هلأيام الشباب و لصغار و لكبار هابين بالشات و برامج الدردشه لا و الحين مع التلفونات اليديده لمسه وحده و تلاقين نفسج بين مئات من الأشخاص اللي يبون يسولفون و يتعرفون. في متزوجين يدشون الشات و بعضهم ما يبون علاقه أكثر من الشات يعني يدخلون كل يوم يدردشون و بعدين مع السلامه ماني قادره القى سبب لدردشه المتزوجين عندك سوالف عندج سوالف روحوا لأزواجكم و زوجاتكم سولفوا مع أصدقاؤكم اللي تعرفونهم و يعرفونكم و بعدين علاقه الدردشه حتى لو النيه الدردشه فقط بعد فتره هذي العلاقه تتحول إلى علاقه إستلطاف و شوي شوي تصير مواعيد و النهايه إما طلااق و محاكم أو مصيبه و فضيحه أما غير المتزوجين بعضهم يدردشون علشان يضيعون وقت و سوالف مراهقه و عفرته يعني و تجربه يمر فيها بعض الشباب و تنتهي بعد فتره أو لا تنتهي لأن الشخص أدمن على الدردشه و تستمر لبعد الزواج . أنا اللي مو مصدقته هو البنت اللي تدش الشات علشان تدور زوج و الرجل اللي يتعرف و يحب و يتزوج عن طريق برنامج محادثه!!!! إشلون وين عقولكم ؟! برامح المحادثه مكان خيالي فيه أشخاص غير حقيقين الكل فيه يدعي إنه ملك الغرام و الحنيه و الإحساس و تلقين أكثرهم أشخاص فاشلين يتصيدون البنات بالكلام المعسول و البنات حدث ولا حرج كلمه تييبهم و كلمه توديهم و العقل غايب مغيب و بالنهايه نفس كل مره "قص علي و مادريت و غشني و قال إنه بيتزوجني" ليش يابنتي ليش تسويين جذي بعمرج ليش ما نتعض من القصص اللي تتكرر و نسولف فيها كل يوم ليش إنقول إحنا غير إحنا ما ينقص علينا لا يا حلوه ترى غيرج كان أشطر لكن الفاس و قع بالراس. عندي قصتين عن تعارف بالشات تحول إلى زواج و إنتهى بالطلاق أنا ما أعرف الأشخاص لكن أعرف ناس قراب عليهم: القصه الأولى سميتها المدمن و المجني عليها المدمن هذا حريف محادثه يعرف إشلون يدخل على البنات كلامه معسول موطبيعي يعرف البنت شنو ودها تسمع من سوالف و كلام يذوب الصخر المهم تعرف على بنت كان غرضها الدردشه فقط و تضييع وقت لكن مثل ما ذكرت سابقا المحادثه كل يوم تولد الإستلطاف فالبنت حبت الولد و تطورت العلاقه و إنتهت بالزواج لكن الولد مدمن مو قادر يترك المحادثه متعود يكلم عشر بنات باليوم فبعد أيام من الزواج رجع المدمن يدردش لا و أشكره جدام مرته كان يقولها ترى إنتي زوجتي حبيبتي و الدردشه تضييع وقت بس البنت إصبرت عليه لكن مصخها و إتضح إنه كان يتعرف على بنات بالمحادثه و يقابلهم من وراها في يوم من الأيام عرفت أنه راح يقابل وحده في مكان معين راحت وراه و واجهته فاعترف على طول و إنتهت العلاقه بالطلااق اللي يعور القلب إن البنت عمرها أقل من أربعه و عشرين سنه و تطلقت بعد زواج دام لمده سبعه شهور القصه الثانيه سميتها " ثامر و بنت شاه بندر التجار" ثامر و هذا شخص تافه ما عنده شخصيه و إنتهازي فاسد يدخل الشات كل يوم و يسوي نفسه مللك الغرام و الفارس على الحصان الأبيض يكذب على البنات و يستغلهم في يوم من الأيام تعرف على بنت في الشات و عرف من كلاامها أن والدها من كبار رجال الأعمال ثامر ما صدق خبر و قال خل أضمن مستقبلي و لف و دار و سوه نفسه قيس و هي صارت ليلى و شوي شوي دزيلي صورتج و أدزلح صورتي و تبادلوا أرقام التلفونات و راح خطبها بعد سنتين البنت ما تحملت تصرفات الحقير اللي ظهر على حقيقته و عرفت إنه كان يخطط على شي ثاني تطلقت و لها منه طفله هذي الطفله راح تكبر و تصير شابه و في يوم من الأيام و راح تسأل أمها " يمه إشلون تعرفتي على أبوي" راح ترد عليها و هي خانقتها العبره "برنامج محادثه يمه برنامج محادثه يمه " نصيحيتي لكم ديروا بالكم على عيالكم أولاد و بنات برامج الدردشه خطر كبير يدش بيوتنا و إحنا ما ندري يدمن عليه عيالنا و يخرب حياتهم قبل الزواج و بعد الزواج برامج المحادثه إدمان في إدمان حذروا عيالكم منه
سبحان الله دايما الشي المحرم شرعا مضاره لاتعد ولاتحصى وانا بخالفج الراي بشغله انا من وجهة نظري ان الي يكلم لو شماتسوي مايتزوجها بس الي ذكرتيهم شواذ القاعده .وكاهم ما استمرت العلاقه بينهم . ومستحيل زوج يرضى زوجته تدخل شات حتى لو تسليه لان عارف ان الي يدخل الشات اول مايدور هالسوالف والمصخره نفس ماهو يسوي . والله يستر على المسلمين والمسلمات ويهديهم ويبعدهم عن الحرام
اقسم بالله اللبنت اللي تخاف ربها ماينزل راسها اكبر راس والي تخاف من الناس اوطى راس ينزل راسها البنت مهما كانت بنت الرجال يشيل عيبة ويتزوج اطيب الحريم لو انة شنو تسلمين على الموضوع لو تشوفين شلون اكتب هههاي بيدي بيتزا واكتب بصبعي الصغير لقافة
الله يوفقج ويعطيج الف عااافيه على هالموضوووع الاكثر من روووعه صرااحه ابدعتيي وكلااااج عين العقل ... والله يستر على بناااات الحلاااال اجمعين وعلى شباااب المسلمين ياااارب ..
الله يوفقج ياعمري كلاااامج عين العقل .. والله يستر على عياااالنا يااارب العالمين التكنلوجيا اعوذ بالله منها سلااااح ذو حديم امااا نافع اوضااار ...
مهما كان البنت غقلها براسة وتعرف الصح من الخطاء واللي تبي الحرام تلق بكل مكان بس مااقول حسبيا الله ونعم الوكيل عبنااات الحرااام
كل الشكر لج على هذا الموضوع وهالظاهر أنتشرت هالفترة بشكل مو طبيعي وما من وراها إلا الخراب والدمار والفضايح الله يستر على بناتنا ويعقل شبابنا ..........
يعطيج العافيه على الموضوع ،،، لازم يكون في في رقابه من الاهل ويكون في نصح وارشاد وللاسف الحين محد فاضي لعياله بسبب هالشغلات
ردود سريعه أم جروح بالعكس ما تخالفيني الراي أنا معاج بالعاده الولد ما يتزوج البنت اللي يرقمها بلأسواق و الشات لكن حتى لو حصل يكون زواجهم فاشل لأن الشك دايما يكون موجود بين الأثنين دراريع العليا في بنات ما أدري إشلون يفكرون اول كانت البنت تخاف توقف عند باب البيت علشان سمعتها الحين ماكو حيا كلش و القصص اللي نسمعها عن البنات المغدور فيهم كثيره على طاري البيتزا أنا مخصصه يوم واحد بالإسبوع للبيتزا أما محلي صنع البيت او بيتزا هت لذيذه حدها مع البيبسي تاكلين عشر قطع و إنتي ما تدرين الشامخه التكنولوجيا على قولتج مصيبه تدخل العالم بمصايبه داخل بيوتنا و إحنا ما ندري يعني التلفون النقال المفروض إنه تلفون لكن التلفون الحين صار كاميرا و إنترنت و برامج محادثه و مسجل و راديو و فيديو يعرض و يحفظ أفلام يعني اللي عنده ميول للفساد لقه جهاز كامل من مجاميعه. لمسه شقاوه المسأله مو مسأله تدور الفساد مرات البنت ما تدور الفساد بس ما تدري إن طريج الشات في النهايه راح يوصل للفساد و الأخطر المتزوجات اللي يعتقدون أن الشات أحسن وسيله لتضييع الوقت و لطاح عليها ريلها تقوله هذا بس شات عذر أقبح من ذنب قطعه سكر نعم الظاهره منتشره و الآياء و الأمهات لازم يكون لهم دور في التوجيه و النصح لكن بعض الآباء و الأمهات ما يعرفون إن التلفونات فيها هذي البرامج أميره بكل ديره درهم وقايه خير من قنطار علاج لو كل وحده فينا تنبه خواتها و صاحباتها راح يكون عند الجميع و عي و إدراك لمخاطر الشات الفارسيه المشكله إنه مو ممنوع أنا أعتقد الجهل بمخاطر هذا الشي و سهوله الوصول له و متعه التحدث مع الناس خلته ينتشر
