من الافضل أن أكون ؟

الانسان عباره عن تصرفات و أسلوب

فاذا كان الانسان مهذب و خلوق

رزين في تصرفاته

مأدب في كلامه مع الناس


ما يتكلم بأي كلمه و يوزن الكلمه قبل ما تطلع من السانه

يحترم الغير و ينزل الناس منازلهم

فهذا راح يحصد ثمرة اسلوبه و احترامه للناس خير حصاد

و الحصاد هو انهم راح يبادلونه الاحترام و الحب

و راح يكون له عندهم كل تقدير واجلال


لكن



اذا كان ملقوف ما يثمن الكلمه

أو نفسه ثقيله و يتكلم من طرف خشمه

أو اسلوبه مو راقي مع الناس

يعني شايف نفسه و كأنه وزير أو امير

تتوقعون شنو يكون انطباع الناس عنه


شنو الصوره اللي يرسمها الناس له

مرات نمر مرور الكرام على أشخاص و بدون مانكلمهم يرسمون صور لنا لأن بمجرد المرورو النظرات الانسان يقدر يأخذ انطباع عنك


اللي أبي أوصله هو

ان الانسان بأسلوبه و تصرفاته اللي ما تكلفه شي

ولا تنقص من قدره


ممكن يكون أحب انسان على الناس

و يكون مصدر فرح لهم لما يشوفونه

و ممكن يكون هذا الشخص الكريه اللي ما يلقى بقلوب الناس له ذرة معزه او احترام

و راح يلاحظ ناس صادقين و ما يجاملون يعاملونه بنفس أسلوبه لأنه يستحق هذا الأسلوب و المعامله


قال الرسول صلى الله عليه و سلم " الدين المعامله "

والاسلوب المحترم ما يكلفك شي ولا ينقص من خزائنك العامره بالكرامه و الكبرياء والعزه


والأسلوب الغير محترم و اللي راح كيلفك خسارة الناس راح يعمر خزائنك بالغرور و الكبر و العنجهيه المفرطه اللي ما تليق بالملوك فشلون تليق لانسان ما يسوى شي و هو مجرد انسان بسيط


الانسان يقدر يحبب الناس فيه و يقدر يكره الناس فيه

يقدر يمكلك قلوب البشر

و يقدر يملك تراب الأرض اللي يملا وجهه


وانتو اشرايكم؟؟؟؟؟​

معاج بكل كلمة حبيبتي

بس الافضل تحطينه بقسم ثاني مختص بمثل موضوعج

قسم القضايا الاجتماعية والنفسية مثلا

ولج كل الشكر

ولج مني كل الاحترام والتقدير على ردج

يمكن تكونين صاجه احطه في مكان ثاني

بس انا اشوف اني احتاج مساعده بالرد

هل الافضل اكون ملقوفه واحذف حجي يسو وما يسوى
من غير اهتمام بمشاعر الغير

هل هذا هو الاسلوب الملائم للتعايش مع الناس؟؟

ومشكوره مره ثانيه على الرد اختي تولي

شوفي حبي ,,,,

لالانسان يعامل الناس على حسب اخلاقة وتربيته ,,,

يعني انا ماعامل الناس الابمثل مااحب يعاملون

وحبيت انبه على شغلة :

الانسان اللي مايحترم نفسة بالتعامل معاي ما انزل نفسي لمستواه بالعكس ارد عليه باسلوب اخليه ينقد على نفسه ولاتقولوين اعامل الناس بلقافه عشان هذا اللي يمشي مع الناس لألألأ

لان تعاملج مع الناس نابع من دينج واخلاقج ليش تاخذين ذنوب وتكرهين الناس فيج

وتذكري دائما 00 ولوكنت فضا غليظ القلب لإنفضوا من حولك ,,,,,,, هذا كلام رب العباد اللي يحدد فيه معاملة رسوله مع الغير وهو قدوتنا يالغلا

اختي عاملي الناس بالاحسن نصيحة لو انها شنو والله بتلاقينها بدنيتج قبل ااخرتج وكافي تحسسينها انها ناقصة عقل والله الكل يشهد علا اسلوبي وغصب عنها يجترموني وربي الكبير قبل الصغير مااحب الملقوفة والخفيفة

صح السانك وهذا العشم فيكم يا بنات الكويت هذي الاخلاق الراقيه اللي تربينا عليها
مشكوووووووووووووووره كل الشكر لج يا تولي

وملاحظه هذا الموضوع للافاده واتمنى كل البنات يستفيدون ويقرون ردج يا تولي
ويطبقونه:teeth_smile:

وانا بعد يا دراريع عليا ما احب الملقوفه وان شاء الله لا انا ولا اي وحده من بناتنا تكون جذي
شكرا يا عسل على الرد العسل:wink_smile:

عامل الناس كما تحب ان يعاملوك

يا حياتي والله,,,,,,,

العفو واحنا بحاجة لمثل هذا المواضيع المفيدة :wink_smile:

اكييييد هذا مثلنا في الحياة بس مشكلة ان الانسان يواجه ناس تفتقر الى الاخلاق ناس عايشه انهم لهم الاحقيه في كل شي وان رائيهم هو الصح وكان عندهم حكم او ملك على الخلق اعوذ بالله من الكبر والظلم والقهر
ويسلموا على الموضوع

شكرا لمرورك عزيزتي واسعدتني حكمتك:wink_smile:

اسعدني مرورك العطر ومن قال سالم:smile: