ام زوجي تنام معي على السرير لاتفوتكم00 قرأت هذه القصة في احدى المنتديات و اعجبتني و حبيت ان الكل يستفيد منها اني اكتب هذا الموضوع لاقنع كل زوجه متضايقه من ام زوجها اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم.. المهم كانت ام زوجي حرمه متسلطه سليطه لسان يكرهها الجميع من اخوات زوجها وجيرانها واقاربها لان لسانها متبري منها عندما تزوجت تعلقت بزوجي كاي زوجه تحب زوجها 000ولكن الحب يحتاج الى تضحيات واولها المواجه مع ام زوجي 00 وكان الكل يحذرني منها00ولكني قررت ان اكسب المعركه لصالحي في البدايه اود ان اوضح ماهو اكثر شئ اعاني على المواجهه (بعد اعانه الله سبحانه وتعالى) ((((كنت دائما اضع بالي لو انها كانت امي فمالذي سوف افعله بهذا الموقف))))) الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى كانت تحرص ان تدخل غرفتي بدون اذن وتاخذ بعض اغراضي وتستخدمه امامي لكي تغيضني وتجبرني على الكلام (ولكن اتخيلها امي)واصمت كنت احرص ان لا اقفل الغرفه اذا كنت نائمه وزوجي غير موجود لانها تحب ان تفتح الباب بين فتره والثانيه (ولكن اتخيلها امي تود الاطمئنان علي)واصمت كان يوجد داخل غرفتي حمام لمن نركب له باب لانه داخل الغرفه وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا وبعدين البس داخل الحمام (ولكن اتخيلها امي استحي اقولها اطلعي برى) المفروض هي تستحي كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00والبيت فيه خمس مكيفات ماختارت الا غرفتي (ولكن اتخيلها امي)واصمت كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لاني اتخيلها امي)واصمت كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا الصبر الطويل اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل مالح ومره باهت مره الرز لين ومره تبغاه نثري0مره تقول البهارات تسبب لي حرقان ومره الاكل ماصخ مافيه بهارات وطبعا في كل مره اطبخ له طبخه من جديد حسب المواصفات المطلوبه(وطبعا اتخيلها امي)ومشتهيه تاكل هالطبخه لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه لمعه الجسم وطبعا لما جاني عيال ياسلام بدات تلقى اثاره اكثر 00عيالكم سو وعيالكم فعلو00بذكر لكم موقف واحد 00مره ولدي كب بيبسي على الموكيت حق غرفتها00قالت انا حلفت ان البيبسي ماينمسح ولازم يتغير الموكيت كله(طبعا تبغى تنرفزني وتشوف رده فعلي) المهم ولدها عيا قال هذا جبروت مهو طلب معقول 00ورحت وغيرت موكيت الغرفه على حسابي الخاص المهم ياخوات ان هالمعارك دامت تقريبا خمس سنوات(داحس والغبراء) وبعدها اعلنت ام زوجي استسلمها وصارت تفضلني على زوجات اولادها السته وصارت كل ماشافت شي جديد عند زوجات عيالها او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ راي وصارت تدعي لكل عجوز تشوفها ان الله يرزقها بحرمه ولد مثلي طبعا كل الناس مستغربين بما فيهم زوجي واخوانه شلون قدرت اكسب ام زوجي واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي (طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي هي تبغاه) كان مايدري الا بالمشكله الي يشوفها بعينه والله اني اكتب قصتي مع ام زوجي لكي تستفيد منها كل عروس توها باول المشوار وماهي عارفه كيف تتصرف مع ام زوجها منقول
يااااااااااالله القصه عجيبه بسسس وين الي تصبر؟؟؟؟ لااا احنا بس تسال وين رايحين يرتفع ضغطي؟؟ <<وبقلبي اقووول شكووووو صج ماكووو صبر.......
ماشالله انا مجربه هالشي وبصراحه اسرع واسهل طريج للوصول لاحترام النفس مو بس الخاله الا كل افراد اسرة الريل ..........صحيح تعب اعصاب بس تذكرو الريال يستاهل من اجله والا لا حتى لو اقشر طاعته واجبه ومفروضه ...................... اتمنى الكل يستفيد الف شكر ترا حتى انا مستفيده من هالموضوع لان مرات احس اني بانهار بس هالموضوع يشجع
صاجه ام عبدالله واحمد......... اول ماتستفيدين احترام الذات وبعدين احترام عائله الزوج بالكامل انا سويت مثل ماذكرتي بالقصه لا وبعد كنت اوقف معاها ضد زوجي حتى لو كان على حق وبالاخر فعلا كسبت رضاها وثقتها وصارت صديقتي والكل يحسدني عليها ولما توفت انا اللي غسلتها ولاوحده من بناتها قدرت توقف بالمقبره معاي ربي يرحمج يا اعز واغلى خاله ويدخلج فسيج جناته
تسلمين الغالية انا عشت نفس القصة بس ماااااااااوصلت للنوم على السرير بس الله اكرمني وعطانى بيت الحمدالله بعد معانات 8 سنواااات والكل يشهد على صبري وياها الحمد الله مليوووووووووووووووووووووون مره (الصبر مفتاح الفرج )
انا عن نفسي بتكلم انا مع اهل زوجي 14 سنه ولحمد لله طلعت بيت بروحي ومابي ابالغ بس كنت لهم مثل الام للعائله كلها اراكض من بيت البيت بين خالتي وبناتها ومعاهم في المستشفي حتي حزات اتنوم معاهم وهمل بيتي وعيالي <<<<<<<<<<بس والله مابين بعين احد وانا ماسويت جذيه وانا ابي من احد شي لاني عملت باصلي وابي مرضات ربي والحمد لله زوجي شايف الشي هذا ومقدره بس خساره انهم يكونون حمولتي
لا اله الا الله محمد رسول الله صلى الله عليه وسلم.. القصة جدا مؤثرة وحلوه وماشاء الله عليها صبوره جاااان زين انا مثلها بس الحمد الله خالتي طيبه وتحبني الحمد الله..
الله يعينج بس امانة اطيب من امهات الزوج ما تلاقين بس اهما عايزينج تعاملينها متل ما تعاملين امج وصدقينى عمرها ما راح تعاملج معاملة سيئة اذا شعرت وحست انج بالفعل تحبيها وترى الدنيا سلف ودين ومسيرج فى يوم تكونين عمة الله يهدى سرج وبالتوقيج ان شاء الله
ماشاءالله صج صبورة الله يثبتكم على المحبة بس سبحان اللة ترى الصبر درجات عند الناس مو كل انسان يقدر يتحمل اللي تحملة غيرة
هلا والله حبيباااتي جزاكم الله خير ع المرور الطيب واتمنى تستفيدو من القصه وترى كل شي يبي صبر لاكن لازم تصير ثقتنا بالله اكبر لان لو طول الصبر الاجر موجود فا احنا بكل الحالات ماجورين من الله العزيز الكريم قوي ثقتك وصبرك بالله وأسأل الله لكم الفرج والحياة السعيده والله يسخر لكم
