عزيزاتي .. بينما كنت اتصفح المنتدى، ادركت ان الحياه الزوجيه في حاجه الى مداعبات،حركات، تحضيرات لليالي رومانسيه مفعمه بالحب و اللهفه للحبيب العشيق wink::rose::wink::rose: ولكن.. لم اجد ملف كامل متكامل تجمع خبرات،تجارب السيدات "سيدات الامارات" فارجوا التفاعل مع الموضوع و وضع الافكار بدون تعليقات لإستيعاب اكبر قدر من التجارب و ان كانت همسه،نظره،لمسه، اي حركه رسمت البسمه على شفاه خطيبج, زوجج بينما كنت اتصفح و اقلب صفحات الاخوات, لاحظت وجود بعض المواضيع المتعلقه بهذا الموضوع و لكن الموضوع كان محفوف بتعليقات جميله من العضوات جعلت الموضوع كبير لجعله ذخيره للمراه :wink_smile: ..شكراً على التعاون هاااااااااااي بعض ردود الخواااات فى الموضوع:smile: -------------------------------------------------------------------------------- التجــربه : اتعطري و اتبلسي و اتكشي و ادلعييي و سشوري شعرج و اهم شي ريحة شعرج ^,^ حطي مخمريه حلووه مب ثجيله .. و ايلسي عداله و هو في غفله مثلا يطالع التلفزيون .. يقرا جريده .. و حطي شفافج عند اذنه و قولي له .. (( تعـــرف أنتـــه شو بالنسبــة لي .. ( عقب طلعي شويه اصوات دلع خخ ما يحتاي اشرح ) ... قولي (( انتـــــــــه تــــــــــاج راسي )) .. اذا تعرفين تسوين حمام مغربي .. سووي حق ريلج مفاجأه و سويله حمام مغربي ( بدلع ^.* ) .. --------------------------------------------------------------------------------------------------- التجــربه : مغيرة غرفة النوم بالكامل بالورد والمزهريات والفرش وفراش للسرير حتى اغراض الحمام شريت لها طقم وغيرتها، ظهرت العطور اللي كنت خاشتها,, وغيرت مكان السرير بالكامل يعني قلبت الدنيا بالغرفة وسويت صور يديدة تجمعنا بروحنا بدون عيالنا خخخخخ اللي مع عيالنا بغرفتهم يالله برى لوووووووووووووول --------------------------------------------------------------------------------------------------- التجــربه : مره حجزت له فندق ورتبت اموري وخشيت ملابس ف سيااره و اتصلت وحجزت ودفعت قلت له خل نطلع نتعشى ف المطعم نفسه قلت لهم من قبل انه يجهزون كيكه ويابوها لي ع اخر شي وعقب سرنا فندق --------------------------------------------------------------------------------------------------- التجــربه : أنا يوم الخميس كان ريلي طالع وهذي اول مره يطلع فيها من دوني من اول ماعرست (قولوا مشاء الله) وكنت مابيه يتأخر وقلت له لا تتأخر المهم قمت الساعه 12 ودزيت له مسج وكتبت فيه: ((تهانينا! لقد ربحت معنا جلسة مساج لمدة 45 دقيقه اليوم في تمام الساعه 2 وذلك تقديرا منا على جهودك المبذوله لإسعاد وإرضاء زوجتك مع تمانينا لقضاء أجمل الأوقات العنوان : منزلك جنتك للتأكيد أو تأجيل الحجز يرجى ارسال رساله نصيه على الرقم الظاهر أمامك)) وطبعا انا كنت مجهزه الغرفه ومجهزه نفسي وشوي اتصل فيني يقولي ممكن ااكد الحجز قلت له انا تاكيد الحجز يكون برساله وليس اتصال بعدين قال وليش اخترتي الساعه 2 بالضبط قلت له لو سمحت هذي هديه ولازم ترضى بالوقت اللي نحطه لك قال اوكي وبعدين قبلها بنص ساعه دزيت له مسج قلت له (( تذكير : موعدك بعد نصف ساعه )) واتصل وقالي ممكن ااجل الموعد قلت له الحين لا لان طافت الساعه 2 ( لانه تاخر بسبب ظروف ) وخلاص راحت عليك الهديه يوم رجع البيت كان مستانس من هالحركه بس ماسويت له المساج لانه تأخر عشان يتأدب مره ثانيه ومايتأخر خخخخخ بس تم يحايلني اسويه له بس قلت له مره ثانيه وقالي ان وايد المسج عيبه وقالي من قالج على هالطريقه قلت له بروحي خخخخخخخ --------------------------------------------------------------------------------------------------- التجــربه : مممممممممم البارح كان مشغول عنيه وسويت له مقلب طرشت له مسج انه ابي اقوله شي بس خايفه تعصب عليه ولا تزعل ونا لوماحبك ماقلت لك ومن هالكلام اللي يكسر الخاطر طرش مسج انا كلي لج وبسمعج تبيني اطلع من عند الشباب واتصل ولا بطرشينه مسج قلت لا بطرش مسج وقلت له ترف شو كنت بقول قال شوو قلت تولهت عليك خخخخخخخخخخخخ^,^ ع الساعه 4 وشي طرشت له صورتي وكتبت له صباح الدلع للي ناسيني طرش مسج انه مب نايم من البارح وكان خايفه واونه بيصيح وهو تعبان وبيرد اللحين للبلاد ^,^ واطرش مسج انه رايح الدوام يطلب اجازة وبعدها طرش مسج انه بيروح العياده وبعد ماقعدت من النوم شفت المسجات وطرشت له خير شو فيك قال تعبان وخايف اصدمج من اللي صار واخاف ماحصل جواب من عندج وانقهر قلت له عادي قول قال لا مابي ازيدج هم ونا بمووت اقوول شو فيه هااا وآخر شي قال مثل ماقلتيلي البارح انج تولهتي عليه انا اقولج احبج مووت تعيشي وتاكلي غيرها ^,6 ردها فيني الحبيب وصارت 1-1 ونا قلت الايام يايه هع --------------------------------------------------------------------------------------------------- التجــربه : من يومين دقيت له سويت عمريه معصبه .. قلت له شوف فلان تراني داقه وبقولك كلمتين وبسكر مابغي دوم اعيد وازيد فالسالفه ..>> خخخ وترووع الريال قالي خير الغاليه اسمعج شو فيج !! >>كان مطول علمسجل وقصر من الزيغه خخخ قلتله :احبك موووت .. يالله بااي قالي: صبري صبري فديتج انا ... >>ماآيخصكم عيب خخخ -------------------------------------------------------------------------------- التجــربه : شوي حركات ثانية سويتهااا بفكرة مساج .. دورت ع لحن حلووو ببداية وكان هذا لحن .::: http://www.youtube.com/watch?v=c9sCL...eature=related استخدمت كمبيوتر عشان للحن .... استخدمت شمووع صغيرة حطيتهن فوق طاولات .. وبندت الليت وحطيته ع اللون الاحمر .. لانه ثريت غرفتي اطلع الوان عجيبة خخخخ .. وعندي هذا مال الريول مساج .. مال الكهرباء اللي تحطون فية ماي .. و وسويت عصير طازج فريش .. وعليه قشور برتغال .. ديزاين .. وفراولة مقصوصة .. في صحن .. وادوات مساج .. وبس وريلي قال يحس عمرة انه ملك ذاك اليوم >>>> طبعااا خخخخخخ . -------------------------------------------------------------------------------- التجــربه : * يوم ينش الصبح احضنه *يوم يطلع من الحمام السجادة اتكون مفروشة *و هو يصلي ارتب الفراش بسرعة و احط ساعته و قلمه و محفظته و نظارته الشمسية *قبل ما يطلع اعطره و اقوله اشوفك على خير *يرد وقت الغدى و بعد الصلاة يتغدى معاي و يرقد شوي يوم ينش اسويله نسكافيه و ايلس وياه اقرى قصة و لا اسوي ما***ر لعمري و لا امشط شعري احس انه يعيبه يوم ما احن فوق راسه و مرات انزل تحت عند عمي و عمتي و بس اطرشله خفايف مع البشكارة عشان يشتاقلي المغرب اشوف مرت اخوه اتحرمله و جي بس انا ما اسوي هالشي استحي جدام عمتي اسويه و مرات اتسويله مساج جدامهم. انا ما اقدر اسوي حركات جدام اي حد (اقصد ريلها) في اشياء لاحظتها و هي انه 1. يحب يوم اقوله مشط شعري 2. يوم اطلب منه يساعدني في كتابة شي و يسوي عمره ابو العريف 3. يوم يرد من الحلاق و اقوله نعيما شو هاللوك الحلو (مع انه نفس كل مرة) 4. يوم الاحظ انه شي مخلص مثل الديودرنت ماله 5. يوم اعتني فيه مثلا مرة يت و حطيتله مال الخشم للروس السوداء 6. يوم ما اتصل فيه و هو مع ربعه و احن و اقوله لا تطلع 7. يوم اروح عرس و اطلب منه يرقع سحاب الفستان 8. يوم اقص القصة اكون صغيرة اكثر في نظره 9. يوم يكون في الدوام و اطرشله مسج جني اغازله 10. يوم اسويله سويته المفضل و هو يموووت على الورق عنب و الجيلي مع البسكويت فيوم اسويله احرص اني انا ااكله لو كنا روحنا و يوم يشتريلي اي شي و لو صغير اسوي مسرحية و افرح من الخاطر حتى يوم يشتريلي ايس كريم بو ريال من الدكان و هاي الحركة اتعلمتها من ربيعتي اتقوللي انه الريال يستانس يوم يحس انه فرح حرمته و طبعا اذا متزاعلين ما اسويله اي شي مول --------------------------------------------------------------------------------
عجييييييييييييييييييييييييييييييبة الف شكر تجربتي البارح قلتله طلبتك قال امري قلت دلكني عاد الاخ مسوي فيها ثقيل جان يقول مافيج شي عشان ادلكج ولا السالفة عيارة جان اقوله اي عيارة (مع ابتسامة شقية ) وابتسم و انحرج جان اعطيه لوشن معطر و................................................... انقطع الارسال
أذا أنت رجال وجاي تشوف راي البنات اقولك أطلع بره احسنلك شنو الفايده من الموضوع اعتقد ان غرفه النوم خاصه لزوجين وماله داعي تطلع سوالفهم برا واتمنى من البنات مايردون
لا حبيبتي انا مب ريااااال انا حرمه وهذا موضووووووووووووووووع ما طلبت منكم اتحطون شويستوى بينكم فى غرفة النوم بس خيتو هذا الموضوع يكون دروس حلوه حق البنات او المتزوجات جدد اوكي واتمنى من اختى الهنوووووووووووووف القراااء جيدا للموضوع قبل الرد علي بهذه الطريق فارجوا التفاعل مع الموضوع و وضع الافكار بدون تعليقات لإستيعاب اكبر قدر من التجارب و ان كانت همسه،نظره،لمسه، اي حركه رسمت البسمه على شفاه خطيبج, زوجج
شالسالفة يالهنوف شفيج شبيتي عالمرة عادي هي قالت قولو تجاربكم عشان نستفيد من بعض يلا بنات تكلموا مو بس انا
هههههههههه اشفيكم قلبتوها ريال وحرمه؟ الشعر2011 هذا مو اول موضوع لها وبعدين موضوعها عادي ربي يحفظكم قولوا تجارب عامه لاتقولين بالتفاصيل
حبيباتي والله احلفلكم ابشو عشاااان اتصدقون اني حرمه وبعدين انا مب اول وحده اتحط موضوووووع مثل هذا ومشكوووووووورين واااااااااايد k.k.k و المزاين على تعليقكم حبيباتى والله بس الى ابغي اعرفه من الاخت هنوووووووف شو الى خلاها تقول عني انى ريال والاخت اغادير شو الى يخليج اتحسين انى ريال ممكن اعرف سبب هذا الاحساس على العموم مااااهنتو والسموووووووووحه منكم
اجمل حاجة ان الزوج لما يدخل علي زوجته تستقبله بابتسامة رقيقة واول كلمة تقولهاله وحشتني والافضل يكون العشا علي ضوء الشموع والبسله قميص نوم شفاف ومثير مع عطر فواح جميل وهتبقي ليلة من الف ليله وليلة واسالوا مجربة
يعطيك العافه اختي بس المفرض تطرحين موضوع للفائده بس موتطلبين نقول ايش ايصير , تحياتي لك ارجو لاتتحسسين من ردي ,
صباح الخير يابنات ارجوكم ساعدوني انا زوجي يحبني بس هو دايما مشغول واحس فيه جدي زيادة عن الحد حتى اللحظات الرومانسية لما احاول اعملها اشوفه ماينتبه شنو برايكم الحل
هلا اريج الورد عموما اغلب الرياييل جديين مع حريمهم بس انتي حاولي تبينين انج متضايقه من جديته الزايده وانج تحبين الدلع ومن هذي السوالف صدقييني راح يعصب شويه ويقول هذي طبعي بسسس مع الوقت راح يخف شويه شويه
