بنات شلونكم ... بنات عندي بنت الحين عمرها سنة وشهرين كل ما اطلع ناس اطالعة ياحلاتة جميلة ياربي وامس كنت بسوق وحدة قاعدة تقول حق ثانية عن بنتي اشكره اسمعة تقول انا كنت احلى منها ولا تقول شعري كان نفس لون شعرها بس هي فلفل شوي وعيونة افتح منها وكنت صغيرة جذي مثل اشكره محترة من بنتي احس لانه حلوة والله ما امدح وفلبيينية تبيع بسوق تقول بنتج تسولف وااايد زين جذي والله قمت اخاف على بنتي من العين يصير فيها شي كافي تفز من نوم كل شوي ولاتبجي .. بنتي 2 عمرها شهرين الحين مرة كنت بسوق وحدة شالت الكبوس منها وهي بالعربانة وتقول حلوة ومرة كنت بسوي حليب اروح سيارة وخليت العربانة عند اختي تقول اي صبي صغير باس بنتي وراح ومرة هم كنت بسوق الياهل تيمعو عليها ام الكبيرة الكل يلعب معاها ولاحدة يت لي كنت بسوبر ماركت تقول بنتج هذا وااايد حلوة الله يخليه لج مثل بنتي ... شي حلو ان الواحد يمدح بس هم يخاف من العين بروح مالي خلق يصير شي..
اليهال الصغار حلوين والكل يحب يبوسهم ويلعب معاهم والله من جم يوم انا انطر الطلب يخلص بالمطعم وبنتي وولدي الصغير داخل المطعم جان يقوم واحد من الشباب وياخذ ولدي ويصوره بدون مايستأذن..... ذكري على بنتج اسم الله ومافي الا العافيه
المشكلة على اقل شي يلاحظون حركاته شلون تتكلم .. حتى وحده لم يت بنفاسي تقول حطي شبه حق بناتج حتى اسمي انا حطي ... انشالله الله يسمع منج .. قطعية حتى الخدم يلاحظون كل شي وحدة من الخدم تقول بنتج تتكلم وهي سنة .. يسلمووووووووووووووووووووو المروج....
هلا اختي . . . ارقيها حزة المغرب وقبل ما تطلعين من البيت . . . وترى شي علمي ومعروف ان البنت تتكلم بطلاقة بسن صغيرة قبل الولد بمراحل . . . لا تحاااتين . . .
كل واحد يقولك شى عن بنتك كبرى بوجهه الله اكبر الله واكبر وماكو الا العافيه عسى الله يخليها لك وتبلغين فيها وتشوفينها عروس
الله يحفظهم لج حصنيهم بدعاء الرسول صلى الله عليه وسلم ( أعيذكم بكلمات الله التامه من كل شيطان وهامه ومن كل عين لامه
انا بنتي عادية بس كلامها شيء غريب عمرها 3 كلامها ماشاء الله تقولين حرمة كل شيء تلاحظه سبحان الله االبنات كذا بطلاقه يتكلمون اوردي على بنتك والله خير حافظ عندي ولد بسم الله عليه جميل وماأوديه لأي مكان أخاف عليه كل من يشوفه يعجبه وبوسات وسواليف عمره سنة وشهر كل يقول هذا اوروبي والحمدلله اقرا عليه على طول لاتخافين والله يحميهم ويخليهم لك ولنا آآآآآآآمين
الله يحفظهم لج انا نفس الحاله مع بناتي ومعاي بعد محد يصدق انهم بناتي واني متزوجه والله العين ماترجم شسوت فيني انا وبناتي قمت ارقيهم واخفف طلعاتي ومرات اقول اني اختهم شسوي
اقري عليها قبل كل طلعه و قبل النوم و ترا دايم تصير هالمواقف بالاماكن العامه أنا جذي لما أطلع يلعبون مع بنتي الناس و اهي بالعربانه و اللي يشتغلون بالمحلات يستانسون عليهعا لما أدش المحل أتسوق و يبوسونها و يلعبونها استمري على الرقيه على طول و لا توسوسين الله يحفظها لج
لج حق تخافين على بنتج بس مافيه الا انج تعوذينها لان الرسول عليه الصلاة والسلام كان يعوذ الحسن والحسين بـــ اعذيك بكلمات الله التامة من كل شيطان وهامة ومن كل عين لامة واستودعيها الله وهو خير الحافظين
حبيبتي اقري المعوذات على بناتج انا نفس حالتج الكل حاط عينه على عيالي وحتى الخدم اذا قالو شي اقولهم قولي ماشاء الله ولااااااااااااااااازم تقرين المعوذات عليهم وبنتج لاتخلينها تسولف جدام الناس والله مو زين حاولي تمسكينها تلهينها ترا الناس ماتعطي خير والله
اختي كل ماطلعتي او بيجيك احد استودعيهم الله واقري المعوذات عليهم والمحصنات الشرعيه وان شاء الله مالهم شر هذي بنوتي عصبية وتبكي لان تصرفاتها اكبر من عمرها ومعودتها قبل ماتطلع والابيجينا احد على الادعيه وقرأة المعوذات والادعية المحصنه كما اخبرنا بها سيد الخلق محمد صلى الله عليه وسلم الله يحفظ لنا ما عطنا ويرزقنا برهم
