السلاااام عليكم شخباااركم خواتي؟؟؟ امس دقت علي رفيجتي وخانقتها العبره حسيتها حييييل متضااايقه وقالتي ابيج اول مادشين منتدي سيدات الكويت تعرضين مشكلتي اتني وخواتي بيدكم الحل بعد ربي سبحااانه ... تقول متزوجه صارلها 7 سنوات وزوجها طيب وحبيب ويخاااف الله وملتزم ويصلي وماعمرها خانها ودايما يسولف عن الزوج الي يخوون زوجته انه مايجووز ... المهم تقول قبل لايسافر بيوم فتحت تليفون وشافت رساله ارسلها باسم ابوو فلاااااااااااااااانه ؟؟؟ كاتب فيها صبااح الخير اذا كنتي شابكه دشي بنكي واذا بدت البطووله انسحبي وبس ...... رفيجتي حياتي حيل متضااايقه وصااكه فيها الدنيا والله عشرة 7 سنين موشويه شصااار فيهم الرياجيل الله يهديهم...... وماتبي تفاتح زوجها الانه مايحب احد يفتش نقاااله وهو من يوم الاربعاء مساافر وخذت الرقم ودقت طلعت بنت وقالتها رفيجتي اسفه غلطانه وصكرته انصدمت رفيجتي وتاكدت انه زوجها يخوونها..... قلت لها ابشري من عيوني اعرض مشكلتج وصدقيني خواتج في بيتج الثاني ماراح بقصروون وانشالله تنحل مشكلج من غير طلااااق وعوار اس ومشاااكل بين الاهل ........ بنات الله يوفقكم هي تبي فزعتكم وتبي اتشووف ردودكم الي عندها الحل السليم لاتقصر معااها ... ايد وحده ماتصفق يعني انا بروحي ماقدر اسااعدها اما اذا حطيتوا ايدي بايكم بنلقي الحل السريع لها انطر ردودكم الحكيمه
قوليليها الله يعينج بمصيبتج كلللللللللللللللللللللنا مرينا بهالمرحله الصعبه كل الريااااااجيل خونه لاتوقولين في رجال مايخون والبنات هالايام مصيبه صابتهم مايبون الا المتزوج يبنون معاه علاقه بس اكبر غلطه سوتها انها فتشت تلفونه الحل الوحيد انه تحط لسانها داخا حلجها وتسكت والا راح تخسر زوجها وتخسر الحب اللي بينهم وماااااااااااااااارد الكلب للقصاب حشاكم مارده لها هذه نزوه تصير مع كل المتزوجين اما بداية الزاج او بالنص او بالاخير الله يعينها ويصبرها على مابلاها ويخفف لنار اللي بقلبها حاسه فيها بعد قلبي نصيحه لااااااااااااااااااااتسوي اي شي
واااااااااااي الله يكون بعونهاا الله يصبرهاا انا نصيحتي لها ان ادق على البنت من خط 2 مو خطهااا وتكلمها وتقولها انا مرت فلان شنو الي بينج وبينه وتخوفهااا شوي وتهددهااا او تقدر تقوله انا احسك متغير شفيك تحاول تلمحله وانشالله بحس وانشالله خير الله يكون بعونهاا والله
الله يفك عوقها ان شاءالله .. بس لاتهدم بيتها واكبر غلط المره تفتش من وره ريلها التنبيش ماوراه غير الصدمات لاتخسر بيته مرده بيرجع لها وهذي نزوه ...
الله يعينها وأنا رايي من راي البنات لأن لو بتقوله ماراحتلقى حل بتنقلب السالفة على راسها بقول ليش تنبشين تلفوني إذا شافت علية تغيير تكلمة والله مردة لها وعفية علمينا عن الأخبار
صحييييييييييييييح اللي تدور من ورا الرجاااااااااااااال خسرانه مليووون مره سواء لقت شي او مالقت وانا انصح رفييجتج انها تلمح لزوجها بأنها حاسه بجفا منه عشان يحاول يقرب لها اكثر ويبتعد عن البنت اللي ماتخاف ربها ولا تصااارح زوجها بأنها فتشت بتلفووونه ابدا وتحاول تشغله بشي يونسه طوول الوقت عشان مايرجع للي كان فيه والله يصبر قلبها ويهديهم يارب
الله يعينا ويعينها على هالرياجيل من راااااااااااي ما تفتح بالموضووووووووع معاها يمكن تكبر السالفه ويقلبها ضدها وترى راااااااااح يسوي كل شي يقول هي داريه داريه والله معاها
الله يكووون بعوونهاا ولا يفرق بينهم .. نصيحتي لهااا تقول له احسك متغير واحساسي مايخيب ابد ومن هالسوالف ولا تجيب طاري المسج ولا شي بس ع الطالعه والنازله تقوله جذي وتحسسه انهاا تحس فيه وحااسه بشي وغير هذا تقوله اذا درت او حست انهاا يخونها رااح يتبدل حبه ويقل وتنهز ثقتهاا فيه واللي ينكسر مستحيل يتصلح وتخلي هالكلاام على طووول يرن بأذنه وهم تقوله لاتخليني مغفله واخر من يعلم اذا عندك شي قوله لي قبل ادري اناا بعدهاا ماراح اساامحك يعني من هالحجي بس لاتجيب طاري الرسااله ولا انهاا خذت الرقم بس تبين له انهاا حااسه بشي غلط فيه .. والله يهديه لهاا وزهذي نزوه وتعدي بإذن الله ..
أنا بنظري انج تواجهين زوجج،ولا أعتقد ان المشكله انج شفتي تلفونه (اعتبريها صدف الله يبي يفضح شىء انتي امنتي فيه ولا متوقعته لأنج معطيته الأمان)فانتي لا تعتبرين اكتشافج للموضوع هوالمشكله ،الحين المشكله أكبر من جدي وحاولي تفتحين معاه الموضوع بأي طريقه وتواجهينه لأن صعب ادا معطه شخص الأمان ويغدر فيج (الخيانه) ومو أي شخص ،حبيبتي خليج قويه وفهمي الموضوع يمكن المسج دازه أحد من جهازه،وادا هالشيء صاير هم لوميه ولا تسمحين للموضوع انه يتكرر ،ووجهيله سؤال ادا انتي سمحتي لصديقه لج ترسل مسج لرفيجها هل هو بيقبل بالوضع وادا اهو اكتشف انج تخونينه شنو بيتصرف؟؟؟؟ فهمي الموضوع منه عدل وحاولي تاخدين موقف حازم منه ولا تتنازلين عن الموضوع وفهميه انج فقدتي أغلى وأعز شيء علشان تستمر الحياة الزوجيه وهو الثقه الي ولدت بعدها فقد الأمان والخوف . أما بالنسبه للرقم انا اعتقد ماله داعي انج تتصلين فيها أو تكلمينها ولا تنزلين نفسج لانسانه بهالمستوى ولا تضيعين أصلا وقتج معاها ولا لج علاقه فيها لأن زوجج هو المسئول فعشا جدي أقولج واجهي (طمنيني عليج واتمنى اني فدتج بردي ولا أكون ضايقتج فيه)
شامخة المسالة فيها خيانة ومذلة لج انة يتغافلج انا حطيت نفسي بموقفها خل يرد والله مااسلم علية ولا اكلمة الا اذا دق علي وبنفس خايسة ارد واذا شرف بس بنظرة اعرفة بمستواة لاسلام ولاغيرة حالة من حال القنفة شفيج مافيج عسى ماشر فيج شي اقولة الشر الشر قدامي بكبرة حسبتك رجال وشادة فيك الضهر ورجلي ورجلي وحاطتك على راسي 7 سنين متحملتك على الحلوة والمرة واخر شي تخوني روح روح لهم حبيبتك تنطرك اشبك وشبعها كلام ترى الحين بحاجتك شبعها بالكلام الحلو ترى انا غسلت ايدي منك يابو عيالي انا ماعاد فيني ثقة فيك والله لو تحب رجلي مالك قيمة بقلبي طحت من عيني واذا ماشبعتك وحدة بدالها 1000 وحدة خل تبينلة جايها مسج منها انها رجلها يخونها وورية الرقم بس المسج انها مسحتة وخزنت الرقم ودقت فعلا مرا والله لخلية يمشي ويكلم نفسة لااجننة قبل لايجنني اما اسكتي لاوالله لاتسكت اورية قيمتة ومستواة الواطي ومستوى الي يكلمونة انها تبي الشر لكم وتبي تخرب بيتكم فهمتي قصدي لاتسكت لة احسن شي عشان مايقول انها تفتش او او او تسوي الحركة الله يعينها وطمنينا عليها عفية بس نصيحة اخذي كذا راي وقوليلها وشوفي شنو الي بيقنعها لاتاخذين راي واحد عن نفسي اسويها مااوصلها لطلاق ولا لفضايح ترى كل رجال يخوووون مرتة كلهم يكلمون بس تبينلة ان الله حق يبي يفضحة وينزل من قيمتة بعين مرتة ولاترضى بسرعة وشوفي شلون بيسويلها قيمة ويذل نفسة عشان ترضى علية خل طول بزعلها علية وتقولة دام انا مقصرة بحقك استاهل بس انا لاني مقصرة بحقك حبيتك حب يافلان مايشهد علية الا ربي تخوني ومع من وحدة ماتسوى مواطي رجولي الله لايوفقك ولايوفقها حسبت نفسي كل شي بحياتك بس بدلنتي مع وحدة غيري اشوف بيتي ينهدم قدامي وراح اسكت لانك ابو عيالي والواحد يسوي لاصلة وطيبة كرامتي ماتنزلني احد يجيب سيرتك بهالشي ماني مستعدة اضحك الناس علي وعليك يافلان العشرة ماتهون علي مثل ماهانت عليك الحين عرفت مكاني حسبت نفسي كل شي بحياتك قالولي مافي رجال مايخون اقولهم الا رجلي مايخون وفعلا كلكم سوا والحين اقولك ان مافي رجال يخون حسافة عليك الله يسامحك وتصد وتبكي لاني بكيت الله يساعدها
لاحول والاقوة الابالله انا مثلك ولا اعرف اسوي شئ لكن كثرة من الصلاة ودعاء وانشاء الله يفرجها والله يسامحهم الرياليل سوى متدين وامام وكلهم واحد مثل بعض
شامخة واااااااضح جدا من المسج انه مشارك بلعبةبالانترنت و اهي معاه او من فريقه بعدين ما قال حبيبتي وعمري عشان جذي ما اعتقد ان في الموضوع خيانة مثل ما هي متصورة اهو صج شي يقهر لان صارت فيني بالضبط و المضحك المبكي حاطها باسم حطاب واجهته و قالي والله عشان اللعبة قلتله ياسلاااام امس لعبة و اليوم تليفون و باجر الله اعلم شيصير الشيطان ماراح يقولك سو الفاحشة بسرعة الشيطان له خطوات و قالي حطيتهاباسم ريال عشان ما تتضايقين قلتله انت ترضا احط اسم استاذي بالجامعة باسم بنية عشان ماتدري انه ريال واهو استاذي ماراح يكون بينا الا كلام رسمي ترضاها و لا بتشك فيني وتم ساااااااااكت بعدها بفتره هد الكمبيوتر واللعب و هالسوالف كلها و الحمد لله بفضل دعائي وكنت حيل ادعي ربي وعموما الرياييل بسرعة يملون تلاقينها فترة و تعدي باذن الله بس عليها بالدعاااااااااااااااء
اعوذبالله صج مايملى عينهم إلا تررررااااب هالرياجيل! حشاااكم. انا اقول لاتجيب طااري الرساله وانتي وياها اتفقو انج ادقين على رفيجتج حزت زوجها عندها عاد مو بالليل وسوي انج دريتي زوجج يخوونج الله لايقول ومنهاره وانتي تكلمينها طبعا اهي بالتفرقع وتحاول تهديج بس جذي جدام زوجها عشان يعرف ردت فعلها ولاسكرتي اهي يبدي دورها تناقش سالفتج مع زوجها لان ميه بالميه بيسأل اشفيها رفيجتج صوتجج عالي وانتي تكلمينها طبعا الخطه تتفقون مع بعض عليها واهي وشطارتها عاد تقول اللي بخااطرها كله من سالفتج اللي اهي سالفتها واهو راح يحس ان اذا درت ان يخونها عاد اهو رجال طيب واخلاق شلون يسوي جذي الله يستر منكم يالرياجيل مالكم امان والله احس بعدين زوجها بينصقع . وان شاء الله يتووب لربه وخليها تذكره ان في رب يشووف ماتسوى عليه الله ياخذ روحه واهو بمعصيه طمنينا عليها بعدين ان شاء الله نسمع خبر يونس عنهم
نفس موقفي بالضبط اقووولج تجربتي جاني متاخر وعااادي الوضع طبعا قبل لايجيني انا كنت بحالة مايدري فيها غير ربي لانه كان اخر شي بالدنيا كنت اتوقعه لو يقولون زووجج يطاالع بس بالنظر غيرج اقووول جذاابين واثقة فيه ثقة عميا من كثر مااحبه ذيج الليله ونمت وعطيته ظهري بس قلته مقصرة معاك انصدم قال لا قلته له ببرود ليش تخوني قال مااخونج انقهرت وبجيت ليش يجذب ووريت محادثة بالمسن وطبعا يلف ويدور يقول واحد من ربعي مو انا وطبعا انا صارت فيني هستيريا وانهيار عصبي وحلف لي بالقران انه مايحبها يحبني انا بس خلااااااص مااقدر ارد الثقة اللي كااانت انكسر بقلبي غلااه ومكااانه ولمن هديت قلته انا ماراح ارد الموضوع هذاوانسي وانا بانسي وهالسالفه مرت عليها ٧ شهور للحين مقهوورة وموقادرة انسا والله لو موبينا عيال مااقعد دقيييقة وحدة بس انا بديت عيالي علي نفسي وادري انه رد لي الحمدالله بس مااقدر الطعنة اللي بقلبي تخليني اشك فيه بكل شي نصيحتي واجييهيه مو عشانه عشاانج انتي واذا يحبج بيرد لج انا جننته الحين خليته يشك فيني عشان يدري ان الله حق صار بس يحاتي اني مااخونه ويفتش من وراي قبل ازعل لاكن الحين ارتاح ابيه يتعذب مثل العذاب اللي فيني لدرجة ان احلاامه صارت كلها فيني اني اخوونه طبعا مااسويها لو اموووت بس خله يتعذب شوي
