قانون الخدم اليديد صج وهقنا

السلام عليكم
قبل يومين رحت مكتب خدم بحولي ابي اخذلي خدامه من اي جنسيه
تفاجات انه راعي المكتب يقولي ماعندنا خدم لازم تطلبين وتوصل من 35 لي 45 يوم وكل المكاتب الحين جذي ماتحصلين لا مسترجعه ولا جديده
افتريت كل مكاتب حولي وقالولي نفس الكلام انه إلقانون اليديد الحين انه اطلب خدامه واذا ماعجبتني اسفرها على حسابي او احول اقامتها لاي لاحد يبي خدامه
والله حده وهقه انا الحين بداوم وولدي عمره شهرين وخالتي كبيره ماتتحمل بروحها لازم خدإمه تجابله
ياجماعه اللي يعرف شي بهالموضوع خل يشاركنا الراي واللي تعرف مكاتب خدم عندهم الحين خدم من غير طلبات الله يخليها تدليني وين مكانه
وربي يعيننا ان شاءالله

حبيبتي شوفي مكتب رباب غلوم
توني ماخذه منهم وحدة على كفالة مكتب
شوفيهم وهذا رقمهم22424839
والله يوفقج انشالله بخدامة زينة وتريحج

فيوري هذيلا جدد أول مره بالكويت

ولا مشتغلين قبل

حبيبتي انا امس ماخذتلي خدامه من الفحيحيل شكثرررررررررهم طبي وتخيري منهم .....
فوق بقصر السلطان العماره السوده

حياتي اريج اللي ماخذتها يديدة اول مرة
بالنسبة لمكاتب فحيحيل ............ الله يسامحهم
انقرصت منهم وايد
غير اسعارهم الخيالية
عندهم الاثيوبية المرجعة اوالكفالة ب 480 على الاقل
وبرا فحيحيل ب400

امس رحت مكاتب الخدم اللي بالفروانيه قالولي نفس اللام عقب رحت اللي بفحيحيل هم نفس الشي واخر شي رحت الجليب هم قالولي انه بس طلبات ماعندهم ورحت المكاتب اللي قلتولي عليها يقولون ماكو شي غريب والله طلبتلي سيلانيه وتوصل بعد شهر شسوي بعد العوض ولا القطيعه

اي والله ظلم
شنو هالقانون
وحده اعرفها بترجع خدمتها المكتب قال لها المكتب نستشير الخدامه اذا تبي شغل اوكي اذا رفضت سفيرها علي حسابج تقول له من واين ايب لها فلوس الطياره صرخ بويها الهندي تخيلوا !! وقال لها روح المخفر هذا قانون جديد
مسكينه ارتفع ضغطها

عفيه بنات اللي تعرف مكتب ايب خدامه علي كفاله المكتب تبلغني علي الخاص
الله يرفع قدركم وييسر اموركم ويرزقكم الرزق الحلال

اي صح هالكــلام مـــــــــــــاااااااافي مستــرجع ولا على كفالة المكتب
قبل يــــــــااااكثـــرهم الحيـــن انقرضـــو !_!
الطلب والله وهقــــــــه مادري يجون عالموعد ولا لأ ..؟؟
اللــــــــــه المستعـــــــــااااااااان ..
وفووق هــذا اسعــارهم شـــابه نــــاااااار تقـــــول ذهـــــب !_!

اي والله اشكثرهم اول وين راحو وشهالقانون الخايس الحين الخدم بيكبر راسهم متى مابغت تسافر قالت سفروني لا سنتين ولا حتى سنه وانتي وحظج باللي طبيتيها ..
مادري اذا ايون عالوقت ولا يطولون ,, انا اللي طلبتها المفروض توصل يوم 7-5 مطوله بعد