انقذوني بطباخ طباخه خدامه

المصايب لمه تهل تهل مره وحده


طباختي مشيتها

والخدامه اللي عندي بتنتهي مدنها شهر 5 وتبي تسافر شهر 4

وبيتي عود ومو ملحقه


مادري اي مكتب خدم زين

ومابي فلبينيه

الحين ابي وحده عالاقل تساعدها لو تييني بو جم ساعه

على ما القا طبااخ او طباخه و افضل طباخ لاعت جبدي من الحريم وبلاويهم

و شطلب بدال هذي اللي بتمشي من اي جنس يكرفون اللي عندي اثيوبيه زينه بس شيضمنلي اييب اثيوبيه تطلع زينه نفسها

محتااره ابي مساعدتكم

اللي عندها خدامه للتنازل

او اتدلوني على مكاتب زينه

وشنو الجنسيه اللي تنفع حق كراف بالبيت ونظيفه؟

و وين احصل خدمه نص يوم ؟ او بو ساعات ؟

انا والله اضم صوتى لج ابى طاخه ظرورى

موفقة خييييييييييير بطلبج

نصيحه اختي لو شنويصير لاتدخلين ابيتج خدم بوساعات ايدهم وااايد طويله ووصخين حدهم ناااااادر جدا لما تلقين وحده سنعه

شوفي انا دايما اجرب اما مسترجعه والا كفالة مكتب اخذها جم يوم واكرفها كرااااااف اليهد ويكون هاشي

مثل الاختبار اذا تحملت يعني زينه ... والخدم حظوظ انتي وحظج ... الله يوفقج بالاختيار

حتى المكاتب موشرط يكون المكتب غالي عشان تضمنين الخدامه

استخيري والله يسهلج امورج

مشكوووره اختي
بس ما باليد حيله وعمري ما لجلأت لهم الا الظرووف حاادتني
امي خدامتها يالله تلحق شغلهم منو يعاون خدامتي بيتي عود وكانت عندي وحده ومشيتها كانت تطبخ الحين توهقت بالطباخ تلحقت عالتنظيف والا الغسيل والا الكوي والا المطبخ والا غسيل المواعين والا و ولا


صااكه فيني الدنياا