قوه خواتي إشلونكم :angel_smile: شوفوا بنات كل وحده تعاني من مشاكل بحياتها الزوجيه هاذا شي لازم يكون موجود طبيعة الحياة جذي ومشكلتنا إحنا البنات تفكيرنا إبقلبنا مو مثل الريال تفكيره بعقله يعني مثلا لما تتهاوشين مع زوجج إهوا يطلع ينسى كل شي وانتي قعدتي ولا طلعتي تفكرين فيه..ماتسألين نفسج ليش؟؟ لان يدور راحت البال :smile: إنتي شنو راح تسوين علشان راحت باالج ((عاملي زوجج مثل ما يعاملج )) من غير التقصير بالواجبات الزوجيه مثلا زوجج مايسولف لا تسولفين مايعبر لا تعبرين مايحب يطلع معاج لا تطلعين معاه والله يابنات اذا سويتي هالشي اهوا راح يقول ابنفسه زوجتي مثلي توأم روحي لان راح يشوف نفسه فيج ويابناات دياما ابتسمي في وي زوجج ..مرتين بالاسبوع لا تبتسمين بس الاكثر ابتسمي علشان لا تكونين الزوجه النكديه عن تجربه انقلكم الكلام وكل وحده تجرب مبدأ يديد ((زوجي مو كل حياتي)) ناطره تجاربكم :wink_smile:
اهوا لابدمن المشاكل الزوجية انا صح ماااراح اقصر بحقوقة بس بعد ماااطنشة مثل مو مطنشي اذا ماااسولف ماااسولف لااا اسولف احسسة بوجودي هو بعدين مااراح يهتم بعدين خلااص بصير الايااام كلها جذية انا عن نفسي اذا كان هو غلطان بغلط بسيط انا اروح اراضية علشان ماايبتعد عني ويتعلق فيني اما اذا كان غلطته شوي كبيرة مثل هوشة كبيرة اهو الي يجي يراضيني ههههههههههه استانس مرات ابي اسوي نفسي ماابي ارضى بسرعة بس اول ماايجي يكلمني اضحك هههههههه شنو اسوي
يا بختج والله عالاقل ايي يراضيج انا ساعات اكون مضاايقه ما يسالني اشفيج فا شسوي اطنش مثل ما اهوا مايهتملي ما اهتمله خلاص اشيله من بالي بدون ما اقصر ابشي
والله الي الله هاديه ماتتعبين تدورين الطريقه الي تعيشين فيها معاه بسلام ههههههه وشنو ماسويتي دم الله موهاديه مونافع اهم شي اعيالج واحتسبي الاجر
انا معاج بكل شي بس الرجال يبيلة وحدة فاهمة ومثقفة وشاطرة وذكية اهني بتكسرين الرجال اما مسالة كل يوم مبتسمة او زعلانة او او حلات كل يوم لج شخصية مرا عادي ومرا تضحكين ومرا تخبلين يعين لايعرف شنو شخصيتج مرا لج خلق مرا مالج خلق تبين الصراحة حلات شوي زعل ونكد وهواش احسها ملح الحياة مو حلو كل يوم مشتانسة بتضحكون علي ادري بس اذا مر 3 ايام مو متهاوشة لازم اتهاوش
يعطيج العافيه ياقلبي انتي مثلي تماما اسوي مثل مايسوي مثل مايطنش اطنش ليش\ اتعب راسي معاااه واهوه مرتااح حضرته اعامله مثل مايعاملني واشكرج على كلاامج الصريح
يسلمو على الموضوع ،،، بلعكس انا اخالفج بالراي احاول اني اغير تصرفاتي لين اجيب راسه واخليه يعاملني احسن معامله ليش ذكرت هذي الايه بالقران (ان لكيدهن لعظيم ) الا عشان جذيه الوحده لازم تستخدم كيدها للرجال بما يرضي الله
الفكره مو جذي ولا هذي الطريقه الصحيحه خوووش والله يطنشني اطنشه عيل ليش كتزوجين وعايشين ببيت واحد بس عشان انييب عيال ؟؟ بس لا تداحرينه و كل همج اهو اشسوى ووين راح وتنبش باغراضه وريلي وريلي بس لا تنكدين عليه عيل رياييلكم ليش معابدين بالقهاوي والدواووين وهادين بيوتهم لانهم مالهم خلق حنتكم لمن يكون بالبيت يبي يرتاح .. يعني شوفي شنو اللي يريحه وسويه ماله خلق يتكلم لا تحنين عليه سولفي معاه باشياء بعيده عن المشاكل .. عيالك تعبوني وعيالك سوو والخدامه وامك وخواتك .. خلي سوالفج حلوه بعيده عن المشاكل والدموووع هذي ابتعدووو عنها مو يقصون عليكم يقولون لكم تذوب الريال الدموع لا يبا اول مره ممكن بس بعدين بيقولج انتي كله تبجين وما اقدر اتكلم معاج وبيقول عنج نكديه الحين لمن يكون طالع برا البيت .. مو كل ساعه داقه عليه .. خليه براحته وانتي اشغلي نفسج بهوايه تنمين عقلج فيها او كتاب تثقفين نفسج .. مو يدق عليج يقولج اشقاعده تسوين تقولين مجابله التلفزيون ... اذا انشغلتي عنه و اهو برا البيت راح تشوفين انه اهو اللي يدق ويسأل عنج ترا الرياييل مايحبون المره الضعيفه عديمه الشخصيه الا يكون او ضعيف ومايبيها تستقوى عليه بالعكس يحبون اللي لها شخصيتها .. وهني ما اقصد المره المسترجله اللي تمشي ريلها لا اقصد اللي يكون لها كيانها تعرف تحاور الريال وتجادله وتعرف متى تسكت ولها شخصيتها بهواتيتها الخاصه مثقفه تقرا وتتعلم و تبتكر نصيحه اخيره : اذا فيج طبع مو زين احد قايلج انه هالطبع مو زين فيج او انتي ملاحظه .. حاولي تغيرينه وبالتعود بتتغيرين .. غيري من نفسج عشان ريلج يتغير
والله انا صرت اطبق هالمبدا يعني زمان لما يكون على الصامت اساله اشفيك ليش ماتكلم معي ليش ماتضحك معي ومرات لما يعصب علي كنت ابكي على طول واجلس افكر ليش يعاملني كذا وكنت اتحسس كثير لان ماكان عندي اطفال فتوقعت انه هذا السبب مخليه مو طايقني وكنت ليال كثيرة انام ودموعي على خدي من تجاهله لمشاعري لحد مرت سنوات على زواجنا وهو نفس الوضع فكنت اهتم به زيادة لانه عمله بعيد فكان يجي خميس وجمعة بس وانا اش استقبال واش اهتمام واش كلام حلو كل هذا عشان اسمع منه كلمة حلوة وماسمعت حتى اليومين اللي يكون عندي نوم بالنهار وسهر بالليل مع اصحابه طبعا فبعد عشر سنين زواج مليت وتغيرت صرت لااستقبال ولاكلام حلو وصرت على السايلنت بس الغريب صار هو اللي يسالني ويسولف لي لاني وجهت اهتمامي لنفسي واولادي فلا تخلين زوجك كل اهتمامك ......
كلامج وايد حلو وباين انج فاهمه وواعيه ربي يحفظج وطبعا زوجي مو كل حياتي ولانصها...هو يمثل قطعه منها فقط
