بسم الله الرحمن الرحيم اعاني من مشكلة الخوف بمجرد ان ارى ناس تضرب بعضها أو شخص يصرخ او يتحدث بصوت عالي وفي الفترة الاخيرة اشعر برجفة في جسمي عند الخوف من قيادة السيارة أو مع نقاشي مع اي شخص اخاف ان يغضب مني اصاب بهذه الرجفة فما تفسير ذاللك؟؟
حياتي مو بس انتي تعانين من هالشي اتصور كلنا انعاني من الرجفة من كثر الانفعال وهذا شي عادي اما بالنسبة للسواقة اذكري الله قبل لا تسوقين او شغلي قرآن و انشاله ترتاحين
هلا حبيبتي ذكري الله اول شي بعدين حالتج يمكن تكون رهاب اجتماعي حاولي تسألين استشاري نفسي وان شالله يفيدج ومافيج الا العافيه
هلا حبيبتي مافيج الا العافيه انشالله كلنا نخاف من المواقف الي قلتيها بس حاولي تملكين نفسج وتهدين اعصابج مع النقاش مع اي احد وتعوذي من الشيطان اذا حسيتي بهذا الشعور ومره على مره تلقائي بيروح ولاتفكرين وايد هذا كله وسوسا وعلاجه تعوذين من الشيطان وخلي عندج ثقه بنفسج
اعتقد ان اللي فيج خوف يمكن رهاب اجتماعي يمكن فوبيا هو على العموم خووووووف من كل شيء العلاج يحتاج منج جرئه وتمرين تعودين نفسج على الالعاب في الملاهي ابتدي بالالعاب العادية لين تجرئين شوي وبعدين بمتوسطة الخطورة وبعدين بالخطرة لين تعودين وتكسرين الخوف اتمنى اكون افدتج
كلامي نفسج قولي انا ليش اخاف شنو بيصير بعدين، عودي نفسج شوي شوي مع المحادثه مع الي جدامج شوي شوي تلقين نفسج تغيرتي ... الله يسهل دربج...
شكرا حبيباتي على العموم اهيا حالة نفسية مؤقته وعلاجه انشالله باذن الله مثل ماقالوا البنات اعزز ثقتي بنفسي شاكرة لكم أخواتي