حبايبي جايتكم و ابي فزعتكم انا بيت اهلي بالعارضية و بيت حمولتي بالجهرا:52_52: وقاعد ادور شقة وريلي مو راضي نطلع من الجهرا يعني حدي سعد العبدالله مااطلع اكثر و انا اقوله الصلبيخات عشان دوامي هناك و يالنص بين اهلي و اهله خو ماقلتله بروح العارضية عشان ما تنجرح رجولته وامس اخوي بعد عمري موصي ربعه و يابلي شقة لقققققققققققققطة بالمواصفات اللي ابيها و بسعر خيالي بالصليبيخات و لكن,,,,,,,,,,,, سبع البرمة مو راضي يقول انا شقلت ما اطلع من الجهرا سمعتي و يالا اقنعته يروح مجاملة لاخوي بس يشوف عشان اخوي ما ينحرج من رفيجه فشله مكلم الريال و عشانه عطاه سعر و بالتالي ما نيي :emoticon_U: الحين انا متشفقة على هالشقة ابيها ابيها ابيها بس شلون اقنع بعلي العزيز :sad_smile::sad_smile::sad_smile: تكفوووووووووووون خبراتكم وكيدكم و سحركم الحلال شلون تستخدمونه
ياعمري انتي والله لو موراضي لهدرجه صعبه بس حاولي تدلعينه ورضينه على الاخر فهمتي قصدي بعدين قولي ياربي طريج الدوام وتعب ومن هالسوالف بس لاتشدين معه بالحجي وانشالله البنات يفيدونج
الله يهديج يا اصيلة صدمتيني بعدين لوعت جبده من سالفة الدوام مو راضي وساحلنا و دلعنا و ساعات تنبط جبدي و انفعل وهم ماكو فايدة بس شلون الحريم يقنعون ريايلهم انتي قلتي رضيه ع الاخر رضيته و بعدين ولا جنة شي صاير ولا اييب الطاري بوقت الشسمه حده مو وقتي يمكن يفلعني باللي عنده!!!!!!!!!!!!!!
هلا أختي .. شوفي أنتي أكثر وحدة تعرفين لـ زوجج .. يعني إذا هو بالعادة مقفل وما ياخذ ويعطي معاج .. من رايي أنسي الموضوع لأنه واضح أنه مو موافق وبقوة أما إذا كان يسمع لج وممكن أقناعه .. حاولي تناقشينه وقولي أبي أعرف سبب رفضك للطلعه من الجهرا وأن الأنسان بيوصل أهله لو كان في بلد ثاني وبيني له أن طلعتكم وسكنكم قريب من دوامج فيه راحه لج .. وذكريه بالرسول صلى الله عليه وسلم إنه كان ياخذ رأي زوجاته إذا كان صح وعليج بالدعاء والإستغفار .. والله يخليكم لبعض .
حبيبتي لا تقنعينه ولا شي والله اهم شي راحة البال وان بروحكم مستقلين ابرك مليوووون مره من القعده عند الحموله ترا سعد العبدالله وايد زينه وبالنص صايره وما بعد عالسياره
ربي يعينج بس شنو الجهراء وشنو صليبيخات وشنو العرضيه؟ هني طقني عمي وهني سييل دمي كلهم يم بعض....ليش تييبين لروحج المشاكل وعوار الراس يابنت الحلال ريلج لو يبي يقعد بالقمر روحي معاه اهم شي تنامين مرتاحه وتصحين اريح واريح اشتبين بعوار الراس والحنه والرنه وتضيقين صردج وخلق ريلج؟ قعدي بالمكان اللي يبيه ربي يسخره لج
