1. ملصقات للواتس اب و آي مسج ، اكثر من ٥٠٠٠ ملصق سهل الاستخدام. لتحميل التطبيق
  1. سلطانة زماني

    سلطانة زماني مــراقــبـــة عــــامــــة

    هالابيات عجبتني كثير بما فيها من حكم كثيييييييييره

    حبيت تشاركوني متعة قراءتها ..

    لاتفرح إن الوقت أسعدك وأعطاك
    لابد ما سود الليالي تبكيك


    دنيا تقلب علها ما تولاك
    تمسي عزيز وتصبح من الصعاليك



    إلى أقبلت تخفي عيوبك عن عداك
    وإلى أدبرت تظهر عيوبك لأهاليك


    إغنم صروف الدهر كانه أمداك
    قبل اللحد عن ظاهر الأرض يخفيك



    وترى التشكي للمخاليق يشناك
    يحط من قدرك ويفرح به معاديك


    وكثرة التشره يجعل الناس تجفاك
    ولاعاد تلقى بينهم من يخاويك



    ولا تمادى في زعل من ترضاك
    مادام جاك عاني على شان يرضيك


    ولا تخاوي من على أبوه بداك
    هذاك وإن طال الزمان يغدر فيك



    والجاهل إحذر لا تجادله يبلاك
    في كلمة بين المخاليق تعميك



    والهرجه العوجى لو إنها تنصاك
    حاول تجاهلها وخلها تعديك



    ولاتخيب هقوة اللي تهقواك
    مادام جاك من بين المخاليق ناصيك



    وأحذر تهزا يافتى بخلق مولاك
    تشوفها باقرب قريب يواليك




    ولاتفرح بزود على الحق وإن جاك
    وزودك ترى نقص على حق ذوليك



    وخل القناعه ميزه من مزاياك
    مع القناعه كل شي يكفيك



    وإن جت لك الدنيا على غير مشهاك
    أصبر ترى بالصبر تدرك أمانــيك


    ولا تامن الدنيا ترى الوقت فتاك
    لاجا القدر كثر الحذر ما ينجيك ...



    [​IMG]

  2. روميا

    روميا سيدة جديدة

    يعطيج العافية يا عمرى وبالفعل ايام متقلبة ومالها عزيز الله يرزقنا حسن الخاتمة
  3. سلطانة زماني

    سلطانة زماني مــراقــبـــة عــــامــــة

    يعافيج يالغاليه ...

    اسعدني مرورج ..
  4. الجـ حزن ـوري

    الجـ حزن ـوري سيدة جديدة

  5. وتر الابداع

    وتر الابداع سيدة جديدة

    الله روووووووووووعه
    صح لسانك حبي
    لاخلا ولاعدم فدييت قلبتس
  6. BNT ZAYED

    BNT ZAYED سيدة جديدة

    والهرجه العوجى لو إنها تنصاك
    حاول تجاهلها وخلها تعديك


    الله أبيااات رووعه صح لسان قايلها وناقلها ..
  7. سلطانة زماني

    سلطانة زماني مــراقــبـــة عــــامــــة

    فديتكم حبيبااااتي

    نورتووو..

مشاركة هذه الصفحة