السلام عليكم و رحمة الله وبركاته ،، بنات اكيييد اكييييييييد الكل تمر عليه مناسبه عشان تهدي ريلها فيه ( او من غير مناسبه ) ،، و أكيييد كل وحده تبي تهدي ريلها شي مميز ،، شي حلوو ،، شي يتفاجئ فيه ،، فشرايكم كل وحده تكتب لنا شنو اهدت ريلها و صج صجججج استانس ،، شي غير الهدايا التقليديه ( عطر ، شماغ ، ساعه ، بوك ،، الخ ) ،، انا لقيييت ان فكره ( شهاده التقدير ) وااااااايد وااااايد حلوووووه ،، و فكره ( اشعه لج و صوب القلب اسمه يكون محفور ) ،، و انتوا شنو فكرتوا فيه ؟؟
خووش موضوع عشان ناخذ افكار انا مره اهديت ريلي جلسه مساج بتايم سبا <<< وايد استانس ومره بذكرى زواجنا حجزتله بسبا ( الرجل وليله العمر) اسمها جذي .. مدتها 4 ساعات حق المعاريس بس انا عطيتها ريلي
عاد توقعت انج راح تشاركين =* حده فكره السبا عجيبه و سبا تايم لا يعلى عليه*.. انا مره حجزتله سبا ب ( ذا دي سبا ) حده ديكورهم عجيييب وقعدتهم حلوه بس حق الرياييل ومعاملتهم تينن بعد بس يا حظي من شهر ٦ حاجزتله لحد الحين ماراح يقول ماحب بروحي هههه
سمعت وحده ماخذه علبه حلوه صغيره وحاطه داخلها تذكرتين سفر حده استانس ريلها بس هذي يبيلها تضبطين عدل حق هالشي تتأكدين ان ماعنده التزامات بالدوام وغيره .. منها يستانس وانتي تستانسين بعد
حلووووه افكاركم وعجبتني فكره صوره الاشعه؛)<====بتسويهاااااا انا سووويت لزوجي مره جلسه مساج عندي بالبيت طرشت له مسج انه د. انا تخصص مساج ربحت عندها جلسه مساج وعطيته عنوان بيتنا ؛) وكنت مضبطه غرفه وفرش الاحمر والشموع واستاااانس حيييييل يعطيج العافيه حياتي علي هالموضوع الحلوووو
حلو الموضوع ياليت نستفيد انا مرة يوم العيد بعد ماجاء زوجي من الصلاة طفيت الليت وحطيت شموع وصندوق كبير فية ورود حمراء وداخلة نقال عيدية وبطاقة فيها كلام رومنسي صراحة زوجي انصدم دخل الصاله ولقاء البخور والشموع واعجبته طريقة الهدية
حلوووه افكركم مرررره اجنن امممم فكره الحمام المغربي عندش با البيت اتسويه بحمامكم الخاص والماي يكون دافي والبانيو معبا وتقدرون تحطون ورود الماي اللي تطلع اضاءه شى عجيب ترميها با البانيو والحمام حاطه فيه شموع وورود واغراض اللي ترده نظيف وبعد تقدرون تأخدون الرشاش الماي اللي يطلع اضاءه مرره يجنن ويصير حمام سونا ما عمره حلم فيه هههه واللي تجرب الفكره وتعجبها امانه تدعي ليي من قلبها والله يسعدكم بحياتكم يارب
حلوه أفكاركم أنا بعيد زواجنا الأول شريت له من سان لوران مجموعه أخترتها أنا كان عطر و لوشن و عطر ثاني على عود من عندهم شتوي و حطيتهم في بوكس راقي و كانت الحشوه لونها أحمر و و البوكس أسود و سويت عند الأخت الغالية وردة الكويت فوطه كبيره ووحده وسط بأسمه و هي ما قصرت ضبطته لي بشكل حلو لافتهم الله يعطيها العافيه حطيتهم على طرف السرير و يمهم أشموع و طاوله عليها كيكه اصغيرونه على قدنا و كاسين عصير و علقت على طرف الكاس فراوله....:wink_smile:
افكاركم حلوووووووووووه انا يوم الملكة اهديته عطر هوم من سان لوران ريحته رهييييييبه وطقم سبحه مع كبك وقلم وساعة يوم الزواج مدري وش اهديه شورو عليه اذا ماعليكم امر
بوك بربري كنا مسافرين شريت قطعه خامة وعطر وزينتهم عدل ببوكس وشومع مائية وحطيتهم على الكومدينة بس روووعه
حده افكاركم حلوووه والله يوفقكم ويعطيكم ع قد نياتكم .. بالنسبه للمساج اللي في البيت هم تقدرين تغيرين اسمج بتلفونه وتحطين خدمه المساج والراحه حده راح يستغرب ويستانس
هم فكره ان تشترون هديه تكون بعلبه صغيره ومغلفتها تغليف عادي وتودونها عند الخباز أو اي محل يسوي كيك ويحطلج الهديه داخل الكيكه
فكره حلوه ان تشترين بوكيه ورد وتخلينهم يوصلونه لي دوامه واذا تبين تاخذين معاه علبه حلو او ككاو يوصلونه مع البوكيه
انا عطيته لابتوب كان بخاطره بس كان ينطر المعاش فقمت شريته وحطيته بسيارته والصبح وهو رايح الدوام بشغل سيارته جان ينصدم *
والله فكرتك روووووووووووووووعة ان شاء الله اعملها بس يارب الحق انا ناويه اعزمة في فرايديز لانه حيييييييييييييييييييل يحب اكلهم
ربي يتمم عليكم وايد هدايا عطيتها زوجي وبالمقابل هو وايد فاجاني بهدايا ماتوقعتها بس يمكن اخر هديه هي اللي واااااااايد عجبته كان مسباح كهرب ونازل من الكركوشه سلاسل ذهب فيها قطعه مدوره منقوش عليها اسم عائلة زوجي وايد فرح فيها وعجبته
