السلام عليكم ورحمة الله وبركاته عزيزاتي الحوامل من المعرف علميا ولحتى الان لم تكتشف الدراسات الحديثه عن اسباب الوحم جينيا ووراثيا حتى ظل الوحم امرا سائدا او اعتقادا لدى الكثير من الشعوب فتعالو نحكي لبعض ايش توحمت فيه عن حملها سواء بنت او ولد ونقارب بين وجهات النظر بالنسبه لي شخصيا توحمت في الشهر الثاني كنت ارغب في اكل السمك وبشراهه حتى اني كنت اشمه على بعد اميال والعجيب ان الفتره الاخيره من الحمل كنت احس برائحة البنزين في خشمي علطول حتى في نومي الحمدلله اني مااتخيلت حريقه في بيتنا بسبب هالبنزين ههههههههههههه والحمدلله بعد الولاده جبت بنوته عسوله وسميناها لمار امانه عليكم اي وحده تدخل هنا تقول تجربتها خلينا نضحك ونستفيد من بعض ودمتم سااااااااالمين
هههههه الله يعطيج العافيه على هلموضوع انا بالنسبه حق اول حمال توحمت على لبن البقر وبعدها على بوضه ليمون وكرهت المخلل خيار جدا جدا والحين بالحمل الثاني توحمت على اي شي سبايسي وبس وادعولي ان الله يتمم علي بحمالي
ههههههههه يسلموووووووو على مرورك الرائع والله يتمم حملك و يقومك بالسلامه وينكم يابنات نبغى تفاعل في الموضوع ولا انتم ماتتوحمون
هلا والله يخليلج بنتج انشالله وتتربى بعزكم .. بالنسبة لي أول حمالي كنت متوحمة ع الليمووون وبعدين على اي شي سبايسي وفيه بهارات .. وكرهت الشاي والببسي والمخلل .. بس الحين صرت طبيعية لوول
مرحبا موضوع من جد رائع أنا لما حملت توحمت على ورق عنب وكل شي مالح وحامض وكرهت شي اسمه بروستد دجاج لان ابو العيال غثني به بدايه حملي وم حبي للملح صرت أحط الملح على الطماطم واكله ..... خلص ملح البيت والسبب أنا ههههههههه بس جاتني املاح مع الحمل بس الحمد لله راحت بعد الولادة وجبت دبدوب صغير فديته ....
انا بالنسبه لي توحمت على وجبه طفل من هرفي كل يوم وانا مااكل الا هالوجبه وبالاضافه لاسكريم السياره كل يوم اروح الثمامه علشان سياره الاسكريم -----المشكله الحاله تستمر لحد الشهر التاسع وجبت ولد والحمدلله واكثر شي كرهته الشاورما ياربي لك لاولدي الثاني توحمت على زوجي كرهته كره عجيب
خووووووووش موضوع أختي سعودية ياااااااااااااه موضوع ويذكرني بالشاورماااااااااا توحمت عليها واكلتها وسبحان الله نص ساعة وإلا الدنيا تدور فيني ورجعت هالشاااورما ومن يومهاااااااااااااااا أكره شي اسمه شااااورمااااااااااااا ونسيت اضيف لمشاركتي إني توحمت على صابونة الديتول اللي لونها أبيض !! كنت اتمضمض برغوتها كل شوي مدري شصار فيني على ريحتها !! وبقية حمالاتي توحمت ع الربياااان
مشكوررررررره اختي ام عبد الله على المرور ايه والله احنا نتوحم من هينا ونرجع على طوول الله يعين ويخلي لنا اطفالنا
خووش موضوع انا توحمت على مطعم ياباني (ماكي ) .. حتى قلت ان اللي في بطني بتطلع عينه مسحووبه مثل اليابانيين ههههه ووووو على ناتشوز مال السينما
اللة اخليلج بنوتج انشاللة انا بحمالي الاول كرهت السمك 00ولي يومج اليوم وانا كارهتة (اللة يديم النعمة انشاللة). وبحمالي الثاني آكل كاكاو بشراهة. واللحين حامل صارلي شهر واحب كل شي سبايسي. ادعولي اللة يرزقني بالولد الصالح واللة يحفظ بنوتيني ويصلحهم وجميع ذرياتي المسلمين قولوا آمين
