صديقتي في ورطة ..ارجو مساعدتها

السلام عليكم ورحمة الله وبركاته وبعد:
ادخل على طووول بالموضوع :صديقتي عانس عمرها يقارب ال35سنة تمت خطبتها قبل 3شهور من احد اقاربها الي يموت فيها وتقرر زواجها بعد حوالي شهرين من الان ...تمام
المشكلة :انها قاعدة تسوي تحضيرات العرس و تراجع احدى العيادات الطبية الخاصة ومسجلة رقم جوالها عندهم زين ويوم وهي داخلة في احد المرات شافها موظف مهم بالعيادة خلاص وعجبه شكلها الخارجي مع انها متحجبة بالكامل يالله شاف يديها ...الحبيب جره الفضول يعرف كل شي عنها وبحكم اهميته اطلع على ملفها وعرف كل شي عنها حتى انه راح المكان الي ساكنة فيه وسأل عنها وجاب كل معلوماتها..جوالها صار عنده وقام يدز لها مسجات ..هي مش عارفة من وين جاية ..ومرة تجرى ودق عليها ...تفاجأت بكلامه يناديها باسمها ويقول ايش هو عارف عنها ومن خطيبها ومن اهلها ويقول انا معجب فيك وابي اكلمك كصديق ويحلف انه مايأذيها طبعا هي طلبت منه يتركها في حالها..بس الاخ مسوي نفسه روميو وقاعد يدق عليها من صلاة الفجر ويلازمها طوول الوقت وهي بالشغل قال يتطمن عليها

يسمعها كلام ماعمرها سمعته لدرجة تقول اني اقعد ابكي طوول المكالمة وهو بعد لانه يقول ماعاد يقدر يستغني عنها
نصحتها تغير الارقام بس تقول ماراح تستفيد هي بغت في البداية تغير ارقامها بس يقوول لها انا باجيبها باجيبها .
زواجها بعد شهرين وخايفة لايتخرب العرس جاتها فرصة ماتتكرر وهذا الي نشب لها مستحيل يتزوجها بحكم انه مش من ثوبهم واهلها ناس هاي
حبيت اطرح هالمشكلة ياريتكم تساعدونها مع ملاحظة انها تقولي ماصرت اقدر اصد مكالماته وتحس انها تعلقت فيه..
انا اعرف انه فيه كثير مشاكل كذا لكن والله اول مرة اشوفها بالواقع اللي اعيشه وانا انسانه محافظة وهي بعد نصحتها كثير بس المشكلة كل مالها تعقد

الله يعينها
المفروض تغير رقمها ومو لازم تروح للعيادة هذي مرة ثانية

انا اقول تخبر حد من اخوانها او ابوها او ريلها احسن من يسمع رمسه من حد ثاني احسن وتغير رقم موبايلي هو يقول انها يحبها يعني يحبها
شو هالحب من اول نظره حتى لو كان يحبها يحبها يخاف عليها ويوم درى انها مالجه يكتم الحب ما يشوه سمعة البنيه صدق انه رياييل ما ينعطن ويهه

تعلق به شو يعني تعلق به وريلها اللي يترياشو ذنبه انا اعتقد هو يستاهل هالحب

اتمنى ردي ما ضايقج

الله يكون في عونها
يعني عمرها 35 وياها ريل تحمد ربها عليه على كلامك فرصه ما تتعوض لها
المفروض تبعد عن السوالف والخرابيط هذي
واللي قاعد تكلمه مو ريال ابدا .. دام عنده كل بياناتها
وانها مالجه خلاص يخليها لحال سبيلها .. اللي خلقها خلق غيرها
واهي المفروض ماتعطيه ويـه أو تاخذ وتعطي معاه ولا جان ماتمادى معاها بالكلام
وتطورت علاقتهم
الله يهديهم ان شاءالله ويتمم عليها

الله يعينها يارب
وهذي بلوه المفروض تحتسب الاجر فيها وتتعوذ من ابليس
وتفكر بحل جازم انها تبتعد عنه لان لو يدري زوجها مستحيل بيرضى فيها وبتظل طول عمرها عانس بالاضافه الى سمعتها اللي تبي تنزل باالارض ومافي حب الا حب اللي بالحلال وبرضى الله ولاتجذب على نفسها وتقول ماتقدر تصده لانها هي قاعده تغلط وغلطه كبيره ولاتغتفر خل تستغفر ربها وتتوب الى الله وتدخل الرجال بالموضوع قبل لاتكبر السالفه ويطلب منها اشياء غير التلفون والله يهديها ويهدينا وياها ويستر عليها وعلينا يارب..

سبحان الله يعني ربي سهل امورها وبتتزوج

وبتخرب على نفسها زواجها !!

شوفي أختي إذا رفيجتج سعودية خل تتصل على هيئة الأمر بالمعروف والنهي عن المنكر

وإهم بيضبطون لها هالحقير ويقطونه السجن ويا ويله إن أذاها بيجرونه من شوشته مرة ثانية

قرأت قصص كثيرة للهيئة ومدى تفاعلهم مع مشاكل البنات السعوديات وتعاملهم وحلهم للمشاكل بسرية تامة ومن غير فضايح

وإذا صديقتج غير سعودية وماتعيش بالسعودية خل تغير رقم جوالها وتطلع جوال العادي أبو كروت اللي من غير اسم

وصدقيني مستحيل يعرف رقمها . . .

​

شكرا اخواتي الكريمات ولازلت انتظر حلول جذرية

حبيبتي اتمني تكوووووووووون عااااقل علي هالعمر ليش من الاساااااس ترد علي رقم غريب المهم تشوووف اكثر واحد من اخووووانهامتفهم او امهااااا اوخواتهااا الكباااار وتقولااا الموضوووع ويقفونااا عند حدااااا والاستغفاااااار فرج الهموم خليهااا تستغفرالله

يعطيك العافية ممرضة جلدية

عزيزتي سوارة الذهب انا داخلة جديد الحين وهذي اول رسالة اقراها واشارك فيها اعتقدصديقتج غلطانة لانها تكلمت معاه بس ما في مشكلة ما لها حل

يعطيكالعافية اخت غادة

يعطيك العافية يا أخت غادة...
ياريت تنحل

الله يكون في عونها لكن زي ماقالوا الأخوات المفروض انها ماتعطيه وجه لكن دام انها تورطت فيه لازم تقول لأحد من اهلها عشان يساعدها في مشكلتها قبل لاتطور اكثر ويصبح علاجها صعب..الله يوفقها ويوفقنا وياها ويبعد عنا وعنها كل شر أمين يارب......

لا حول ولا قوة الا بالله ..................ليش تبكى ....وليش اهوا يبكى شسالفه ؟؟؟؟؟

لو منها ارقع التلفون بوجه .....لو جاد يخطبها ....بعدين شنو هالعلاقه ؟؟؟؟ خرابيط بفتره قصيره ....خل تتعوذ من ابليس

وتكون اسره ....وعيال............ خل تلحق الى طافها وتحمد ربها........باجر تتشوه سمعهتها عند خطيبها وبعدين ما ينفع الندم

باين على رفيجتج عندها حرمان عاطفي .ولا واحد ماشاف فيني الا ايدي وتعلق فيني وحبني؟ شالسالفه؟؟؟؟؟
هذا نصاب وهو ومخطط عليها وطمعان فيها موبقصد الزواج لانها مثل ماتقولين اهي من عايله معروفه .ورفيجتج تقدر تصده من اول مكالمه اذا كانت جاده بس مثل ماقلتلج اهي معطيته وجه .ولا اول مايدق علي اعطيه اخوي ولا ابوي او اي احد يوقفه عند حده.
الله يستر عليها

الاخت متفائلة جدا هي تخاف من اهلهاواجد وماتقدر تواجههم ...
الاخت سيدة الخليج:تبكي من قوة كلامه وتعبيره لها كيف يحبها علي قولته لانها محتارة وتحس نفسها ضعيفة في وجهه لما يبكي رجال يمكن انه كاسر خاطرها وتبي تطلع من السالفة بحل ما يعذبه......والله احترت
الاخت بلاني زماني: زي ماتقولين الحرمان العاطفي لسنوات طويلة والكبت يمكن له دور وهي بعد بالمره عاطفية يعني ماتحكم عقلها مو قوية فهمتي ...

شفي اختي هي لازم تعلم اهلها وتقول لهم واحد من موظفين المستشفى اطلع على ملفي
وقام وازعجني ( لان هذا الشيء معروف ) في بعض المستشفيات

وبعيدا هي ليش ماتغير رقمها بسرعة ليش كل هذا التأخير او على الاقل تجلس بدون النقال كم شهر صح انه مهم بس سمعتي
اهم 00
بعيدا عليها بالدعاء فو الله الدعاء مفتاح لكل باب مسكر 00 وترى السمعة مهمة خليها تدعي في أخر الليل لعلى الله يهديه
وتلح بالدعاء 00 والله شيء قوي لو يوصل الخبر لاهل الزوج وتضيع مستقبلها ولو كان يحبها صدق كان راح لاهلها وجاب اهله
ولا كلمها وسولف معها 00 وهو قاعد يستدرجها كالذئب وهي مسكينه الله يهديها بس 00

مرحبا .. انا من رايي تكلم خطيبها وتقوله عن الموضوع دام انها مو غلطانه وو تبعد عن هذاك ماتدري يمكن يظحك عليها

اهلا عزيزتي سلامي لكي لكلامك الحساس وخوفك على صديقتك اولا احب اناقولها الله اعطاج نعمة والاول يحبها وخطبها وصارت خطيبته مايحق لها تتكلم مع غيره مهما كان والاهم ان تحمد الله ان اعطاها رجل يحبها ترى بتصرفها تخسر الاثنين لان الثاني اكيد بيتلاعب بيها وبعدين يجب ان تغير رقمها وماتروح للعيادة وتسرع في زواجها وبعدين اذا زاد عن حده بتقول لااحد يساعدها او تهدده وماتحبه اطلاقا شي خطير والله لايعرف خطيبها وتبتلش وشكرا وابقي انصحي فيها واطلب من الله لها لنا ولها الهداية

بعد التحية والسلام...........الاخوات :
غزلان نجد............هي ماتقدر تقول لاهلها زي ماقلت في البداية لانهاردت على مكالماته كثير ويمكن مسجل لها شي مدري الله واعلم وبعدين اهلها بيذبحونها ..
om3esa : تخيلي تقول لخطيبها تفقد ثقته طول عمرها
اميرة الخيال: اهي من زمان ماعاد راحت العيادة بطلت
رقمها:يقول باجيبه لاتعبين نفسك حتى لو بدون اسم الاخ يعرف احد من قرايبهاولد اختها ويطلع على جواله وهي مرة قربية من ولد اختهاتكلمه يوميا ..وعلشان رقمها معروف غند المسئولات في العمل لازم تكون على تواصل هي مسئولة وايد مهمة
الزواج خلاص قريب بعد شهر وشوي وهي قاعدة تحضر للعرس لكن المشكلة في الاخ اللصقه يدق عليها مايزيد على 100اتصال في الساعة وهي موظفةمسئولة تنحرج من كثر مايدق قدام الموظفات ولاترد واذا ردت تاخذ ساعة لين تقنعه يسكر وهو مسوي فيلم هندي انه كان سهران بالليل وهي مقفلة الجوال
وجوالها ماتقدر تقفله بالدوام ناس يكلمونها بشان العمل من برا طبعا حريم كلهم