وفادت
