السلام عليكم خواتي اشحالكم ان شالله بخير بدخل في الموظوع على طول امس كنت طالعة انا وزوجي نتعشى برى المهم قاعدين وايد مبسوطين المشكله انه جاه مسج ع موبيله مكتوب ( فدييييييييت هالويه ) المهم هو رواني المسج عند باله حرمته ثانية المهم بعد مانتبه للرقم عارف ان المسج من مجهول على قولته مايعرف منوا راعي رقم طبعا انا وايد ضايقت وتحسست واااااااااااايد من المسج وكانوا بنتين يالسين مقابلنا فاطلبت منه يعطيني رقم ورفض قالي يمكن زوجته ثانية هي الي مسوية فيه هالمقلب لانه متزعل معاها ومايرد ع تليفونتها عقب شوي جاه مسج ثاني من نفس رقم مكتوب ( شو بلاك بيبي ) انا هني خلاص كنت بنجن وبالاخص يوم عرفت ان فيه وحدة دوم تركض وراه المشكلة انه يحلف لي انه مايعرف رقم ومايبا يعطيني اياه عشان مااسوي مشاكل المهم ردينا البيت وكبرت السالفة وطلع نام بالغرفة ثانية وصبح راح الدوام واتصل بي وتميت اقوله انه واحد مايستهل واكيد انه هو الي موزع رقمه ويحلف لي الله وانه مايبي يتصل ويعرف منوا عشان مايبا يعطي الموظوع اهمية وحلفته براس عيالي اذا يعرف قال مايعرفه وعصب علي وسكر الخط بوجهي وجا ع البيت جمع اغراضه وراح ع البر وبيرد يوم السبت والحين انا معاي رقم اخدته من عنده شو تنصحوني اتصل واعرف منوا هي واذا كلمتها شو اقولها ابغي اوصل لها بأي طريقة عشان اعرفها منوا هي وع فكرة هو حلف الله انه ماراح يتصل ع رقم دخيلكم خواتي ساعدوني
حبيبتي دامه حلف ليش تفتحين على نفس باب ما يتسكر والله في حريم يبتلون الواحد بعمره طوفي هالمرة وسامحيه بس ديري بالج عليه المشاكل الوايد تبعد اقرب حبيبين الله يخليكم لبعض
حبيبتي دامه حلف ان مايعرف وان مايبي يتصل يعرف منو عشان خاطرج خلاص طوفيها هالمره لا تخلين الريال ينحاش انا حاسه فيج والله بس حاولي تضبطين مشاعرج واعصابج وانا اشوف ان بعد ماتفتحين هالموضوع وبنفس الوقت ماتكونين غافله اذا وصلت مسجات ثانيه
قووووووه حبيبتي القلب اللي ان شاء الله مو مهجور هههههه حبيبتي شوفي نصيحه اخت طنشي الموضوع وشيلي الفكره من بالج نهائيا ولا تفكرين فيها ولا تبينيله زعلج وحاولي تقربين لروح ريلج ولا يوسوس براسج الشيطان وعيشي حياتج لي شافج شايله الفكره من راسج راح تزيد غلاتج عنده والله يسعدكم ويبعد عنكم كل مكروه وتقبلي مروري
مشكورين خواتي ع مروركم والله القهر ذابحني اخاف ترد طرش له مسج وعقب يتصل فيها وتصير امبينهم علاقة وانا وااااااااايد شاكة ان صاحبة رقم مغربية ع فكرة انا ماشفت على زوجي ولا شي بس الي سمعت ان في بنتين يلحقونه وحدة مغربية وثانية سورية ساعدوني خواتي كيف اتصرف معاه وشو ردة الفعل لآنه هو الحين زعلان مني لاني قلت له خاين وطلع ع البر ولا فكر يتصل فيني ولا حتى بمسج يسأل عني وعن العيال شو تنصحوني اكتب له مسج
البنات ماقصروا بس بخصوص المسج دزي له مسج تراضينه وتاسفي منه وقولي له غصبن عني اخاف عليك من هالسوالف حجي حلو واذا كلمتيه راضيه ولاتفتحين الموضوع نهائي والله يبعد عنكم كل شر
عشان ترتاحين اتصلي وقولي من داق على الرقم الفلاني وشوفي شنو الكلام واذا قالت انا غلطانه قوليلها انتي طرشتي مسجين وغلطانه على العموم لاتتصلين لان البنات مهما قالولج طنشي الموضوع ادري ماراح تشيلينه من بالج ولا راح ترتاحين الا لمه تتصلين
هلااا اختي الله يبعد عنكم بنات الحريم ويهيكم وعسى زوجج مايشوف غيرج قولي آميييييين؟ نصييييييييحه شيلي الموضوووع من بالج بما انه وراج المسج ثقي تماما ماعنده خرابيط ودقي عليه او طرشيله مسج وفيه كلاام حلو عشان يرتاح ثقي تماما انه يفكر فيج ؟؟؟؟؟ وطمنينا عليج الله يسعدج ويسعدنا؟يااااااارب
يابنت الحلال تعوذي من ابليس ليش تنبهينه على اشياء يمكن يكون غافل عنها؟وبعدين الريال حلف لج يعني شنو تبين اكثر؟ وعلى قولتج في بنات يركضون وراه يعني حلوه تهدينه لهم؟ يالله روحي اتصلي على الريال وراضيه بلاخرابيط ربي لايحرمكم من بعض
