موضوع مهم ويهم كل متزوجة أو عروس . . .

مرحبا بنات ..ان ا قلت للنساء لانه بصراحه عيب والله الرجال يعرفون مثل ذا الحريم..بيفرحون علينا.. بس انا حاسه واحساسي مايخيب انه فيه ناس حالقه شواربها وداخله

اتمنى ان موضوعي يلاقي استحسان حضراتكم خخخخخخخخخخ
بنات انا دايم اشوف هذي المشاهد قدامي وبعضها يشعرني بالأشمئزاز ..
وبعضها بالتعجب ..

بس اللي اقوله وصلنا هذا القرن وفيه ناس كذا ؟؟؟؟؟؟؟؟؟؟؟؟؟؟؟؟

المشهد الأول ..

امرأه في كامل اناقتها تشوفينها تقولين يا سلام وش هالزين وش هالكشخه من لبس وشعر وريحه واكسسوارات بس (( لا تــــــضحك )) اذا ضحكت وش تشوفين اسنان صفراء عليها طبقات من الأكل والجير !!!

استغرب شلون تضحك عند زوجها وشلون تسولف معه وشلون يقدر ( يقبلها )!!!

وبعد هذا كله تقول زوجي ما يحب يبوس كثير !!!!
بلا مو منه من هالقرف اللي يشوفه ..
(( ناقشت مرة وحده في هذا الموضوع وش تتوقعون قالت لي ؟؟
تقول من الله خلقها ما فرشت اسنانها!!!
ردت اللي معها انا بس في المناسبات!!!))
وانا وجهي علامة تعجب كبيره !!!
في ناس كذا ؟؟


المشهد الثاني ..
طالعه مع زوجها وهو كاشخ على سنقه وعشره وهي طالعه بعبايه وسخه ما بقى كاتشاب ما بقى مايونيز ما بقى حليب من عيالها هذا اذا ردت على الأكل اذا ما كانت تمسح أنف طفلها فيه ( اعذروني بس مو مني من الحره )
واذا انفتحت العبايه تشوفينها طالعه بروب البيت !!!
بتقولون لي استر !!
انا ما اقول تتفسخ انا اقول تلبس عباية نظيفه و لبس طلعه مو لبس بيت!! تنورة وبلوزة محتشمه مثلا مو روب بيت !!

وبعدها تتشكى تقول زوجي يبصبص ما احب اطلع معه !!

المشهد الثالث ..
ام طالعه مع عيالها المول وتضرب في هذا وتسب هذاك ..
طيب تبين تربين عيالك مو في السوق عند الله وخلقه ربيهم في البيت ..
ابدا منظر غير حضاري..

المشهد الرابع ..
رايحه للصالون بتصبغ وتستشور ..
تفصخ العبايه .. الا جايه بالبيجامه !!!
طيب تعرفين تصبغين وتستشورين ما تعرفين تلبسين !!!

المشهد الخامس..
الريحه وما ادراك مالريحه ..
بنات انا والله احيانا امرض من ريحة العرق اللي في بعض الحريم ..
معقوله وصلنا الا هذا الزمن وما فيه وحده تعرف تستخدم مزيل رائحه العرق ؟؟
تخافين من الأمراض؟؟
فيه اختراع اسمه مزيل عرق..و و و

وبعدها تقول زوجي فيه برود جنسي!!
الله يكون في عونه المفروض يكون فيه اكثر اذا ما جاه الصداع النصفي والجيوب وخلل في الأعصاب ووظائف الكبد كويس !!

المشهد السادس..
تزورين ناس تلاقين البيت ريحته واصله الشارع الأطفال ملابسهم وسخه ريحتهم ما تقدرين تسلمين عليهم .. كنبهم كله بقع ..والساعه كم 9 مساء والعيال بالحوش يلعبون كورة والبنات متسدحين عند سبيس تون!!
وربي حتى ما تشتهين تشربين عندهم كاسة الموية !!
وتجيك هي تسلم عليك بحماس الا وريحتها كشنه وشعرها منفوش ( بس مشطته ع السريع وحطت ***سه بس باين )

وبعدها تشتكي وتتحسب على زوجها تقول بس مقابل الاستراحه وما يجي الا وقت النوم ..
(زين انه يجي ينام بعد) يعني اذا هذا وضع البيت كيف يقدر الزوج يجي يرتاح ..
مش المفروض يكون البيت في هذي الساعه نظيق ومبخر والحرمة كاشخه ولابسه ومتعطرة والأطفال في سريرهم!!!
(( ناقشت وحده زي كذا في الموضع مع انه حساس بس ما قدرت اسكت قلت لها ليش طيب ما تنظفين البيت وتنظمين نوم الأطفال وتتفرغين لنفسك ولزوجك!! وش تتوقعون ردت؟؟
تقول اصلا هو ما يجلس في البيت علشان اسوي له كل هذا!! بالله ما ترفع الضغط؟؟))

يا الله وينكم عن النظافه اللي حثنا عليها الله ورسوله ؟؟
قال تعالى : " وثيابك فطَّهر "

ولا يكمل جمال الظاهر بغير النظافة، ولا يكمل صفاء الباطن وحسن المعاملة بغير تقوى ولطافة ..

فعن جابر بن عبد الله رضي الله عنها قال : " أتانا رسول الله صلى الله عليه وسلم فرأى رجلاً شعثاً قد تفرق شعره فقال : أما كان هذا يجد ما يسكن به شعره ؟ " ورأى رجلاً آخر وعليه ثياب وسخة فقال : " أما كان هذا يجد ما يغسل به ثوبه ".


اااه بس يا كثر المشاهد اللي ترفع الضغط بس هذا اللي يحظرني الحين وما فيه مانع من اضافة المشاهد اللي تساهم في رفع مستوى الوعي في النظافه ..انتظر ردودكم الحااااااااااااااااره ..{انا حاسسه انه فيه شوارب داخله}...​

منقوليشن ن ن ن ن للفائدة

صاجه ولله بهالموضوع ويعطيج العافيه

الصراحه عجبني موضوعج واايد ووصح كل كلمه قلتيها وايد مرت علي هالمواقف مع وايد ناس ز بس انشالله تنفع النصيحه

يعطيج الف الف الف الف عافية بعد عمري والله موضوعج وايد حلو .........

يقولون الأوليين النصيحه بجمل

يعطيج العافيه

تسلمووووووووووووووون يااارب وأسعدني مروركم

فعلا هالأمور تحصل واللي استغرب منه المراة بالأخير تقول ليشششششش تزوج على أنا مو ناقصني شي . . .

الصراحه عجبني موضوعج واايد

موضوع جميل

(أن الله جميل يحب الجمال) أبسط عبارة أتقولينها.

الله يعطيك العافيه

مشكوره اختي ام عبدالله علي هالكلام الحلو صراحه انا اعرف وحده كلا ريحتها خايسه كانت معانا بالمعهد ماعمري سمعتها تقول انها تسبحت انزين في اختراع اسمه عطر بس انا عن نفسي استحي اكلمها بالموضوع اخاف احرجها حرام ماحب افشل احد

الله بعطيج العافيه و طرحج كان جدا حلو

هلا أختي همس وحياج الله​

تسلمين اختي الفاضله

هلا أختي عذيجة وحياج الله​

صاجه والله انا وحدة اعرفها بس تسب بهالحريم هذه وسخه وهذه ريحتها خايسه وهذه ما تعدل شكلها كانها هي الكامله والكامل الله والله ان ريحتها لا تطاق وشعرها ما تعدله نفس الناس ولا لبس ولا شيء ولاولاوالا وزوجها والله مسكين كشخه ونظيف ويهتم بالاناقة وبنفسه ودايما يشتري لها الاشياء اللي على الموضه ويقولها أعطيج من الالف لي العشر اذا تبين تسويين بشرتج وتشترين اللي تبينه
المسكين بس يبيها تهتم بنفسها الله يعينه
مشكورة حبيبتي على هالموضوع

الله يصلحها ويهديها . . .نوعية هالحريم عدي وخربطي

شاكرة لج مرورج ومشاركتج أختي كويتية أصيلة

وحياج الله بالمنتدى

اي والله انج صاجه ويلومون الرياجيل اذا راحوا وطفشوا من البيت بس عجبتني كلمت حاسه في شوارب داشه اي فيه وانا منهم
ههههههههههههههههههههههههههه

شكرا على المعلومات الحلوة :thumbs_up:

اولا انتي خطيرة دينجرس يعني واسلوبك يجننننننننن والله اسعدتيني بروحك المرحة وبحرارتك
بطرح الموضوع
وشوي شوي لايرتفع ظغطك
وبصراحة صدقتي بكل كلمة قلتيها
انا زوجي يقول لي عن واحد معهم بالإستراحة مايروح بيته ينام بالإستراحة
والسبة أن زوجته على قولته شيفة وصايرة كأنها ام خمسين سنة ولولا عيالي ماصبرت عليها
يعني والله حرام كثير يهتمون ويتزينوون ويطلعون مرة جميلات بعكس البعض تلقينها حلوة بس ماتهتم ابد
وبعدين تسب بزوجها انه عيونه زايغة ياشيخة منك ومن همك ((كأن ظغطي ارتفه ههههههههههه))

استغفرالله الله يعافينا
بصراحه انااتنرفز لاشفت وحده كذا ودي يتزوج عليها اربع من الاهمال اللي فيها تقولي مافي وقت
والله النظافه مايبيلهاوقت الله يهداهم
واحس الرجال بعد لهم دور في هذا الزوجه بعض الاحيان تشوف الزوج مهملها تقوم تهمل نفسها بزياده ليش تتزين وحق منو ؟؟؟

الله يعطيج العافيه حبيبتي ماقصرتي الموضوع وايد حلو ان شاء الله يهتمون اشويه بروحهم