السلام عليكم ورحمة الله وبركاته .. شلونكم يابنات ؟ اكيد استغربتوا من العنوان :shades_smile: بس بصراحه يابنات بعض الناس ودج تمسحين فيها البلاط من قلة حياهم .. غاسلين وجههم بمرق .. ويأذونج ويدورون عليج الزله .. مع انه ماجاهم مني شي !! يعني كذا قلة حياء من غير سبب !! وانا للاسف اذا احد قال لي شي مااعرف ارد عليه !! وددددددددي اني ارد .. يعني مو رد صراخ وكلمات شوارع لالالا .. ابي ارد عليه رد عاقل يسكته وخلاص ماتنشب بحلجي مره ثانيه وتعرف ان لي لسان مو بس هي !! والله يابنات ملييييييييييت مااعرف ارد على هالنوعيه من البشر مع انهم واااااااايد حولي .. ابي اتعلم شلووووووووووووووووووووووووووووووووووووون لانهم مأذيني بشكل ماتصدقونه وكل ماقلت لامي قالت خليك احسن منهم .. إلى متى وأنا احسن منهم !! خلاص انا مابي اصير احسن من احد .. الي يبي يحترمني بحطه بعيوني والي مايبي ابي امسح فيه البلاط وابي الناس يعرفون حدودهم معي .. تكفووووووون يابنات اي وحده كانت كذا وتغيرت تقول لي تجربتها " علماً بأني خجوله وارتبك بالكلام مع الي مااعرفهم ويمكن هذا الشي هو نقطه ضعفي ويدرون الملسونات بهالشي ومأذيني " انتظر آرائكم يابنات ..
والله احسن لج صدقيني كل اللي يلاسنونج محترين منج وكااايدتهم انا وحده من الناااس كنت اتضاايق واذا رديت وقعدت بيني وبين نفسي اقول ياليتني قلت جذي وياليتني ماسكت وياليت وياليت بس بعد خبرتي بالحيااه عرفت ان اللي لسانهم يلوط اذانهم مريضين نفسياا ةمايحبوون الا نفسهم فحقرانهم اريح واحسن ولدي في وحده من عماته لو شنو يسوي زفته زف وحتى لو عيالها الغلطانين امسكه بيني وبينه واقوله المجنون شنو نسوي فيه يرد علي ويقول نسكت عنه مع ان ولدي صغير بثانيه ابتدائي بس مابيه يغلط على عماته وبنفس الوقت ماابي احرق قلبه معودته ان اللي يصارخون بدون سبب نااس مجنن وحقك اخذه اللي يطقك طقه واللي يزفك زفه بس اللي بعمرك بس عماتك اقطع لسانك ان طولته عليهم تدرين انها تدخل لي غرفتي وتشرشح عيالي وانا وزوجي نكون قاعدين بالصاله يقول شفيهاا هذي بكلمها قلت موصاحيه مجنونه اسكت عنها وفعلاا حقرتها والحين تعدلت هي لانها تبي تنرفزني وتطلع صوتي بس ماقدرت وتبي تطلعني بالشينه بس هم ماقدريت . واتخذي حديث الرسول صلى الله عليه وسلم حكه لج اللي يقول فيه صلوات وربي عليه ( ليس الشديد بالصرعه الشديد اللي يتمالك نفسه عند الغضب ) يعني هذي ميزه لج وصدقيني لاتغيرينها والله تتعبين انتي بينج وبين نفسج العوب واللي لسانهم طويل شنو تقولين عنهم ناس مومحترمه لاتقولين اخذ حقي والله كلن معرووف انتي خلج سيداا وطقااااااااااااااق باللي يتكلم والله مافي شي يسواا تعصبين عشاانه وتغيرين طبعج الحلو عشانه واسفه ع الاطاله بس لانج مثل طبعي وطبعج حلو لاتغيرينه والطيب يسمونه خبل ماعليج من اللي يقول جذي لانهم اهم الخبوول الله طيب يحب الطيب كريم يحب الكرم .. وسلامتج
يا معووده افتكي وصيري الزينه عندهم خليهم يعرفون قيمتج اما اتصيرين عووبه ... وملسوونه باجر يقولوون مو منج من تربيتج .. افتكي من المشاكل.. واكسبيهم خليهم وياااج ... اماا تصيرين عوووبه والله باجر يكرهوونج ... وشكرا
آآآآآآآآآآآآآآآآه ضربتي عالوتر الحساس ورب الكعبه في ناس اردى منج الا هي انا .............تدرين انا اذا احد طول لسانه علي ياليت بس اسكت تدرين اني ابجي!!!! احاول امسك نفسي يس ماقدر دموعي تنزل غصب مو خوف منهم لا والله بس انا حساسه ولما احس بالاهانه ابجي على طول ماعرف ارد وزوجي يقولي صيري قويه لازم تواجهين المشاكل بس انا مو ضعيفة او خوافه بس ما اتحمل الغلط دشيت دورات تعلم قوة وضبط النفس ماكو فايدة والحين خالتي وحماتي مستقوين علي بس اذا قالولي كلمة ابجي واعلم زوجي او بس ليمتى؟
مشكووووورين اللي ردوا بس ماوحده فيكم علمتني الطريقة السحرية للملاسنة ووووووووووووووووينكم بناااااااات الله يخليكم
مدري ..! احس تجي خلقه من الله رددي(اللهم اشرح لي صدري ويسر لي أمري واحلل عقدة من لساني يفقه قولي)وان شاءالله الله يعطيك الكلام الجاهز للرد على هالأشكال بس بدون طولة لسان ^_* لا إله إلا الله محمداً رسول الله
انا مع الاخوات احقريهم كأنهم موموجودين والله العوابه مامنها فايده تحطين نفسج بمشاكل انتي في غنى عنها خليج جذيه محترمه وهذا يدل على تربيتج والهلاقه وطوله اللسان صدقيني ماتحل مشاكلج اذا اللي حوالينج مفتخرين بطولة اللسان انتي افتخري بصمتج وهدوئج......وطبقي مبدئي (القافله تسير والكلاب تنبح)ويكرمون العضوات
حبيبة البي والله ياعمري انا من النوع الشديد يعني برد بسرعة الحمدلله ومابغلط مع اي حدا من رفقاتي البنات بالعكس بردي الضحوكي المزوحي بغيظون كتير للبنات وبخليهن يصيرون متل الفلفل بس ياالبي عنجد لازم اتضلك هيك احسلك ياغالية والله البنوتة يلي هيك كتير بتنحب
حبيبتي خلي كل اللي حولج يشوفونج انتي الزينه والسنعه عشان لي صارت سالفه باجر لاسمح الله بيوقفون معاج تحاشيهم وبعدي عنهم وحاولي تقهرينهم بطريقه غير عن اللسان لان هالشي مو لج انتي باين عليج بنت ناس ومتربيه عدل ماشاء الله حتى باين من امج انها من الحريم السنعات مو من الحريم اللي تحرض بنتها وتخرب بيتها سمعي حجي امج وديري بالج على بيتج يالغاليه
لا والله الملسونة بهالزمن تعيش انا كنت نفسج خجولة واستحي ارد بس بعدين اشوف نقطت ضعفهم وارد عليهم او اقول لهم امثال يستفسون منها
عندنا وعندج خير انشالله يارب انا وياج نصير ملسونات ومحد يقدر علينا بس ماظنتي بصير ملسونه زوجي يحاول فيني اني اخذ حقي وارد على اللي يغلط علي بس ماقدر وماعرف لساني بس يطلع على اخواني وخواتي وامي وابوي بس الناس الباقيه تقط قط علي وانا ساكته واصعد شقتي ابجي الله يرزقنا باللسان الطويل
انا هم مثلكم اسكت وماعرف ارد لدرجة لما قامو اييونا اسوي نفسي نايمه ومالي خلق وتعبانه وزوجي يحب خواته وااايد يقولي قومي طلعي قعدي عندهم عاد مرة شسويت قلت له خواتك يزفوني ويسبون وانا محترمتهم عشانك بس خلاص ماتحمل ماودي اغلط عليهم ماني قاعده قال لا غصب وربي ينرفزون تقولي حمدلله عالسامه شفناج حتا غرفتج لو فيها حمام قلنا عادي بس غرفتج مافيها حمام شلون تنخشين عنا من الساعه 4 العصر لي 11 بليل اماااااااانه مو قمة الوقاااحه شفت اوقح من جذي واطنشها وخواتي غير عني ويزفوني يقولون وربي اذا مارديتي عليهم مانكلمج ولا تكلمينا احترت
صراحة والله مشكلة انا يابنات مثلكم والله ان الناس اللي يزف ولسانة طويل الكل يتكفى شرة والطيب له الله انا عن نفسي حاولت اني اكون ارقى منهم واكون خلوقه بس راح تموتين من القهر انا لما يصير لي موقف وماارد علية والله اني اتعذب نفسيا واكرة نفسي حتى لو خففت على نفسي وقلت لا انا ارجي ما عند الله بس مااقص عليكم اكرة نفسي لدرجة اني اكرة اقعد مع بعض الناس مو ظعف بس عارفة مااراح ارد لان تربيت على الادب واحترام الكبير وطلعت لمجتمع وناس تستظعف الطيب ودج تمسحين فيهم الارض بس انا حاليا خلاص مليت انا طيبة مع الطيب واللي يقل ادبة اعرف شلون ارد علية الدنيا كلها ماتسوى اني اتظايق على ناس مو كفو تبين الطريقة اولا ادعي الله دائما ان يريني الحق حقا ويرزقني اتباعة ويريني الباطل باطلا ويرزقني اجتنابة وادعي هذا الدعاء عن أم سلمة - رضي الله عنها - قالت : ( ما خرج النبي صلى الله عليه وسلم من بيتي قط إلا رفع طرفه إلى السماء فقال اللهم أعوذ بك أن أضل أو أضل أو أزل أو أزل أو أظلم أو أظلم أو أجهل أو يجهل علي ) صححه الألباني / صحيح أبي داود / 5094 وقوي قلبك وتوكلي على الله
الحزن جوري والله اني نفس مشكلتج بالظبط انا تعبت اني اعامل الناس برقي اخلاقي واهل زوجي خاصة هـــــــــــــــــــيلق ومو كفو رقي بالمعامله بس شسوي اهلي ربوني عالاحترام الكبير والصغير كلهم احترمهم للأسف صارت الاخلاق الزينه ما تنفع بهالزمن
الله ييسر لي ولج ويكفينا شر المشاكل والله تعبت منهم اظحك واسولف وهم النفس ثقيلة يالله يردون وانا متاكدة انه كله حسد اعوذ بالله الدنيا كلها ماتسوى الحقد والتكبر اخرتنا قبر تحت التراب
:والله والله والله لو تصيرين ملسووووووووونه مني لباااااااااجر ماااااااااينفع تبين تقهرينهم ماعليج الا :teeth_smile: ابتساااااااامه تحرق والله اعصابهم
